PÍTƐ HESENDAA GƆLƆÍ 2:4 - Kɛ́lɛ Niinaí

⁴ A vá Ndemɔí Jísu yelé lɛ́i kulangɔi ngáá kɔtu ndɛɛh̃ú í sú, nungáitii ti ngeɣéngɔ ngáá ngambalámba w̃ɔ́ɔ́ taá kɛngɔ́ tɔɔ́ lókohei mbu. Kɛ́ Ngalá ngi lokolongɔ́ mba í kɛ́ ngáá ngangímba w̃ɔ́ɔ́.

PÍTƐ HESENDAA GƆLƆÍ 2:4 Iomraidhean Croise

MÁFIYU 11:28

Jísu í mɔ́ɔ́ ɣɛ ti w̃a, “Wu kpɛ́lɛɛ a vá ngéle wɛ́i wú bɔ́lɔngɔ aáva kasɔ́ ỹííngɔi áá bɔ́lu wú la. Ngáá kɛ́ ngáá háwu wú lɛ́ɛ́lɛmbo.

MÁFIYU 12:18

“Ní yénge mɔí lɔ́ ngáá sí lɛ́i ngí lókolonga mba, laá lɔ́ ndóngɔ lá, laá vá tɔ́ ndíílɛingɔ fááw̃a. Ní H̃ɛ́ɛ́ma Ỹínangi aa ɣɛ polú. Sí í ngáá tɔɔỹaá vélei ndóngɔ nuu kpɛ́lɛɛ ỹandá kpɛ́lɛɛ ti ɣɛ́ taa híya lá, aa ɣɛ áá nde.

MÁFIYU 21:42

Kɛ Jísu i ɣɛa ti w̃a “Nápa wáá nɛ́ɛ kalái Ngalá Kɔ́lɔi h̃u? Sí í ɣɛ́ngɔ ta, ‘Kɔtuí sí pɛ́lɛ ló mbélai ti bééleni mba í ɣɛ́i ti gi má ngangáámba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá. Ndemɔí Ngalá tɔ í sí ɣɛ́i, aáva maa wɔ́tui w̃aanɛ́ɛ́ngɔɔ lé a mu yaah̃ú!’ ”

NJƆÚ 14:19

Suu áá mɔ́ɔ́ gooh̃á nungáá vekáitii tí ngélei sí wu tɛí mɔɔ tɔ́ kpósouŋ, kɛ́ wá, wá lɔɔ vá tɔ́ma múl̃ɔ. Aáva sífaa ngáá va ɣɛmá múl̃ɔ ndɛɛh̃úi h̃u, náá hááw̃a, wá bɛ́lɛ wáá ɣɛ́ ndɛɛh̃úi h̃u.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

NJƆÚ 5:26

Sífaa, kíya nɔ́ɔ Kɛɛɣɛí Ngalá kpútei í ngáá ndɛɛh̃úi wungi, ngimɔ́ɔ́ nɔ́ɔ í ngi H̃íỹɛndou Loí ɣɛ́ngɔ ngáá ndɛɛh̃úi wungí.

NJƆÚ 5:40

Kɛ́ ná fíli su, wáá lói wɔ́ɔ́ va ngéle wɔ́ɔ́ kúnafɔ lɛ́ɛ́h̃ui w̃aahɔ́lɔ.

NJƆÚ 6:37

Nungái sítii kínɛi ní Kɛ́ɛ́ɣɛ Ngalá ngáá ti he ngéya ngáá ní ndá, taá ɣɛ́ ngáá pólu yélaa, aáva nuí fíli áá ɣɛ́ ngáá pólu w̃ɔ́ɔ, ngɛ́i kpɛ volú kúnafɔ.

NJƆÚ 6:57

Kíya nɔ́ɔ Kɛɛɣɛí Ngalá ngí ndɛɛh̃úi h̃u í tɔ́vengɔ aáva nyá lɔ́ ndɛɛh̃úi h̃u ngi háwui h̃u, faalɔ, nuí fíli áá kɛ́ ngáá laaỹɛ́ni aa ló ndɛɛh̃úi h̃u ní háwui h̃u.

