PÍTƐ HESENDAA GƆLƆÍ 2:15 - Kɛ́lɛ Niinaí

¹⁵ Sífaa sí Ngalá ndóngɔ la aá waa ngáá wú lúva vélei, sítii ti lamál̃angɔ faa ỹɔ́u fíli álaa ɣɛ́ na tɔ́ɔ́ nde kɔwɔ́ato wú lúva véle vándai wa.

PÍTƐ HESENDAA GƆLƆÍ 2:15 Iomraidhean Croise

MÁFIYU 25:2

Ndɔ́ɔ́lungɔi ti ɣɛ́i ngáá tamál̃a mbélaa, ndɔ́ɔ́lungɔ vekaítii pá ti ngáá sɛmbɛ heí yélaa.

MÁFIYU 7:26

Kɛ́ nuí fíli áá ndáá wói sítii mɛni aáva ɛi híya ngáá ti ye, aa ɣɛ gulaí ngáá tamál̃a síỹɛndopoi sí í ngi vɛ́lɛi lóni kahaí h̃u,

LÓÓMI 1:21

Kíya bɛ́lɛ ti Ngalá kɔ́lɔ, taá ɣɛ́i taa wúfe ma ngáá Ngalá kɛlaa tɔɔ ɣɛ́ táa sɛ́ɣɛɛ gulá ma, kɛ́ laá ɣéle, tí gísiyaitii ti ɣɛ́a ngáá ngámbalamba háá, ná vólu, ti gútɔ kimaítii ngangí bíndi.

GALÉSIYA 3:1

Wɛ́i wú ngáá Ngala fɛ́li mbélaitii wu Galésiya, wáá kisíya vánda womá. Ele lɔ í wú yákpolowangɔ? Wú faa wɔ́lɔ kpál̃au kɔwɔ́ato kpakpángi wa tí mbóni ngáá Jísu Kílisitii kulɔ́sii w̃a í ló na í há.

TƐSALÓNIKA HESENDAA GƆLƆÍ 4:3

Ngalá ndóngɔɔ lé wú w̃ááw̃uỹangɔ í ɣɛ́ la fó faa ỹɔ́u fíli álaa ɣɛ́ wú h̃u. Ná wáá ngáá, kɔlɔsiyá faá álaa ɣɛ́ wú h̃ú ɛ́ɣɛ nyah̃ápo haa ɛ́ɣɛ siỹɛndópo haa.

TƐSALÓNIKA HESENDAA GƆLƆÍ 5:18

Wááyaa sɛ́ɣɛɛ gula Ngalá má faa híí fíli su nɔ́ɔ sífaa, ná lɔ́ Ngalá ndóngɔ lá wú yaa kpahaíi wa wú su Jísu Kílisitii wa.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

TÁITƆ 2:8

Ngoo ỹɔ́u fíli álaa gúla í lá ngáá nungáá tɔ́ɔ mbaagúla. Ná vá ngáá kɛ mu wááhilima yélaitii tí wúfe bɔw̃álale faa fíli ɛi ɣɛ na tɔɔ́ ndé ngáá ngi ỹɔ́u mu haáw̃a.

TÁITƆ 3:3

Muỹá bɛ́lɛ mu ɣɛ́i wɔ́lɔ ngáá tamál̃aa mbélaa ɛ́ɣɛ kolo lála yélaa hése ɛ́ɣɛ mú yakpolowangɔ. Muỹá bɛ́lɛ mu ɣɛ́i kíya nduwɔá taa ɣɛ́ na ndiivo kɛ́i híí kpɛ́lɛɛ su ɛ́ɣɛ mu ɣɛ́i ngáá nyaama yélaa mu lólomangɔ, ná vólu, mu hilímangɔ, nungáá bɛ́lɛ tí hílingɔ ngáá mu ye.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 3:16

Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.

PÍTƐ HESENDAA GƆLƆÍ 3:17

Maanɛ́ɛ́ngɔɔ lé nuu w̃áá í nɔ́w̃ɔ faa vánda ɣɛ fááw̃a ná Ngalá ngáá ɣɛ́ loí í ɣɛ́ h̃íí í lɔ́ve sí wa nuu w̃áá áá nɔ́w̃ɔ faa ỹɔ́u ɣɛ fááw̃a.

PÍTƐ HESENDAA GƆLƆÍ 4:2

A ná ɣɛ kɛinɔɔ́ wú wú lɛ́ɛ́h̃ui w̃áta h̃uuhíya ngeleí sí wu kíya Ngalá ndóngɔ wú kɛ, kɛ́ álaa ɣɛ́ ngáá ngeleí sí wu líívo kɛí.

PÍTƐ GƆ́LƆI HELE KÉLEI 2:12

Kɛ́ maa lɛ́ɛ́ gálambo mbo mbelaí nátii taa faa fíli súúhalata tɛ́i ngátɔ mba. Ti gúlangɔɔ lé ngáá ndɔbɔ húwaa, kele ɣelé fíli áá tí yɛ́, taá faa ɣɛ́ nɔ́ɔ naa yaah̃ú hááw̃a nɔ́ɔ, tiyɛ́i taa ti le nɔ́ɔ ngáá tí tí hóu, ná vólu, tí tí váá. Aáva kíya nɔ́ɔ taa ndɔbɔ húwaitii páa, ngimɔ́ɔ́ nɔ́ɔ ndɛɛ gálambo mbo mbélai sítii táa vá saa w̃ááhɔlɔma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:10

Kɛ́ nungái sítii taa faa fíli suuhaláta tɛ́i ngátɔ mba. Ti gulangɔ́ɔ́ lé ngáá ndɔbɔ huwáa sí ɣéle tɔ tí faa wɔ́lɔ mba kulo aá lɔ́ áá ti ɣɛ kíli ỹaaní.