PÍTƐ HESENDAA GƆLƆÍ 2:6 - Kɛ́lɛ Niinaí

⁶ Sífaa, sí pɔnɛngɔ́i Ngala Kɔ́lɔi h̃u, aá wáá ngáá sí Ngala ngí ɣɛ́ngɔ ta, “A sí w̃aa hái lɔ lɛ́ɛ́! Ngí lókolonga kɔtu vandá wála wa aáva maa wɔ́tui vá tɔ́ ngáá ngangímba wɔ́tu. Nyá lɔɔ́ nda taa walái sí h̃u taa náa lolí ngáá Jɛlúsɛl̃ɛ. Aáva nuí fíli áá lá lá, kitómai ɛi ỹaaní kúnafɔ.”

PÍTƐ HESENDAA GƆLƆÍ 2:6 Iomraidhean Croise

MÁFIYU 12:18

“Ní yénge mɔí lɔ́ ngáá sí lɛ́i ngí lókolonga mba, laá lɔ́ ndóngɔ lá, laá vá tɔ́ ndíílɛingɔ fááw̃a. Ní H̃ɛ́ɛ́ma Ỹínangi aa ɣɛ polú. Sí í ngáá tɔɔỹaá vélei ndóngɔ nuu kpɛ́lɛɛ ỹandá kpɛ́lɛɛ ti ɣɛ́ taa híya lá, aa ɣɛ áá nde.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:10

Í mɔ́ɔ ɣɛ ta, “Kɛ́mbɛ wú Ngalá Kɔ́lɔi gálanga? Sí í ɣɛ́ngɔ ta, ‘Kɔtuí sí pɛlɛ́ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:17

Kɛ Jísu i ti belénga tííŋ, í tí w̃ɔ́ɔ́ni, i ɣɛ ta, “Sí pɔnɛngɔ́ Ngala Kɔ́lɔi h̃u kɛ bɛɛ́ lɔ́ hɔ́ɔ áá ɣɛ́ ngáá polúi? Ngáá sí í ɣɛ́ngɔ ta, ‘Kɔtuí sí pɛlɛ́ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:35

Nungáitii ti ɣɛ́i lóóni na táá naa belé. Ti wútuwɔaitii pa ti ɣɛ́i lóóni na táa ngɛlɛ́ gúla Jísu h̃u, tíwaa ɣɛ́ ta, “I nungáá vekaítiini maawalónga kɛ́ bɛlɛ́ na hɔ́ɔ í bɔwɔ́ w̃ááwalo ná wɔ́lii tí laá lɔ í ngáá Ngalángi Lókolo Mbá W̃ɔ́i.”

NJƆÚ 7:38

Pɔnɛngɔɔ́ lé Ngalá Kɔ́lɔi h̃u, sí vá pɔ́nɛngɔ aá waa ngáá sí, ‘Nuí fíli áá ɣɛ́ laní ngáá ngé, ndɛɛh̃ú w̃aahɔ́lɔ njɛ́i aa ɣɛ áá gula maa w̃ɔ́i h̃u.’ ”

TI GƐ́Ɛ́ HAÍTII 1:16

Kɛ i ndengá, i ɣɛ ta, “Mu mbálangaa, kɛ Ngalá ndaa wói í hítɛ nga sí pɔ́nɛngɔi. Ná wáá ngáá, sí wɔ́lɔ Masangí Deevé í ndéni Hɛ́ɛ́ma Ỹínangi yákpangi w̃aa véle w̃a kɔwɔ́ato Júdɔ wa sí í lói nungáitii ngútuwɔ ti Jísu houní.

LÓÓMI 10:11

Pɔnɛngɔ́ɔ́ lé Ngala Kɔ́lɔi h̃u ngáá nuí fíli áá lá lá, kitomái ná ɛi ỹaaní kúnafɔ.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 2:20

Mu kpɛ́lɛɛ nɔ́ɔ mu gúlangɔɔ lé ngáá pɛlɛ́ aáva Ngalángi géélaitii ɛ́ɣɛ Ngalá ndaa háá lé mbélaitii tí gúlangɔɔ lé ngáá maa vɛ́lɛi gɔ́wɔi. Jísu Kílisitii lɔ áá pɛ́lɛ gɔ́wɔi ná h̃úúba.

TÍMOTI GƆ́LƆI HELE KÉLEI 3:16

Sí kínɛi pɔ́nɛngɔ Ngala Kɔ́lɔi h̃u, i gulangɔ́ Ngalá ngeyá aáva aá lɔ na tɔɔỹaá gálambo faaw̃a. Aá lɔ múl̃ɔ na ngáá na nuu áá faa ỹɔ́u ɣɛ́ yí téve kpé yí nde ma ɛ́ɣɛ ná nuu áá faa ỹɔ́u ɣɛ́ í ngákɛ ngáá nuu yé ɛ́ɣɛ sí kule í nuu w̃á nuu í ɣɛ́ áá kɛ í ngákɛ mɔ́ɔ ngáá nuu yé.

PÍTƐ HESENDAA GƆLƆÍ 2:4

A vá Ndemɔí Jísu yelé lɛ́i kulangɔi ngáá kɔtu ndɛɛh̃ú í sú, nungáitii ti ngeɣéngɔ ngáá ngambalámba w̃ɔ́ɔ́ taá kɛngɔ́ tɔɔ́ lókohei mbu. Kɛ́ Ngalá ngi lokolongɔ́ mba í kɛ́ ngáá ngangímba w̃ɔ́ɔ́.

PÍTƐ HESENDAA GƆLƆÍ 2:8

Faa véka lɔ múl̃ɔ ngáá sí pɔnɛngɔ́ Ngala Kɔ́lɔi h̃u áá vá mbaa ngáá sí, “Kulangɔ́ɔ́ lé ngáá kɔtuí í ná áá kɛ́ ngáá háwu nungái ti bówa lá, ti gula.” Sí aa ɣɛ h̃íí ngáá ti ye bɔw̃álale taá gólongɔ Ngalá kééla wói wú. Aáva ná vá tɔ Ngala ngí súúbatɛnga ti haáw̃a.

PÍTƐ GƆ́LƆI HELE KÉLEI 1:20

A giséi sí w̃a ngáá pangɔ aá lɔ́ ngáá faá mbuuỹííngɔ ngwala, ná wáá ngáá, Ngalá ngóó fíli aa na Ngala Kɔ́lɔi h̃u Ngala ndaa háá lé mbélai tí ndení yɔ́ɔ́ ɣɛ́ nuu áá suugúla nɔ́ɔ ngáá wúmaa géle ɣele,

PÍTƐ GƆ́LƆI HELE KÉLEI 3:16

Faí sítii tɔ́ nɔ́ɔ jɔ́ í pɔ́nɛni ngí gɔ́lɔitii kpɛ́lɛɛ sú ná í kɔlɔ vɔ́nɛi kɔwɔ́ato ti wa. Faa lɛ́ingaani taá ɣɛ́ ngi gɔ́lɔi nátii sú ti yatɔ́ndai mba kpangɔ́ ngwala. Maa hái nátii pá tɔ sítiini taá faa gíte yakɔ́lɔ aáva taa lóóni kpáŋ kpáŋ Ngala fái h̃u taá maa vóte ngáá bɔwɔ́ liivó péle kíya nɔ́ɔ taá kɛ ngáá faa vékaitii ti vɔ́nɛngɔi Ngala Kɔ́lɔi h̃u. Ná vá tiwáá kɛ, tiyá lɔɔ vá ngáá kɛ kíli ỹáánii bɔwɔ́ w̃ááh̃u.