PÍTƐ HESENDAA GƆLƆÍ 2:16 - Kɛ́lɛ Niinaí

¹⁶ A ɣɛ́ ngáá kíya nungáá taa ɣɛ́ na tɛi ɣɛ́ ngáá nduwɔ lopoá. Kɛ́ ná fíli su, ná álaa kɛ náá ngáá háwu wɔ́ɔ́ ɣɛ́ wáá fáa ỹɔ́u ɣɛ́ wɔ́ɔ́ ɣɛ́ wáá maa lɔ́ɔ́wu, kɛ́ aá ɣéle, a ɣɛ́ ngáá Ngalángi lúwɔ lopoa ɣɛ kíli.

PÍTƐ HESENDAA GƆLƆÍ 2:16 Iomraidhean Croise

MÁFIYU 23:13

Kɛ Jísu i ɣɛa ti w̃a, “Suu vá tɔ vá ɣɛma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiaitiini, wɛ́i wáá Ngala fái lá yaah̃ú kɛ́ aa wú líi h̃u! Wá lɔ wú Ngalángi w̃ásandai góngi laabɔ́lungɔ nungáá lúwɔ, kɛ́ wá bútei wáá lɛɛmá ná kɛlaa wɔ́ɔ́ bé sítii mba táá yákpa ngáá ti lɛ́ na, tɔɔ lɛ́. [

NJƆÚ 15:22

Kɛbei ngáá ɣɛ́i vaaní ngɔ́ɔ́ yɛ́pɛ ti yelé ti velé lálangɔ ɛ́i belé ɣɛ́ la faa ỹɔ́u hááw̃a. Ná fíli su, kíya suu í na ngooh̃ugulá w̃áá fíli aa ti wa ti háá ỹɔí hááw̃a.

LÓÓMI 6:18

Wú wúmaa i wongá faa ỹɔ́u ɣɛ́ndai yaá, wá lɔ́ náá ngáá nduwɔ lopóa ɣɛ́ kíli telembo fáitii kɛ́ndai h̃u.

LÓÓMI 6:22

Kɛ́ sí h̃úi náa, wú wúmaawongɔɔ lé náá faa ỹɔ́u ɣɛ́ndai yaa aáva wú ɣɛ́a náá ngáá kíya nɔ́ɔ nduwɔ lopóa ɣɛ́ kíli Ngalá mbɛ. Ná vá ngi ndá gúlasuunumai wáá ngáá wú ɣɛ́ ngáá Ngalángi vóngaa fó fóndei tɔmbéma w̃aa fíli álaa ɣɛ́ wú wa. Ná vá tɔ áá kɛ́ ngáá háwu wú kúnafɔ lɛ́ɛ́h̃ui w̃ááhɔlɔ.

KƆ́L̃E HESENDAA GƆLƆÍ 7:22

Sífaa, nuí áá ɣɛ́ ngáá nduwɔ lopó í ló su Ndemɔí Jísu í tóli, kɛ maa w̃ɔ́i aa ngáá nduwɔ lopó Ndemɔí Jísu yaá. Ngimɔ́ɔ́ nɔ́ɔ múl̃ɔ ná nuu ɛ́i ɣɛ́ ngáá nduwɔ lopó í ló su Kílisitii í tóli, kɛ aá lɔ́ ngáá nduwɔ lopó Kílisitii yaá.

GALÉSIYA 5:1

Á maá mɔ́ɔ ngáá nduwɔá bɔw̃álale Kílisitii i mu wúmaawonga. Faalɔ, aa ngumááwongi hái yeɣé ngáá hɛmbɛ́, wálaa mɔ́ɔ ɣɛ ngáá nduwɔá ɣɛ́ kíli.

GALÉSIYA 5:13

Kɛ́ wɛ́i wú ngáá mu mbála Yalá fɛ́li mbélai, Ngala ngí wú lólingɔ ngáá wú wúmaa í wó, kɛ́ wálaa lokola náa wú wúmaawongi w̃a ngáá sí fíli áá ɣɛ́ ngáá wú líívo fáa ỹɔ́itii wááyaa ti ɣɛ. Kɛ́ aá ɣéle, a yenge ỹɔw̃ɔ́ ỹɔ́w̃ɔ yɛ sífaa, wú lóngɔ ngáá ỹɔw̃ɔ́ ỹɔ́w̃ɔ.

Ɛ́FƐSƆ 6:6

A yenge ti yɛ ngáá pangɔ́ bele bɛ́lɛ taá na tɔɔ́ ɣɛ́ taa wú béle. Wálaa ɣɛ́ nɔ́ɔ wáá yénge tí yaah̃ú w̃á ngáá pangɔ́ kɛinɔɔ́ ti ló ngáá wú ye, kɛ́ laá ɣéle, a yenge ngáá hɛmbɛ́i kpɛ́lɛɛ kíya Ngalá ndóngɔ wú kɛ, bɔw̃álale wá lɔ́ ngáá Kílisitii lúwɔa ɣɛ kíli.

KƆLƆ́SE 3:24

A giséi ma ngáá kɛ Ndemɔí Jísu lɔɔ va wú w̃ááỹa féma ngáá sí í ngándɔɔlɔngɔ sítii mbɛ ti ngáá ngi vóngaa, sífaa Kílisitii lɔ í ngáá wú W̃ááliɣii kái káingi wáá yénge mbɛ.

TƐSALÓNIKA HESENDAA GƆLƆÍ 2:5

Wú súuwɔlɔ aáva Ngala bɛ́lɛ i suuwɔlɔ́ ngáá naá váángɔ nɔ́ɔ wú yéle ngáá njɛpɛ nɛɛ́ nɛ́ɛ́ ɛ́ɣɛ ŋani w̃áálii láá le ɔ́ɔ́ ɣɛ́ ní góó ya nɔɔ́ ɣɛ́a maa bátɛ batɛ́ njɛ́pɛ vu.

JIMISÍ 1:25

Kɛ́ Ngalá ndaa wói í ngáá savaí tɔmbema w̃áá fíli áá mba, aa nuu wúmaawo. Nuí sí áá kála ngáá pangɔ́ aáva í ndi ngu ma ngáá sí ɣɛndáá áá ɣɛ́ kálani aáva ɛ́i lééw̃a sí w̃a áá ɣɛ́ mɛ́nini, kɛ́ í wáá kɛ, sí fíli áá lóko víli su aa ɣɛ ngáá faa vánda faaw̃a.

JIMISÍ 2:12

Wú yɛ́pɛ gilíí ɛ́ɣɛ wú lúva gilíí tí ɣɛ ngáá nuí sí Ngala ngáá va kɔ́sɔma ngáá savaí sí áá nuu wúmaawoma kɔ́sɔ su,

PÍTƐ GƆ́LƆI HELE KÉLEI 2:19

Taa núngaitii kuulo ngáá tiyá lɔ́ ti wúmaawo kɛ́ tiyá búte tiyá lɔ faa ỹɔ́i yákpangi wú ngáá nduwɔ lopoá. Sí fíli ngi yákpa ngáá ɣɛ́ nuu w̃aah̃u ngwála, kɛ yá lɔ́ náá ngáá nduwɔ lópo ná wu.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.