PÍTƐ HESENDAA GƆLƆÍ 2:5 - Kɛ́lɛ Niinaí

⁵ Wú gúlangɔɔ lé ngáá kɔtuni ndɛɛh̃ú i wú h̃u. A bɛlɛ́ Ngala ngí wú ɣɛ́ ngáá maa wɔ́tui tá ngí vɛ́lɛi h̃u ngi Ỹínangi íwaa to. Wú gúlangɔ í ɣɛ́ lá ngáá hɛ́ɛ́ma Yála sááɣa gula mbélaa, wú ɣɛ́ wáá Ngala fɛ́li wáá Ngala tɛ́ sí í ngáá sááɣa ɣɛ kíli wáá ɣɛ́ wáá kula, sítii taá ɣɛ́ ngáá Ngala tókohei mbu gélea Jísu Kílisitii w̃áá véle w̃a.

PÍTƐ HESENDAA GƆLƆÍ 2:5 Iomraidhean Croise

LÓÓMI 12:1

Mu mbála Yalá fɛ́li mbélai, Ngalángi yááh̃u w̃aaw̃aanuma walaí i folóa mú w̃a, faalɔ, nyá lɔ́ɔ wú w̃áánɛɛnɛ ngáá wú bɔwɔ́ hé mbɛ kíya nɔ́ɔ taá tóŋanii váá ngáá tí kúla ngáá saáɣa Ngalá ngéle, wú ɣɛ́ ngáá ndɛɛh̃u gélei Ngalá ngéya, wú gúlangɔ í ɣɛ́ la kɛlɛ́ma Ngalá mbɛ, wú ɣɛ́ ngáá Ngalá ndíívo mbélaa. Ná lɔ́ í ngáá fɛlingí gíte gítei wáá mbó ngáá Ngalá.

LÓÓMI 15:16

ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.

KƆ́L̃E HESENDAA GƆLƆÍ 3:16

Wáá kɔlɔ́ ngáá kɛ wá lɔ ngáá Ngalángi hɛ́ɛ́ma vɛ́lɛ, aáva ngi Hɛ́ɛ́ma Ỹínangi lɔ wú vólu?

KƆ́L̃E HESENDAA GƆLƆÍ 3:9

Niỹá lɔ́ ngáá Ngalángi yénge mbelaa náá yénge ỹanda yílaa, wáá vá wú gúlangɔɔ lé ngáá Ngalángi báála. Wú gúlangɔɔ lé mɔ́ɔ ngáá Ngalángi vɛ́lɛ.

KƆ́L̃E HESENDAA GƆLƆÍ 6:19

Wáá kɔ́lɔ ngáá kɛ wú lúwui lɔ ngáá hɛ́ɛ́ma vɛ́lɛ Hɛ́ɛ́ma Ỹínangi hááw̃a lɛ́i Ngala ngí kɛ́nga ngáá háwu í wú vólu? Wáá bɔwɔ́ haaw̃a, kɛ́ wá lɔ́ Ngalá fááw̃a.

KƆ́L̃E GƆ́LƆI HELE KÉLEI 6:16

Aa ɣéle kɛ náa Ngalángi vɛ́lɛini ngaa kɔɔ kɔ́ɔ́ ŋániaitii taa ti yeɣé ngáá ngalángaa ti bɔ́ faaw̃á? A muỹá lɔ mu ngáá pɛlɛ́ Ngalá ngí sí hááw̃a í ndɛɛh̃úi h̃u kɛ kíya Ngalá ngí í ndéngɔ, í ɣɛ́i ta, “Nyá lɔɔ ɣɛ́ ti loow̃áá ɛ́ɣɛ ngí híya hiyá ti liiwáá, aáva ngáá ɣɛ́ ngáá ti Yálangi, tiyá va tí ɣɛ ngáá ní vóngaa.”

GALÉSIYA 6:10

Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.

FÉLEPA 2:17

Wú lángi sí wú su ngáá Ngalá wú waá maah̃ú haa ɣɛ́ mbɛ í ngeyá ngáá saáɣa ɣɛ kíli, bele pá bɛ́lɛ ní ỹááw̃ɔi áá vú maah̃u ngáá saáɣa wɔli, ná aa kóóh̃unɛɛ. Aáva ní góóh̃unɛi ná vá, a mu kpɛ́lɛɛ maá mbo.

