PÍTƐ HESENDAA GƆLƆÍ 2:24 - Kɛ́lɛ Niinaí

²⁴ A mú háá ỹɔítii kpɛ́lɛɛ tí vungɔ́ Kílisitii gíte w̃a ná h̃u í ɣɛ́i kulɔ́sii w̃a. I ná ɣɛ́i kɛinɔɔ́ a mu gi ngí léve náa faa ỹɔ́u ɣɛ́ndai volú, a mu ɣɛ́ ngáá telembo mbélaa ndɛɛh̃úi sí h̃u. Ỹandái ná í héini mba, laá lɔ́ í mu walongá.

PÍTƐ HESENDAA GƆLƆÍ 2:24 Iomraidhean Croise

MÁFIYU 27:26

Páilɛɛ va i Balába w̃aahaalóni, kɛ́ i ndení ngáá ti Jísu leve ngáá nyɔungɔ́, í tokóleve Lóómingai ti hóyaitii ma ngáá tí kpakpá kulɔ́sii w̃a.

MÁFIYU 5:20

Kɛ léi wú lúva veléi kɔwɔ́ato Ngala sávai wa i ɣɛ vaí í lɔ́ve kaamɔítii Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiai ti ndá lúva veleí wa, kɛ́ ná láá le, wɔ́i ɣɛ́ Ngalángi w̃ásandai h̃u kúnafɔ.”

MÁFIYU 8:17

Jísu i sí ɣɛ́ni kɛinɔɔ́ faí sí Ngalá ndaa háá lé mɔ́i Aisáya í ndéni, í hítɛ nga ngáá sí í ɣɛ́i ta, “I ni héébɛitii kpɛ́lɛɛ mbáloni ni wa.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 15:15

Páilɛɛ i ɣɛi loní í fáŋai lii lá. Faalɔ, i Balába w̃aahaalóni. Kɛ i ndengá ti Jísu leve ngáá nyɔúngɔ, í tokóleve Lóómingai ti hóyaitii ma ngáá tí kpakpá kulɔ́sii w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:18

“Ndemɔí Ngalángi Ỹínangi lɔ́ pólu, bɔw̃álale, i lokolongá mbá ngáá ngí kééla woó vándai lé nyaani yélaitii ma. I tɔ́venga ngáá ngí sítii ti wumááwondai w̃ááheehe wó ti ngáá pelésina, ná vólu, ngí mɔ́ɔ sítii mbaló ti ngáá mbole yeláa. Ngí mɔ́ɔ sítii ngumááwo ti ngáá nungáá taa ɣɛ́ faa báma h̃u.

NJƆÚ 1:29

Naa vólu w̃áá yélei i wóni kɛ Njɔú í Jísu lɔngá íwaa vá ngelé péle, kɛ Njɔú í ɣɛ́a ta, “A wɔ́lɛ lɛ́ɛ́ nuí síí w̃ɔ́i wa taa ɣɛ́ ma Ngalángi Wáálai í fengá ngáá í faa ỹɔ́i wúya ngelewu yélaitii ma.

NJƆÚ 19:1

Kɛ Páilɛɛ i ndengá ngi hóyaitii ma ngáá ti Jísu leve ngáá nyɔ́ungɔ.

TI GƐ́Ɛ́ HAÍTII 10:35

Kɛ́ aa lokohéi nuu kpɛ́lɛɛ mbú taa gúla ndɔwɔlɔ́ fíli su tiyɛ́i ngi lúwambai áá ɣɛ́ ti h̃u aáva táa sítii kɛ áá ɣɛ́ pele w̃a.

TI GƐ́Ɛ́ HAÍTII 10:39

Niỹá lɔ ngáá héélea faí sí kpɛ́lɛɛ fááw̃a í kɛ́ni Júsua ti lɔwɔlɔí h̃u ɛ́ɣɛ Jɛlúsɛl̃ɛ. Ti pááni ngáá kpakpángi tí mbóni la kulɔ́sii w̃a, í ló na, í há.

TI GƐ́Ɛ́ HAÍTII 13:29

Kɛ́ laa vá sí kínɛi pɔnɛngɔ́ í ɣɛ́i lá Ngala Kɔ́lɔi h̃u kɔwɔ́ato Jísu wá ná ti vílani kpɛ́lɛɛ kɛ́ ma lá, tí kulaní naá kulɔ́sii w̃a, tí nda kɔtu wokó kambái h̃u.