LÓÓMI 5:10

A mu ɣɛ́ngɔ ngáá Ngalá mbaahílima yélaa. Kɛ́ sái w̃áá véle w̃a ngi H̃íỹɛndou Loí Jísu Kílisitii í mbóni a mu haáw̃a, i mú lówah̃u bátɛnga maá Ngalá. Ná áá ɣéle a mu lówah̃u batɛ́ngɔ maá Ngála, mu wumááwongɔɔ lé kpésekele ndɛɛh̃úi w̃aa véle w̃a Kílisitii í su.

KƆ́L̃E HESENDAA GƆLƆÍ 3:11

Nuu fíli ɛi mɔɔ pɛlɛ́ gɔ́wɔ véka hitɛ́ í gúla sí volú Ngala ngí sítɛnga náa kílii, ná vá mbaa ngáá Jísu Kílisitii.

KƆLƆ́SE 3:4

Ná wáá ɣɛ́ lói wú ló ndɛɛh̃ú gítei h̃u, kɛ wáá ɣɛ́ wáá yénge Kílisitii yɛ́. Aáva ná Kílisitii áá vá volú múl̃ɔ ngeleí sí wu, wá bɛ́lɛ nɔ́ wáá ɣɛ́ náá mba ngi yákpa maanɛɛnɛɛngí h̃u.

PÍTƐ HESENDAA GƆLƆÍ 1:19

Kɛ́ aá ɣéle, sí í wú wúmaawongɔ aá waa ngáá saáɣa hái Kílisitii í mbóngɔ kulɔ́sii w̃a lɛ́i ngangimbá ngwala. Laáva ngi hái gulangɔ́ í ɣɛ́ngɔ lá ngáá kíya saáɣa waala áá ɣɛ́ na faa fíli ɛ́i ɣɛ́ mba kɛlaa polí kúlo ɣéle tɔ ɔ́ɔ́ ɣɛ́ ma.

PÍTƐ HESENDAA GƆLƆÍ 1:7

Faí sítii tiyá lɔɔ ɣɛ́ ngáá wú ye kɛinɔɔ́ nga ngí ɣɛ́ kpál̃au ngáá kɛ wú lángɔ gíte le ngáá Jísu Kílisitii ngáá wú líí kpɛ́lɛɛ. Góólii í ngáá ŋani tá áá ỹááni, taá kɔvɔ́ ngáá ngɔmbu kɛlaa maa wú lángi í wú h̃ú lɛ́i tɔvengɔ́ góólii wa. Kɛ nɔ́ɔ suugɔvɔ́ ngí wó ngáá wú ye ngáá kɛinɔɔ́ faa kpɛ́lɛɛ sú wú lángi ná álaa gúla wú h̃u. Ná lɔ́ áá kɛ wáá tɛ mááhɔlɔ ɛ́ɣɛ ngufema Jísu Kílisitii váá holói w̃a.

PÍTƐ HESENDAA GƆLƆÍ 2:7

Kɔtuí sí va wɛ́i wú lángɔ la aá lɔ ngáá ngangímba wɔ́li ngwala wú hááw̃a. Kɛ́ sítii pa taa lái la maa hái gúlangɔɔ lé ngáá sí pɔnɛngɔ́i áá va tɔ ngáá sí, “Kɔtuí sí pɛ́lɛ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.”

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

PÍTƐ GƆ́LƆI HELE KÉLEI 1:4

Ná ná ɣɛ́ngɔ kɛ ngimɔ́ɔ́ ngi nɛ́ɛ́mai í fénga mú yɛ í ɣɛ́ngɔ mu guulóni la, aáva nga tɔ tí wa ngwala, ti w̃áánɛɛngɔ. Nɛ́ɛ́mai sítii maa véle w̃a, kíya Ngalá ngɛ́i faa ỹɔ́u ɣɛ́, wá bɛ́lɛ maa yákpangi aa ɣɛ wu h̃u aáva ndiivo kɛɛ́ ỹɔ́u ỹɔungai sítii tí ngeleí sí wu tɛ́i wú ɣɛ́ kíli ỹaaní.