PÍTƐ HESENDAA GƆLƆÍ 2:8 - Kɛ́lɛ Niinaí

⁸ Faa véka lɔ múl̃ɔ ngáá sí pɔnɛngɔ́ Ngala Kɔ́lɔi h̃u áá vá mbaa ngáá sí, “Kulangɔ́ɔ́ lé ngáá kɔtuí í ná áá kɛ́ ngáá háwu nungái ti bówa lá, ti gula.” Sí aa ɣɛ h̃íí ngáá ti ye bɔw̃álale taá gólongɔ Ngalá kééla wói wú. Aáva ná vá tɔ Ngala ngí súúbatɛnga ti haáw̃a.

PÍTƐ HESENDAA GƆLƆÍ 2:8 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:34

Kɛ Símiyɔ i hɛɛ́nga ti w̃a, i ɣɛ Jísu njéé w̃a, “Ndoí sí lɔɔ́ kɛ ngáá háwu Ísulɔ yeláitii kpih̃íw̃aa ti wú nga ngí yéi, ná vólu, ti bih̃íw̃aa ti wú nga ngí yóóɣe. Laá lɔ áá Ngalángi yákpangi yákɛ aáva taá léle mba,

LÓÓMI 9:22

Ngimɔ́ɔ́ nɔ́ɔ í ná kɔwɔ́ato sí wa Ngalá ngí kɛ́ngɔ. Ngalá ngí ɣɛngɔ́ lói í ngi lííyaw̃al̃ai taá ngí yákpangi yákɛ sítii maa véle w̃a kule í ɣɛ́ngɔ ti w̃a ti ɣɛ kíli í ỹááni. Kɛ́ áá ɣéle, háwui ɔ́ɔ́ kɛ ɔ́ɔ́ ná ɣɛ, aá ɣéle i liilɔ́lɔngɔ ti hái ya.

KƆ́L̃E HESENDAA GƆLƆÍ 1:23

Kɛ́ niỹá láa, keela wói níwaa nde kɔwɔ́ í tóngɔ Kílisitii háálai wa kulɔ́sii w̃a. Keela wói sí vá tɔ áá báálɛ Júsuaitii mba. Sítii pa taa ngáá Júsua, aá lɔ ti yaá ngáá faa ỹááka.

KƆ́L̃E GƆ́LƆI HELE KÉLEI 2:16

Maakungí gúlangɔɔ lé ngáá sái ɣɛ́ kíli aáva aa va ngáá sái sítii faaw̃a ti wú ngáá ló su. Laáva múl̃ɔ, maakungí gúlangɔɔ lé ngáá ndɛɛh̃úi aáva aa va ngáá ndɛɛh̃ú sítii mbɛ táá ngumaawóngi w̃ááhɔlɔ. Faalɔ, ele gíte lɔ áá hómbo Ngala ngóó le ngéngengi sí la?

GALÉSIYA 5:11

Mu mbála Yalá fɛ́li mbélai, ná wɔ́lii ngɔ́ɔ́ ɣɛ́ ngáá ndé ngáá nuu lɔ́vendaa pɛlɛ́ vólu aá lɔ́ pele w̃a, kɛ́ ndeé lɔ́ ɔ́ɔ́ kɛ nungáá tɔ́ɔ́ ɣɛ́ táá fáa báma la má nɛ́nɛ kpɛ́? Aáva bele ná lɔ́ ngí ɣɛ́i ngáá nde, kɛ sí ngáá nde kɔwɔ́ato Jísu váándai wa kulɔ́sii w̃a, ɛ́i belé vá ngáá ngoo ya fáha fíli.

TƐSALÓNIKA HESENDAA GƆLƆÍ 5:9

Bɔw̃álale, Ngála ngáá mú yéɣengɔ ngáá ngí vóngaa ngáá kɛinɔɔ́ ɔ́ɔ́ ngí háá bama lá mú w̃a mú háá ỹɔítii fááw̃a, kɛ́ aá ɣéle, i ná ɣɛ́ngɔ ngáá kɛinɔɔ́ a mú ngúmaawongi w̃ááhɔlɔ mu Lemɔ́i Jísu Kílisitii w̃áá véle w̃a.

PÍTƐ HESENDAA GƆLƆÍ 2:6

Sífaa, sí pɔnɛngɔ́i Ngala Kɔ́lɔi h̃u, aá wáá ngáá sí Ngala ngí ɣɛ́ngɔ ta, “A sí w̃aa hái lɔ lɛ́ɛ́! Ngí lókolonga kɔtu vandá wála wa aáva maa wɔ́tui vá tɔ́ ngáá ngangímba wɔ́tu. Nyá lɔɔ́ nda taa walái sí h̃u taa náa lolí ngáá Jɛlúsɛl̃ɛ. Aáva nuí fíli áá lá lá, kitómai ɛi ỹaaní kúnafɔ.”

PÍTƐ HESENDAA GƆLƆÍ 2:7

Kɔtuí sí va wɛ́i wú lángɔ la aá lɔ ngáá ngangímba wɔ́li ngwala wú hááw̃a. Kɛ́ sítii pa taa lái la maa hái gúlangɔɔ lé ngáá sí pɔnɛngɔ́i áá va tɔ ngáá sí, “Kɔtuí sí pɛ́lɛ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.”

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.