TI GƐ́Ɛ́ HAÍTII 5:30

Ngalángi mu kɛ́ɛ́ɣɛni ti ɣɛ́ngɔ taá fɛli, í Jísu wuyoɣéni sái h̃u. Jísui sí va tɔ wú pááni ngáá kpakpángi wú mbói lá kulɔ́sii w̃a, í ló na, í há.

LÓÓMI 6:11

Ngimɔ́ɔ́ nɔ́ɔ wá bɛ́lɛ nɔ́ kule í ma wú bɔ́wɔ yéɣe ngáá kíya nɔ́ɔ nuu áá ɣɛ́ ná saangɔ́ áá ɣɛ́ la, faa ỹɔ́u yákpa ngɛi mɔɔ ɣɛ wú w̃ááh̃u. Kɛ́ wú ɣɛ kíli i ɣɛ́ ngáá nuu áá ɣɛ ndɛɛh̃ú h̃u Ngalá fááw̃a kpahái wa wáá ɣɛ́ su Jísu Kílisitii wa.

LÓÓMI 6:13

Wálaa kɛ wú lúwui waa wɔ́lingaitii tá fíli tɔɔ́ gúla kɛlɛ́ma faa ỹɔ́u ɣɛ́ndai yɛ, tɔɔ́ ɣɛ́ ngáá kíya nɔ́ɔ ngenge nyáákani taa ɣɛ́ na faa ỹɔ́u ɣɛ́ndaa h̃u. Kɛ́ áá ɣéle, a bɔwɔ́ gúla kɛ́lɛma Ngalá mbɛ, wú ɣɛ́ kíli í ɣɛ́ nɔ́ɔ́ ngáá kíya nungáá taa ɣɛ́ yooɣénga saa h̃u, tí ɣɛ́ ndɛɛh̃ú h̃u. Wú lúwui waa wɔ́lingaitii kpɛ́lɛɛ kúla kɛlɛ́ma Ngalá mbɛ faa vándani kɛndáá h̃u.

LÓÓMI 6:16

Wáá súúwɔlɔ ngáá ná nuu áá bɔ́wɔ gúla kɛ́lɛma nuu yɛ́ ngáá í gólo maa w̃ɔ́i yɛ ngáá nduwɔ lopó, kɛ áá lɔ́ ngáá nduwɔ lopó mbu? Ná ná áá ɣɛ́, kɛ bɛɛ́ lɔ́ hɔ́ɔ mú mbú ngáá nduwɔ lopóa? Baa faa ỹɔ́u ɣɛ́ndai le, lɛ́i áá kɛ́ ngáá háwu nuu sáa w̃ááhɔlɔ, baa kolóngi nuu áá ɣɛ́ su Ngalá mbɛ́ lɛ́i áá kɛ́ ngáá háwu nuu í ɣɛ́ ngáá telembo mɔ́ɔ́ Ngála ngaah̃u?

LÓÓMI 6:2

Ngalá ngí gílihoo ná w̃a! Aá ɣéle p̃ɛ́ɛ́, maa hái gúlangɔɔ lé nɔ́ɔ́ ngáá kíya nɔ́ɔ nuu áá há í ndá fíli ɛ́i mɔ́ɔ́ ɣɛ faa wá ngeleí sí wu, ngimɔ́ɔ́ nɔ́ɔ a maa bɔ́i faaw̃á maá faa ỹɔ́i. Faalɔ, mɔí mɔ́ɔ́ ɣɛ faa ỹɔ́u ɣɛ́ndaa h̃u.

LÓÓMI 6:22

Kɛ́ sí h̃úi náa, wú wúmaawongɔɔ lé náá faa ỹɔ́u ɣɛ́ndai yaa aáva wú ɣɛ́a náá ngáá kíya nɔ́ɔ nduwɔ lopóa ɣɛ́ kíli Ngalá mbɛ. Ná vá ngi ndá gúlasuunumai wáá ngáá wú ɣɛ́ ngáá Ngalángi vóngaa fó fóndei tɔmbéma w̃aa fíli álaa ɣɛ́ wú wa. Ná vá tɔ áá kɛ́ ngáá háwu wú kúnafɔ lɛ́ɛ́h̃ui w̃ááhɔlɔ.

