PÍTƐ HESENDAA GƆLƆÍ 2:23 - Kɛ́lɛ Niinaí

²³ Ná tí ngɛɛliní, aa poto kúlani. Ná tí maanɔw̃ɔ́ni, aa ɣɛi ta faa áá ɣɛ́ ngáá ti ye náá hááw̃a. Kɛ́ laá ɣéle, i laí nɔ́ɔ́ ngáa Ngalá lɛ́i í ngáá Telembo Kɔ́sɔ Mɔ́i.

PÍTƐ HESENDAA GƆLƆÍ 2:23 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:41

kɛ́ mu ndái laá, aá lɔ pele w̃a sífaa, mu gɛɛhɔ́ngi lɔ i kɛ́a kule í mu w̃a mú sái sí wo. Kɛ́ siỹɛndópoi sí aa faa ỹɔ́u fíli kɛ́ngɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:46

Jísu i baíni woo wála h̃u, i ɣɛ ta, “Kɛɛɣɛ́, nyáá ngáá súúyafuw̃angi he náa í ló í lóko h̃u.” Ná léi Jísu í ngoí sí lení, ndii í gúlai náa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:9

Faalɔ, Hɛ́lɔdi i Jísu w̃ɔɔniní ngáá mɔɔni kpíh̃i bih̃i, kɛ́ Jísu aa ngoo yápote fíli féni.

TI GƐ́Ɛ́ HAÍTII 17:31

sífaa i táiŋ tevénga mba ngáá folói áá vá nuí kpɛ́lɛɛ kɔ́sɔma ngáá tɔɔỹaá vélei ngi lókolo mba w̃ɔ́i w̃aa véle w̃a. I faí sí yakɛ́a kpál̃au ngáá mbuyoɣéi í mbóni lá sái h̃u.”

TI GƐ́Ɛ́ HAÍTII 4:29

Faalɔ, Kɛɛɣɛ́ Ngalá, ti w̃aaỹíkii sí ɣɛ́ kíli w̃a táá mbo, naa gúla kɛlɛ́ma kái ni yɛ, niỹɛ́i ni ngáá í yénge mbeláitii ngáá ni í láá wói le ngáá ndiibá ngwála.

TI GƐ́Ɛ́ HAÍTII 7:59

Ná ti ɣɛ́i taá Sitívi hɔɔ ngáá kɔtuí, Sitívi i Ngala fɛ́lini, i ɣɛ ta, “Kɛɛɣɛí Jísu, lokohéi kái ní yáfuw̃angi wu.”

TI GƐ́Ɛ́ HAÍTII 9:1

Kɛ́ ná h̃u nɛ́nɛ kpɛ́, Sɔ́ɔ i ɣɛi áá ndí ngú ma ngáá ngi lúva vele ỹɔu ỹɔungí ngáá nduwá vúndai Ndemɔí Jísu volú yélaitii su ngáá kɛ aá lɔ́ɔ tí váa. I liiní Ngala sááɣa gula mbélai ti wutúwɔɔ w̃ɔ́ɔ́ walaí yéle,

LÓÓMI 2:5

Kɛ́ wú wóli h̃u bɔlɔngɔ́ɔ́ lé aáva wú lélenga ngáá wú vóte Ngála mba. Ná vá kɛngɔ́ wá lɔ́ɔ suu ɣɛ́ nɔ́ɔ ỹɔú bɔ́wɔ w̃a ngwala fóloi ná w̃a Ngalangí lííyaw̃al̃a walaí áá vá gúlama kɛ́lɛma. Ná wáá ngáá, ná h̃u Ngalá ngáá vá nuu kpɛ́lɛɛ kɔ́sɔma kahá vó fíli ɛ́i ɣɛ́ mbá.

Ɛ́FƐSƆ 6:9

Wɛ́i wú ngáá nduwɔ w̃ááliɣiaitii, wá bɛ́lɛ kɛ wááyaa wúfe wú lúwɔaitii ma. Wálaa ɣɛ́ wáá w̃aa ỹíki ti w̃a. Wú ɣɛ́ kɔ́lɔ ngáá kɛ wá bútei wú báha wú lúwɔaitii mba, wá lɔ nuu yílaa kpé mbú í ngáá wú W̃ááliɣii í ngelegóóh̃u lɛ́i áá nuu kpɛ́lɛɛ kɔ́sɔ ngáá kahá ɛ́i ɣɛ́ su.

TƐSALÓNIKA GƆ́LƆI HELE KÉLEI 1:5

Sí vá tɔ́ áá maa hái yákɛ kpál̃au ngáá kɛ Ngalá ngɛ́i faa wááleve káha véle w̃a. Aáva maanɔw̃ɔ́i sítii kpɛ́lɛɛ wúwaa ngeɣé faaw̃a tiyá lɔ́ taá kɛ wú ɣɛ́ kulaɣɛí ngáá nungáá ngi w̃ásandai wú.

TÍMOTI GƆ́LƆI HELE KÉLEI 1:12

Ná háá vá tɔ ngáá maanɔw̃ɔ́i sí yéɣe ma. Kɛ́ ná fíli su, ndííỹaaningɔ láá lé bɔw̃álale ngí kɔ́lɔ nuí ndángɔ lá aáva ngí kɔ́lɔ kpál̃au ngáá kɛ ngakpá tɔ́ ngeyá ngáá áá hómbo í kééla woí sí w̃aah̃ú béle í féngɔ ngéya í ló su kpóloo í fólo ngápumai w̃a.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

HÍBULU 12:3

A gisíya nɔ́ɔ ngáá kíya Jísu í líílɔlɔni sílima wálai ya faa ỹɔ́u ɣɛ́ mbélaa tí tɛ́i ma aáva ná áá kɛ nduwúh̃u ɛi mɔɔ gula wú wá wɔ́ɔ́ lókogula ndangí h̃u wú su ngáá Ngalá.

PÍTƐ HESENDAA GƆLƆÍ 3:9

Wálaa faa ỹɔ́u h̃úúloo ngáá faa ỹɔ́u kɛlaa wɔ́ɔ́ ngɛɛlí súúloo ngáá ngɛɛlí. Kɛ́ aá ɣéle, nuí fíli áá ná ta ɣɛ ngáá wú ye, a hɛ́ɛ́ maa w̃ɔ́i yɛ. A ná ɣɛ bɔw̃álale sɛ́i lɔ Ngalá ngí wú gúúloni la ná í wú lólini ngáá ngi vóngaa.

PÍTƐ HESENDAA GƆLƆÍ 4:19

Faale, sítii ti w̃áá íwaa nɔ́w̃ɔ sífaa áá ɣɛ́ ngáá Ngalá ngí háá h̃uubatɛ ngáá í ɣɛ́ h̃íí na ngáá ti ye, ti ɣɛ́ táa télembo túva wo, laáva tí gíto ti bátɛ mɔ́i Ngalá mbá lɛ́i ná áá kuuló mbo, ɛ́i nga ỹááni.

FAA YÁKƐ KƆ́LƆI 19:11

Kɛ ngí tɔ́a ngelegóóh̃u laa í wó soo woléngi i ná. Soo woléngi sí híya mɔ́i taa ɣɛ ma Tokola Ma W̃ɔ́ɔ́ ɛ́ɣɛ Tɔɔỹaá W̃ɔ́ɔ́ aáva ngi háá waalévengi ɛ́ɣɛ ngí gɔ́i áá kɔ́ taa ɣɛ́ telembo péle w̃á.