PÍTƐ HESENDAA GƆLƆÍ 2:7 - Kɛ́lɛ Niinaí

⁷ Kɔtuí sí va wɛ́i wú lángɔ la aá lɔ ngáá ngangímba wɔ́li ngwala wú hááw̃a. Kɛ́ sítii pa taa lái la maa hái gúlangɔɔ lé ngáá sí pɔnɛngɔ́i áá va tɔ ngáá sí, “Kɔtuí sí pɛ́lɛ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.”

PÍTƐ HESENDAA GƆLƆÍ 2:7 Iomraidhean Croise

MÁFIYU 21:42

Kɛ Jísu i ɣɛa ti w̃a “Nápa wáá nɛ́ɛ kalái Ngalá Kɔ́lɔi h̃u? Sí í ɣɛ́ngɔ ta, ‘Kɔtuí sí pɛ́lɛ ló mbélai ti bééleni mba í ɣɛ́i ti gi má ngangáámba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá. Ndemɔí Ngalá tɔ í sí ɣɛ́i, aáva maa wɔ́tui w̃aanɛ́ɛ́ngɔɔ lé a mu yaah̃ú!’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:32

Aá lɔ ngáá lámbo fo kɛ kíli áá Ngalá ndówa wo ngáá sítii taa ngáá Júsua. Aa kɛ ngáá háwu ngufema í la Ísulɔ yeláitii mbɛ ti ngáá i vóngaitii.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:34

Kɛ Símiyɔ i hɛɛ́nga ti w̃a, i ɣɛ Jísu njéé w̃a, “Ndoí sí lɔɔ́ kɛ ngáá háwu Ísulɔ yeláitii kpih̃íw̃aa ti wú nga ngí yéi, ná vólu, ti bih̃íw̃aa ti wú nga ngí yóóɣe. Laá lɔ áá Ngalángi yákpangi yákɛ aáva taá léle mba,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:17

Kɛ Jísu i ti belénga tííŋ, í tí w̃ɔ́ɔ́ni, i ɣɛ ta, “Sí pɔnɛngɔ́ Ngala Kɔ́lɔi h̃u kɛ bɛɛ́ lɔ́ hɔ́ɔ áá ɣɛ́ ngáá polúi? Ngáá sí í ɣɛ́ngɔ ta, ‘Kɔtuí sí pɛlɛ́ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.’

NJƆÚ 4:42

Kɛ tí ndengá nyah̃ápoi w̃a, ti ɣɛ́ ma, “Ni la sáwui ngáá Jísu áá ngáá sí hááw̃a yí ndéngɔ ni w̃a, kɛ́ sífaa niỹá gíte ní ngoo ỹɛ́ninga aáva ní kɔlɔ́ ngáá laá kái kái tɔ í ngáá ngeléi sí wuu yélai Ngumááwo Mɔ́i.”

TI GƐ́Ɛ́ HAÍTII 26:19

Pɔ́ɔ i ndiní ngu ma, i ɣɛ ta, “Faalɔ, Masangí Agílepa, ngáá koló lála gúlani ngáá ngoí ná í léni má í gúlani ngeleí ya naa h̃u faí ná í ɣɛ́ni ngáá ngé.

LÓÓMI 10:21

Sí lɔ́ Ngalá ngí ndéni kɔwɔ́ato Ísulɔ yeláitii mba, i ɣɛi ta, “Toko h̃ú húlombongɔɔ lé hɔ́wɔ fíli nungái sítii fááw̃a taa kólo lála gúla ngáá ngé, ti mɔ́ɔ́ lo ndáá wú.”

LÓÓMI 15:31

A Ngala fɛ́li ngáá Ngalá ngí mááh̃u béle sítii ngeyá taa lái ngáá Jísu ti Judíya lataí h̃u. Ná vólu mɔ́ɔ́, Ngalangí vóngai sítii tí Jɛlúsɛl̃ɛ taa walái h̃u ti liilɛ́ingɔ í ɣɛ́ la ngengengí sí hááw̃a ngíwaa mbo.