LÓÓMI 6:7

bɔw̃álale, nuí fíli áá há í bándangɔ ɛi mɔ́ɔ ɣɛ́ lá faa ỹɔ́u ɣɛ́ndaa yaá.

LÓÓMI 7:6

Kɛ́ a maá mɔ́ɔ́ savaí yákpangi wu ta guló bɛ́lɛ. A mu ɣɛ kíli waa nɔ́ɔ́ ngáá kíya nɔ́ɔ nuí áá há savái yákpa ngɛ́i mɔ́ɔ́ ɣɛ maah̃u kulo bɛ́lɛ. Pele niiná lɔ́ náá kulangɔ́ kɛ́lɛma a maa ɣɛ́ máá Ngála ndiivó fáitii kɛ́, ná wáá ngáá, ngi Hɛ́ɛ́ma Ỹínangi w̃áá véle w̃a lɛ́i a mu golóngɔ áá ɣɛ́ la mbɛ. Aa mɔɔ ngáá a mu híyalaa ngáá savaí ná wɔ́lɔ Ngalá ngí féi Muusé yáá.

KƆ́L̃E HESENDAA GƆLƆÍ 15:3

Kalambongí sí ngí mááhɔlɔngɔ, aá lɔ ngí mbónga ngáá wú ye. Aá lɔ í ngáá maifɔ́lɔ fái aáva tɔvengɔ́ɔ́ lé pekaítii kpɛ́lɛɛ mbá. Ná wáá ngáá, Kílisitii i haaní mu háa ỹɔítii fááw̃a kɛ kíya pɔnɛngɔ́ Ngalá Kɔ́lɔi h̃u.

KƆ́L̃E GƆ́LƆI HELE KÉLEI 6:17

Ndemɔí Ngála i ndengɔ́, i ɣɛ ta, “Hiɣe ti volú, yí bɔ́wɔ béteve ti wa. Yaá faa fíli kɛ́ sí kpálo áá ɣɛ́ mba, laáva ngáá lókohei náa í wu.

GALÉSIYA 3:13

Kílisitii i mu wúmaawongɔ peléngi yáa Ngala sávai í kɛ́ngɔ ngáá háwu í vúngɔ mu w̃a. I longɔ́ a mu lóów̃ai ngáá peléngi í vú ma, bɔw̃álale, sí pɔ́nɛngɔi Ngalá Kɔ́lɔi h̃u aá wáa ngáá sí, “Nuí fíli táa páa ngáá sɛlɛndái ngulúi w̃a, kɛ Ngalá péle tɔ́ mba.”

Ɛ́FƐSƆ 5:9

A yakpá wú sí ɣɛ Ndemɔí Ngalá ndóngɔ wú kɛ. Sífaa, ná nuu áá ɣɛ́ kala kala ma í gɛ́ɛ́ haítii taá ɣɛ́ ngáá faa vánda ɣɛ́ndai ɛ́ɣɛ telembongí ɛ́ɣɛ tɔɔỹái.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.

KƆLƆ́SE 2:14

Sí kpɛ́lɛɛ í ɣɛ́ngɔ mu wa ngáá mu waa háá savaí wú kɔwɔ́ato kolo lálai wa mu ɣɛ́i su la, Ngala ngi ngí háá bɛí nga. I ngi háá hiɣeí mú wa í kpɛ́lɛɛ ngéɣe í ti bakpá kulɔ́sii w̃a. Ná wáá ngáá, saí Kílisitii í mbóni.

KƆLƆ́SE 2:20

Ná Kílisitii í hááni, wa bɛ́lɛ nɔ wu háángɔ votó ngí ɣɛ́i lá aáva wú wúmaawongɔɔ lé náa ngakpa ŋáni ỹɔu ỹɔungáitii ngeyá tí ngélewu. Faalɔ, kule áá wú w̃a wú lúva veléi ɔ́ɔ́ ɣɛ́ ngáá ngeleí sí wúu yélaitii kái kái ti ndái ɣɛ kíli. Kule áá mɔ́ɔ́ wú w̃a wɔ́ɔ́ gólo sava lááli sítii mbu.

