PÍTƐ HESENDAA GƆLƆÍ 2:21 - Kɛ́lɛ Niinaí

²¹ Ngalá ngí wú lólingɔ ngáá wú w̃áánɔw̃ɔ h̃íí ná sífaa Kílisitii í w̃aanɔw̃ɔ́ngɔ wú hááw̃a. Aáva ngi w̃áánɔw̃ɔi ná ɣɛ kíli lɔ wáá ɣɛ́ wáá wɔ́lɛ mba wúwaa híya kɔwɔ́ vó njɛ́ ya.

PÍTƐ HESENDAA GƆLƆÍ 2:21 Iomraidhean Croise

MÁFIYU 10:38

Nuí fíli ɛ́i ɣɛ́ w̃áahei wóni ngáá ɔ́ɔ́ há fááw̃a, ɔ́ɔ́ hítɛ pólu, maa w̃ɔ́i ɛi ɣɛ kulaɣɛí ngáá ɔ́ɔ́ ɣɛ́ ngáá pólu w̃ɔ́ɔ́.

MÁFIYU 11:29

A lokohéi ní gálambongi wú, wú kalambo mááhɔlɔ ngéya bɔw̃álale ngɛ́i bandí bándi héi nuu w̃á aáva súú áá wɔ́ɔ́lɔ. Ná vólu, wáá ndɛɛlɛmbó mááhɔlɔ bɔw̃álale kalambongí ngáá mbó ngáá wú ye aa baní aáva kasɔ́i ngáá fé wú yáa ɛi ɣɛ ỹííni.”

MÁFIYU 16:24

Kɛ Jísu i ɣɛa volú yélaitii ma, “Ná nuu fíli áá ɣɛ́ lói í ɣɛ́ ngáá pólu w̃ɔ́ɔ́, kɛ í gíkula bɔwɔ́ h̃u, í w̃aahéi wo ngáá í há fááw̃a, í tó mbá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:26

Kɛ́mbɛ i ɣɛngɔ pele w̃a ngáá Ngalángi Lókolo Mbá W̃ɔ́i í maanɔw̃ɔ́i sítiini kpɛ́lɛɛ ngéɣe ɔ́ɔ́ ɣɛ́a yangáima ngi yákpangi h̃u, kɛlɛ́i?”

NJƆÚ 13:15

Ngí sí ɣɛ́a ngáá wú tɔ wú ɣɛ́ kɔlɔ́ kɛinɔɔ́ wááyaa kɛ.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TI GƐ́Ɛ́ HAÍTII 14:22

Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”

TI GƐ́Ɛ́ HAÍTII 17:3

I ɣɛi áá suugúla ti w̃a, áá ngákɛ, áá kula Ngala Kɔ́lɔi h̃u ngáá kɛ Ngalángi Lókolo Mbá W̃ɔ́i í w̃áánɔw̃ɔ, ná vólu, í wúyoɣe sái h̃u. Pɔ́ɔ i ndení ti w̃a, i ɣɛ ta, “Jísui sí ngáá ngi hái le wú w̃a, laá lɔ í ngáá Ngalángi Lókolo Mbá W̃ɔ́i.”

TI GƐ́Ɛ́ HAÍTII 9:16

Nyá lɔ́ɔ kɛ lá ngáá kíya kule í ma í w̃áánɔw̃ɔ fááw̃a.”

LÓÓMI 8:29

Ná wɔ́lɔ pá i suuwɔ́lɔ nɔ́ɔ ngáá elení tɔ í lókolonga tí wa i ti ɣɛ́ ngáá ngi ndá léélaa. I kpatɛngɔ́ gí ma ngáá ti ɣɛ́ ngáá ngi H̃íỹɛndou Loí ɣɛ́ kílii ngáá kɛinɔɔ́ ngi H̃íỹɛndou Loí í ɣɛ́ ngáá hésendaa Loí ndoú bíh̃i bíh̃ingaa h̃u taa ɣɛ́ ngeyá.

KƆ́L̃E HESENDAA GƆLƆÍ 11:1

A túva veléi yangéɣe kíya nɔ́ɔ ngíwaa Kílisitii ndái yangéɣe.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

FÉLEPA 2:5

Kule lɔ wú w̃á wú gísiyaitii ti ɣɛ́ kíya Jísu Kílisitii ndái í ɣɛ́i na.

TƐSALÓNIKA HESENDAA GƆLƆÍ 3:3

Ni ná ɣɛ́i kɛinɔɔ́ faa bángai sítiini tálaa kɛ́ ngáá háwu wú tá fíli wɔ́ɔ́ liiỹááni Ngalá fái h̃u ngáá wɔ́ɔ́ yángaima vólu. Wá gíte wú suuwɔlɔ́ ngáá faa báma lááliai sítiini tiyá lɔ́ ngáá Ngalá túw̃ama h̃u háá a mu haáw̃a.

TƐSALÓNIKA HESENDAA GƆLƆÍ 4:2

Wú faa wɔ́lɔ sítii mba Ndemɔí Jísu í ndéni ngáá a mu ɣɛ́ maá tí ɣɛ, ní tí lení wú w̃a.