KƆ́L̃E GƆ́LƆI HELE KÉLEI 2:16

Maakungí gúlangɔɔ lé ngáá sái ɣɛ́ kíli aáva aa va ngáá sái sítii faaw̃a ti wú ngáá ló su. Laáva múl̃ɔ, maakungí gúlangɔɔ lé ngáá ndɛɛh̃úi aáva aa va ngáá ndɛɛh̃ú sítii mbɛ táá ngumaawóngi w̃ááhɔlɔ. Faalɔ, ele gíte lɔ áá hómbo Ngala ngóó le ngéngengi sí la?

KƆLƆ́SE 2:10

Aáva mu ndɛ́ɛ́h̃u gítei w̃aahɔ́lɔngɔ kpahaí wa mu su Kílisitii wa. Aá va tɔ ngakpa ngí ngeyá ngakpa ŋániaitii kpɛ́lɛɛ mááh̃u ti ngákpa su.

TÁITƆ 3:3

Muỹá bɛ́lɛ mu ɣɛ́i wɔ́lɔ ngáá tamál̃aa mbélaa ɛ́ɣɛ kolo lála yélaa hése ɛ́ɣɛ mú yakpolowangɔ. Muỹá bɛ́lɛ mu ɣɛ́i kíya nduwɔá taa ɣɛ́ na ndiivo kɛ́i híí kpɛ́lɛɛ su ɛ́ɣɛ mu ɣɛ́i ngáá nyaama yélaa mu lólomangɔ, ná vólu, mu hilímangɔ, nungáá bɛ́lɛ tí hílingɔ ngáá mu ye.

HÍBULU 11:31

Ndangí kɔlɔsiyá nyáh̃apoi ná tɔ́ɔ́ ɣɛ́ ma Léha í ɣɛ́i su ngáá Ngalá, ná lɔ́ í kɛ́ni í bɔ́ni Ísulɔ yelái ti yásɔbɛ mbeláitii mba tí tí lɔ́veni tái ná h̃u í ɣɛ́i su. Ná hááw̃a, aa saa w̃ááhɔlɔni kíya nungáá vékai nátii ti goló lálangɔ í ɣɛ́i la ngáá Ngala tí sáá w̃ááhɔlɔni.

HÍBULU 4:11

Náá hááw̃a, a mú yákpa gíte kɛ́ŋɛ kɛinɔɔ́ mú tá fíli málaa faa ɣɛ́ ngáá áá kɛ ngáá háwu a mɔí ndɛ́ɛ́lɛmbongi ná w̃ááhɔlɔ kíya nɔ́ɔ mu káwalani taá lɛ́ɛ́lɛmboni sífaa, ti kólo lála gúlai ngáá Ngala.

PÍTƐ HESENDAA GƆLƆÍ 1:8

Kíya bɛ́lɛ wáá nɛ́ɛ́ tɔní, wú lóngɔɔ lé la, ná vólu, kíya bɛ́lɛ wáá nɛ́ɛ́ tɔmá kíya suu í na, wú lángɔ lá, náá hááw̃a, wú góóh̃unɛɛngɔɔ wála le. Nuu ɛ́i hómbo p̃ɛ́ɛ́ ɔ́ɔ́ nde laa wóo h̃u kíya maa góóh̃unɛi yambɔ́ɔ́lɔngɔ.

PÍTƐ HESENDAA GƆLƆÍ 2:4

A vá Ndemɔí Jísu yelé lɛ́i kulangɔi ngáá kɔtu ndɛɛh̃ú í sú, nungáitii ti ngeɣéngɔ ngáá ngambalámba w̃ɔ́ɔ́ taá kɛngɔ́ tɔɔ́ lókohei mbu. Kɛ́ Ngalá ngi lokolongɔ́ mba í kɛ́ ngáá ngangímba w̃ɔ́ɔ́.

PÍTƐ HESENDAA GƆLƆÍ 2:8

Faa véka lɔ múl̃ɔ ngáá sí pɔnɛngɔ́ Ngala Kɔ́lɔi h̃u áá vá mbaa ngáá sí, “Kulangɔ́ɔ́ lé ngáá kɔtuí í ná áá kɛ́ ngáá háwu nungái ti bówa lá, ti gula.” Sí aa ɣɛ h̃íí ngáá ti ye bɔw̃álale taá gólongɔ Ngalá kééla wói wú. Aáva ná vá tɔ Ngala ngí súúbatɛnga ti haáw̃a.