KƆLƆ́SE 3:3

Kulangɔ́ɔ́ lé nɔ́ɔ ngáá kɛ wú háángɔɔ lé, kɛ́ Kílisitii i wú lɛ́ɛ́h̃ui yandɔ́ɔ́lɔngɔ Ngala ngéle.

HÍBULU 10:10

Sífaa Jísu Kílisitii í sí ɣɛ́ni Ngalá ndóngɔ í ɣɛ́i lá ngáá í kɛ. Ná wáá ngáá, i ɣɛi ngáá saáɣa a mu kpɛ́lɛɛ fááw̃a naa héiw̃aa i yíla kpé kúnafɔ fááw̃a, ná vá tɔ náa í kɛ́a tɔmbema w̃áá fíli áá mu wa Ngala ngááh̃u.

HÍBULU 10:5

Ná lɔ́ í kɛ́ni ná Kílisitii í vááni ngélewu, í ndéni Ngala ma, i ɣɛ ta, “Yáá lói ngáá saáɣa wɔlingái nátii ɛ́ɣɛ fembɛ wɔ́lingaitii. Náá hááw̃a, yí hómboa yí kɛ ngáá háwu nuu búsa lúwui í ɣɛ́ má.

HÍBULU 12:13

A wááyaa hiya ngáá pele vánda kɛinɔɔ́ nduwúh̃u ɔ́ɔ́ gúla wú wa, kɛ́ aá ɣéle, wú h̃úúbangɔ í ɣɛ́ la.

HÍBULU 7:26

Jísu ndá Yála sááɣa gulandái h̃u, aa hombó í mú gúla a mu beɣéma háitii sú bɔw̃álale, aá lɔ́ ngáá hɛ́ɛ́ma w̃ɔ́ɔ́, tɔmbema w̃áá fíli aa mba aáva aa ngáá faa ỹɔ́u ɣɛ mɔ́ɔ kíya mu ngáá faa ỹɔ́u ɣɛ́ mbélaa. Ngalá pa i kɛngá ngáá ngangímba w̃ɔ́ɔ́ wála ngelegóóh̃u.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

JIMISÍ 5:16

Náá hááw̃a, faa ỹɔ́itii wú tí ɣɛngá a gáhe ngáá ti ye ỹɔw̃ɔ́ ỹɔ́w̃ɔ w̃a. Ná vólu, wú Ngala fɛ́li ỹɔw̃ɔ́ ỹɔ́w̃ɔ haaw̃a kɛinɔɔ́ Ngalá ngí wú wálo. Nuí sí télembongɔ áá ɣɛ́ la Ngalá ngeyá, ngi Yála fɛli ngói yakpángɔɔ lé.

NJƆÚ HESENDAA GƆLƆÍ 2:29

Wú kɔ́lɔ ngáá Jísu Kílisitii lɔ́ ngáá telembo mɔ́ɔ́. Faale, kule lɔ nɔ́ɔ́ wú w̃a wú ɣɛ́ kɔ́lɔ ngáá nuí fíli áá ɣɛ́ áá fái sítii kɛ taa ɣɛ́ péle w̃a Ngála kákala, kɛ maa w̃ɔ́i lɔ ngáá Ngalángi lóu.

NJƆÚ HESENDAA GƆLƆÍ 3:7

Ní léngaitii Ngala fái h̃u, wálaa kɛ nuu fíli ɔ́ɔ́ wú yákpolowa. Nuí fíli áá ɣɛ́ áá sítii kɛ tí péle w̃a, kɛ maa w̃ɔ́i lɔ ngáá telembo mɔ́ɔ́ Ngalá ngááh̃u kíya nɔ́ɔ́ Jísu Kílisitii gíte í ngáá telembo mɔ́ɔ́ Ngalá ngááh̃u.

FAA YÁKƐ KƆ́LƆI 22:2

Njɛí ná i ɣɛi peleí liiwáá í táá walái ná h̃u. Ndɛɛh̃ú w̃ááhɔlɔ ngúlui sítii taá wá yíla ngalú fíli su, ti láɣaitii pa ti ngáá salé ngeléi sí wuu yélaitii mbálo fááw̃a, ti ɣɛ́i njɛí ná góóɣaka félengɔi w̃a.