FÉLEPA 4:18

Sí kínɛi í ɣɛ́ngɔ ngáá kpéɣema wɔ́lingai ngí maahɔ́lɔnga wú yáá í lɔ́ve ma bɛ́lɛ. Sí kpɛ́lɛɛ kpéɣengɔ í ɣɛ́ngɔ lá ma, aá lɔ náa ngéya ná Ɛpafulɔdáitɔ í váa náa ngáá wú loko bɔmba wɔlingáitii ngéle. Ti gúlangɔɔ lé ngáá toko bɔ́mba wɔ́li pánda nuu áá fé Ngalá mbɛ, kíya nɔ́ɔ tokoheí mbu hááɣa áá ɣɛ́ na Ngalá ngelé áá ndiivó.

KƆLƆ́SE 3:17

Sí fíli wáá ndé ɛ́ɣɛ sí fíli wáá kɛ, kpɛ́lɛɛ í ɣɛ Ndemɔí Jísu laahéingi h̃u. Waayaa sɛ́ɣɛɛ gula Kɛɛɣɛí Ngála má sí hááw̃a Ndemɔí Jísu í kɛ́nga mu yɛ.

TÍMOTI HESENDAA GƆLƆÍ 3:15

Kɛ́ ná ngɛ́i ɣɛ́ vái h̃umbuwa, kɔlɔí sí lɔ ná ngáá í ngákɛ kíya kule í ma mú lúva veléi í ɣɛ na ná mú ngáá Ngala fɛ́li mbélaa. Ngalá lɛ́i ɛ́i há kúnafɔ, a múỹa lɔ́ ngáá ngi vóngaa. Muỹɛ́i mú ngáá Ngala fɛ́li mbélai múỹa lɔ ngáá kpɛndɛ kɛ kíli ngí lɔ́ɔ́ỹai wú, maá maah̃ú béle.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

PÍTƐ HESENDAA GƆLƆÍ 4:17

Naa hɔwɔ́i i foloá náa ma Ngalá ngíwaa vá nuu kpɛ́lɛɛ kɔ́sɔma ma. Maa gɔ́sɔngi va aá lɔ́ɔ tɔkúla héi Ngalángi vóngaitii a mu wa. Ná aá vá áá ɣɛ tɔkúla héini a mu wa, ná ná áá ɣɛ, faa bámai h̃uu áá ɣɛ wɔɔlɔ áá la sítii ma taa lái ngáá Ngalángi gééla woo vandaí í tɔvengɔ́ ngeleí sí wu.

FAA YÁKƐ KƆ́LƆI 1:6

Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 20:6

Aá lɔ́ ngáá faa vánda sítii faaw̃a Ngalá ngáá vá ti yooɣéma sái h̃u hése. Tiyá lɔ́ na séɣe héɣe Ngala fááw̃a. Saí héle kélei ɛ́i mɔ́ɔ ti w̃áále. Taá ɣɛ́ náá ngáá saáɣa gula mbélaa Ngala mbɛ́ ɛ́ɣɛ Kílisitii ti mɔ́ɔ ɣɛ ngáa masangáá taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 3:12

Wɛ́i wú ndái áa ndoma, ngáá wú ɣɛ́ ngáá kpɛndɛ ní H̃ɛ́ɛ́ma Yála Pɛ́lɛi wú laáva wɔ́i gúla na kúnafɔ. Ngáá ní Yálangi laahéingi vɔ́nɛ wú w̃á, ngí mɔ́ɔ ngi láá niiná walaí sí taá tolí ngáá Jɛlúsɛl̃ɛ aá vá gúlama ngelegóóh̃u ndaahéingi vɔ́nɛ wú w̃á ɛ́ɣɛ ngí mɔ́ɔ ní lááhei niinái vɔ́nɛ wú w̃á.

FAA YÁKƐ KƆ́LƆI 5:10

Yí ti ɣɛngá ngáá saáɣa gula mbélaa í w̃ásandai h̃u ngáá tí yénge mu Yálangi yɛ. Ná vólu, tí ɣɛ ngáá masangáá ngeleí sí wu.”