TÍMOTI GƆ́LƆI HELE KÉLEI 3:12

Sítii kínɛi ti báhangɔ Jísu Kílisitii wa aáva ti longɔ́ ti híya ngáá Ngala pélei, taá fáa bá nda ti w̃a.

HÍBULU 2:10

Ngalá tɔ́ í ŋani kpɛ́lɛɛ kpátɛngɔ aáva í kpɛ́lɛɛ kpátɛngɔ ngi wúfemai hááw̃a. I ɣɛi loí í kɛ ngáá háwu ngufemaí í mbɛ́ í ɣɛ́ polú yélaa bih̃íw̃aa yɛ́. Faalɔ, í ɣɛi pele w̃a ngáá nuí sí áá kɛ ngáá háwu nuu áá ngumaawóngi w̃ááhɔlɔ, í máá w̃ɔ́i ɣɛ kíli batɛ́ fó fóndei sái w̃áá véle w̃a ná í mbóni.

PÍTƐ HESENDAA GƆLƆÍ 1:20

Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, i ɣɛi náa lokoloní Kílisitii wa ngáá ɔ́ɔ́ vá í wú wúmaawo. Kɛ́ ngapúmaa yeteyangi sí h̃u, i kulaá kɛlɛ́ma ngeleí sí wu wú hááw̃a.

PÍTƐ HESENDAA GƆLƆÍ 2:24

A mú háá ỹɔítii kpɛ́lɛɛ tí vungɔ́ Kílisitii gíte w̃a ná h̃u í ɣɛ́i kulɔ́sii w̃a. I ná ɣɛ́i kɛinɔɔ́ a mu gi ngí léve náa faa ỹɔ́u ɣɛ́ndai volú, a mu ɣɛ́ ngáá telembo mbélaa ndɛɛh̃úi sí h̃u. Ỹandái ná í héini mba, laá lɔ́ í mu walongá.

PÍTƐ HESENDAA GƆLƆÍ 3:18

Sífaa, Kílisitii áá ɣɛi ngáá faa ỹɔ́u ɣɛ́ mɔ́ɔ́ kɛ́ i haaní faa ỹɔ́u ɣɛ́ mbélaitii faaw̃a. I haaní naa héiw̃aa i yíla kpé kɔwɔ́ato mu háá ỹɔítii mba. Aáva í ná ɣɛí ngáá kɛinɔɔ́ í mu lówah̃u í bátɛ maá Ngála. Tí paaní, kɛ́ Ngalángi Hɛ́ɛ́ma Ỹínangi kɛní ngáá háwu í vá mɔ́ɔ́ ndɛɛh̃ú h̃ú volú,

PÍTƐ HESENDAA GƆLƆÍ 3:9

Wálaa faa ỹɔ́u h̃úúloo ngáá faa ỹɔ́u kɛlaa wɔ́ɔ́ ngɛɛlí súúloo ngáá ngɛɛlí. Kɛ́ aá ɣéle, nuí fíli áá ná ta ɣɛ ngáá wú ye, a hɛ́ɛ́ maa w̃ɔ́i yɛ. A ná ɣɛ bɔw̃álale sɛ́i lɔ Ngalá ngí wú gúúloni la ná í wú lólini ngáá ngi vóngaa.

PÍTƐ HESENDAA GƆLƆÍ 4:1

Kílisitii í nduwu ya fuulɛ́ w̃áánɔw̃ɔ yeɣéni, náa hááw̃a, kɛ wá bɛ́lɛ nɔ wú liibá ngáá kisiyái í ɣɛ́i Kílisitii w̃a maa gísiyai híí í ɣɛ́ wú w̃á. Sífaa, nuí fíli áá ndúwu ya fuulɛ́ w̃áánɔw̃ɔ yeɣé, kɛ maa w̃ɔ́i i bengá faa ỹɔ́u ɣɛndái wa.

PÍTƐ HESENDAA GƆLƆÍ 4:13

Kɛ́ aá ɣéle, wú góóh̃unɛɛngɔ í ɣɛ́ la ngáá sífaa wúwaa maanɔw̃ɔ́i sí ta yeɣé Kílisitii í ngeɣéni, kɛinɔɔ́ wá bɛ́lɛ nɔ wú góóh̃unɛɛngɔ í ɣɛ́ la ngwala naa hɔwɔ́i ná w̃a íwaa vá vaamá wú tɔ ngi yákpa maanɛɛnɛɛ ngwalaí h̃u.

NJƆÚ HESENDAA GƆLƆÍ 2:6

Ná á maá nde ngáá maá Ngála mu ɣɛ́a ngáá nuu yílaa, kɛ kule lɔ́ mu w̃a mú lɛ́ɛ́h̃ui h̃uuhíya kílii í ɣɛ́ ngáá kíya Jísu Kílisitii ndái í na.

NJƆÚ HESENDAA GƆLƆÍ 3:16

Ndongí va kɔlɔ́ kíli lɔ ngáá sí mu yɛ, ngáá kíya Jísu Kílisitii i lɛ́ɛ́h̃ui gúlani kɛ́lɛma a mu hááw̃a. Ngimɔ́ɔ́ nɔ́ɔ a muỹá bɛ́lɛ kule í mú w̃a a mú lɛ́ɛ́h̃ui gúla kɛ́lɛma a mu mbála Yalá fɛ́li mbélaitii faaw̃a.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.