PÍTƐ HESENDAA GƆLƆÍ 2:2 - Kɛ́lɛ Niinaí

² Kɛ kíya nɔ́ɔ nyíni bɔ́lendai vílingɔ áá ɣɛ la ndoulála nɛ́ŋɛ nɛŋɛngí lii vólu, ngimɔ́ɔ́ nɔ́ɔ kule í wu w̃a wú líí vílingɔ í ɣɛ́ la Ngalá kééla woí ỹɛ́nindai volú, ná lɔ áá kɛ wú h̃úú áá ba Ngala fái h̃u, wú ngumaawóngi w̃ááhɔlɔ.

PÍTƐ HESENDAA GƆLƆÍ 2:2 Iomraidhean Croise

MÁFIYU 18:3

Kɛ i ɣɛa ta, “Ngí tɔɔỹái le wú w̃a, kɛ léi wú bɔwɔ́ ɣɛ kíli ɣɛ kíya ndopo gúlo gulóaitii tí na, kɛ́ ná láá le, kúnafɔ Ngalángi w̃ásandai ɛi ɣɛ wú w̃ááh̃u.

MÁFIYU 19:14

Kɛ́ Jísu i ɣɛi ta, “A bé ndopóaitii mba ti vá ngéle, a waá ti h̃úúhou, sífaa Ngalángi w̃ásandai lɔ nungáá w̃ááh̃u ti ɣɛ kíli í ngáá ndopoá ɣɛ kíli.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:15

Ngí tɔɔỹái le wú w̃á, nuí fíli ɛ́i ɣɛ́ lokohéini Ngalángi w̃ásandai wu ngáá ndopo gúlo ɣɛ kíli, Ngalángi w̃ásandai ɛi ɣɛ maa w̃ɔ́i w̃ááh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:17

Ngí tɔ́ɔ́ỹai le wú w̃a, nuí fíli ɛ́i ɣɛ́ lókoheini Ngalángi w̃ásandai wú ngáá ndopo gúlo ɣɛ kíli, Ngalángi w̃ásandai ɛi ɣɛ maa w̃ɔ́i w̃ááh̃u.”

LÓÓMI 6:4

Faalɔ, ngúyai a mú mááhɔlɔni kɛ kpɔ́lui wúl̃a tí mbóni ngáá mu ye a maá láa. Ná ná ɣɛ́ngɔ, kɛ i ɣɛ́ngɔ nɔ́ɔ ngáá a mú hááni a maá láa ngáá kɛinɔɔ́ kíya nɔ́ɔ Kɛɛɣɛ́i Ngálangi gááma yakpangí í kɛ́ni ngáá háwu Kílisitii í yóóɣeni sái h̃u a muỹá bɛ́lɛ nɔ a mú lɛɛh̃úi h̃uuhíya péle niiná h̃u.

KƆ́L̃E HESENDAA GƆLƆÍ 14:20

Mu mbála Yalá fɛ́li mbélai, wú gísiyai h̃uubɛ́ɛ́ngɔ álaa ɣɛ́ la ngáá ndopoá ti ndá ɣɛ kíli. Ná áá to faa ỹɔ́u ɣɛ́ndai wa, a ɣɛ́ ngáá ndopoá ɣɛ́ kíli. Kɛ́ wú ɣɛ́ wáá faa yátɔ mba wú gísiyaitii su kíya kpakolo ngáá gísiya.

Ɛ́FƐSƆ 2:21

Aá lɔ́ áá kɛ ngáá háwu pɛlɛ́i sí ɛ́i wólo. Í mɔ́ɔ kɛ ngáá háwu ngu ngangí í yóóɣe ngáá hɛ́ɛ́ma vɛ́lɛ Ndemɔí hááw̃a.

Ɛ́FƐSƆ 4:15

Kɛ́ laá ɣéle, a mu tɔɔỹaá wói lé ndo sú. Ná aa kɛ a mu h̃úú í ba mu báha Kílisitii wa kpáŋ kpáŋ, a mu ɣɛ ngáá kɛ kíli lɛ́i í ngáá ngutuwɔ́ɔ w̃ɔ́i.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

PÍTƐ HESENDAA GƆLƆÍ 1:23

Ngalá kééla wói gúlangɔɔ lé ngáá ŋani ndɛɛh̃ú í su aáva aá lɔ na kúnafɔ fááw̃a. Ngalá kééla wói vá tɔ í kɛngɔ́ wú ndéngi w̃ááhɔlɔngɔ vólu. Lɛ́i vá í wú léngɔ, ɛi ha kúnafɔ kɛ́ aá lɔ́ ndɛɛh̃ú h̃ú kúnafɔ.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.