PÍTƐ HESENDAA GƆLƆÍ 2:12 - Kɛ́lɛ Niinaí

¹² Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 2:12 Iomraidhean Croise

MÁFIYU 10:25

Faalɔ, ná kalambo ndópo áá ɣɛ́ ngáá ngi káámɔɔ ɣɛ kíli, kule lɔ́ ma ndiilɛ́ingɔ í ɣɛ́ la. Ngimɔ́ɔ́ nɔɔ́ ná ngenge mɔ́ɔ́ bɛ́lɛ áá ɣɛ́ ngáá ngi w̃ááliɣii ɣɛ́ kíli, kule lɔ́ ma ndiilɛ́ingɔ í ɣɛ́ la náa háaw̃a. Ná wɔ́lii taa ɣɛ́ taá ndengí h̃uu wutuwɔ́ɔ́ w̃ɔ́i lolí ngáá Biyɛ́sebɔ, ná ná áá ɣɛ́ sítii taa ɣɛ́ ndengí ná h̃u taá ti lolí ngáá ndaahéi nyɔ́u ỹɔ́u hɔ́ɔ́ bɛ́lɛ í lɔ́ve ndengí h̃u wutúwɔɔ w̃ɔ́i ndái wa!”

MÁFIYU 5:11

Wá bɛ́lɛ aá lɔ́ ngáá faa vánda wú haáw̃a ná nungáá taa wú yɛ́ɛ́li, ti wú w̃áánɔw̃ɔ, tí ndɛɛ́ híí ỹɔu ỹɔu kpih̃íw̃aa vɛ́lɛ wú w̃á, sífaa nɔɔ́ wú ngáá pólu yelaa.

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

MÁFIYU 9:8

Ná fáŋai í sí ŋál̃a lɔní, ti h̃úúlaahengɔ i ɣɛi la ngáá nduwái, aáva tí Ngalá ndaaw̃áálɛi ngakpa táálii ná hé fááw̃a nuu búsaa yáa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:68

“Bɛlɛ́ Ndemɔí Ngalá ndaaw̃áá í lɛ́, lɛ́i í ngáá Ísulɔ yeláitii ti Yálangi. Bɔw̃álale i vaangá aáva i ngi vóngaitii ngumááwonga.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:44

Aáva taa wú vɛ́lɛitii nyaaní pɔ́lɛɣɛ pɔ́lɛɣɛ ɛ́ɣɛ wá gítei. Kɔtu yiláá kéle tɔ tɛí ndo lááni ngi mbála w̃aah̃u í pɛlɛ́i h̃u, bɔw̃álale wáá ɣɛ́i folói sí wɔ́lɔ Ngalá ngí vááni wú wúmaawoma!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:22

Jísu í mɔ́ɔ ɣɛ ta, “Wɛ́i nungáitii taá híli ngáá wú ye ná vólu, tí betéve wú wa ɛ́ɣɛ múl̃ɔ ti wú yɛ́ɛ́li, ná vólu, tí ndaaheí nyɔ́u vɛ́lɛ wú wá sífaa nɔ́ɔ wú ngáá nuí síí w̃ɔ́i taa ɣɛ́ ma Nuu Búsa Goo H̃ú Loí volu yélaa, aa lɔ́ ngáá faa vánda wú hááw̃a.

NJƆÚ 13:31

Ná naá Júdɔ í ɣɛ́i liiní, kɛ Jísu i ɣɛa ta, “Taíngi i folongá ma ngáá nungái táá vá naa lɔmá nuí síí w̃ɔ́i taa ɣɛ́ ma Nuu Búsa Goo H̃ú Loí kíya kaámaangɔ. Laá lɔɔ vá mɔ́ɔ́ kɛmá ngáá háwu nungái tí naa lɔ kíya Ngalá káámaangɔ.

TI GƐ́Ɛ́ HAÍTII 15:14

Sáimɔ i ngakɛ́nga ngáá mu ye kɛ kíya hése Ngalá ngí ngi lóngi yaah̃ú ɣɛngɔ́ sítii ndiiwáá taa ngáá Júsua ngáá sí í lókolongɔ nungáá wa ti liiwáá, í ti ɣɛ ngáá bɔwɔ́ vóngaa.

TI GƐ́Ɛ́ HAÍTII 24:13

Aáva tɛí hómbo faí sítii tí pɛlɛngɔ́ mbá tɔɔ́ hééle gulá mba ngáá kɛ tɔɔỹáá le.

TI GƐ́Ɛ́ HAÍTII 25:7

Ná Pɔ́ɔ í vááni, Júsuai sítii ti gúlani Jɛlúsɛl̃ɛ tí maayelé mbéleni. Tí faa wála wála bih̃íw̃aa vɛ́lɛ mba sí tiyá gíte tɛ́i belé hééle gulá mba.

TI GƐ́Ɛ́ HAÍTII 28:22

Kɛ́ ni longɔ́ɔ́ lé ní í gí maa háitii kɔ́lɔ, sífaa ní kɔ́lɔ ngáá ỹandá kpɛ́lɛɛ kpