PÍTƐ HESENDAA GƆLƆÍ 2:17 - Kɛ́lɛ Niinaí

¹⁷ A ngufema hé Ngála mbɛ nduwá mba h̃ú wú ngúfema hé Ndɔwɔlɔ́ W̃ása Ngwalaí yɛ́, wú ngúfema hé nuu fíli mbɛ́, wú ló ngáá wú mbála Yalá fɛ́li mbélai.

PÍTƐ HESENDAA GƆLƆÍ 2:17 Iomraidhean Croise

MÁFIYU 22:21

Kɛ tí ngoo yápotenga, ti ɣɛ́ ma, “Lóómi Lɔwɔlɔ́ W̃ása Ngwalaí.” Kɛ Jísu i ɣɛa ti w̃a, “Sí hɔ́ɔ́ í Lóómi Lɔwɔlɔ́ W̃asa Ngwalaí hááw̃a, a fe Lóómi Lɔwɔlɔ́ W̃asa Ngwalaí yáa. Sí va í na Ngalá fááw̃a, wú fé Ngalá ngeyá.”

NJƆÚ 13:35

Ná wáá ló ngáá ỹɔw̃ɔ́ ỹɔ́w̃ɔ, ná aa kɛ nungái kpɛ́lɛɛ ti ɣɛ́ suuwɔlɔ́ ngáá kɛ wá lɔ wú ngáá pólu yélaa.”

LÓÓMI 12:10

A ló ngáá ỹɔw̃ɔ́ ỹɔ́w̃ɔ kíya nɔ́ɔ wú lóngɔ ngáá wú létɔaitii. Nuí fíli í ɣɛ́ áá wúfe ngi mbálangai ma í lɔ́ve laá gíte wa.

LÓÓMI 13:7

Sí fíli kule áá ɣɛ́ ma nuu í mááhɔlɔ í yáá ná hé ngeyá. Ná áá ɣɛ́ ngáá pava, fe ngeyá, ná mɔ́ɔ́ áá ɣɛ́ ngáá ŋani h̃ɔ́w̃ɔ, ná hé ngeyá, i ɣɛi ngáá ngufema, fe ngeyá, ná áá ɣɛ́a mbɛlɛheí, fe mbɛ.

KƆ́L̃E GƆ́LƆI HELE KÉLEI 7:1

Mu mbála vandáitii, kuulóngi sítii kpɛ́lɛɛ tiyá lɔ na a mu haáw̃a. Mú luwúini ngaa mu h̃úúyafuw̃angai ti w̃ááw̃uỹangɔ í ɣɛ́ la fó faa ỹɔ́i yaa. Aáva faa ỹɔ́u álaa ɣɛ́ a mu h̃u kpósouŋ ngáá mu lɛ́ɛ́h̃ui maá suuhíya Ngalángi lúwambai h̃u.

Ɛ́FƐSƆ 5:21

Kílisitii wúfemai hááw̃a í wú yáa, a waayaa bɔwɔ́ gúla kɛlɛ́ma ỹɔw̃ɔ́ ỹɔ́w̃ɔ yɛ.

FÉLEPA 2:3

Ndii álaa ɣɛ́ nɔ́ɔ wú góó ya faa ɣɛ́ fááw̃a bɔwɔ́ yɛ́, kɛlaa wɔ́ɔ́ ɣɛ́ wáá faa ɣɛ́ yonga téve fááw̃a bɔwɔ́ w̃á fúŋ. Kɛ́ a bɔwɔ́ wu nga njéi ỹɔw̃ɔ́ ỹɔ́w̃ɔ yɛ. Nuu fíli álaa bɔwɔ́ yéɣe ngáá ngangímba w̃ɔ́ɔ́ ɔ́ɔ́ lɔ́ve ngi mbálangai mba.

TÍMOTI HESENDAA GƆLƆÍ 6:1

Ngala fɛ́li mbélai sítii kínɛi ti ngáá nduwɔ lopóa núngaa wu, kɛ taá ngúfema hé ti w̃ááliɣiaitii mbɛ pele kpɛ́lɛɛ su, kɛinɔɔ́ nungáá tálaa yɛ́pɛ ỹɔ́u Ngalá mba ɛ́ɣɛ Ngala kálambongi.

HÍBULU 13:1

A ndi ngu ma ngáá ndongí ỹɔw̃ɔ́ ỹɔ́w̃ɔ hááw̃a ngáá kíya kule í Ngala fɛ́li mbélai ma tí kɛ.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 2:13

A bɔwɔ́ gula kɛlɛ́ma nuu fíli mbɛ́ áá ɣɛ́ ngáá nuu wála ná bɛ́lɛ áá ɣɛ́ ngáá ndɔwɔlɔ́ w̃ása ngwalaí lɛ́i ngakpángɔi ngwala. A ná ɣɛ́ Ndemɔí Jísu hááw̃a,

PÍTƐ HESENDAA GƆLƆÍ 5:5

Wɛ́i va wú na ngáá fóningeleaitii, a bɔwɔ́ gula kɛlɛ́ma kpakolongáitii mbɛ, wú kpɛ́lɛɛ pa wú wú nga njéi ỹɔw̃ɔ́ ỹɔ́w̃ɔ hááw̃a, wú ɣɛ́ wáá yénge ỹɔw̃ɔ́ ỹɔ́w̃ɔ yɛ, sífaa sí pɔnɛngɔ́i Ngala Kɔ́lɔi h̃u aá wáá ngáá sí, “Ngala ngááh̃u longɔ́ɔ́ lé sítii mba ti h̃úúwɔɔlɔngɔ, kɛ́ ngi háá bɔwɔí lɔ́ sítii mbɛ tí wú ngá njéingɔ.”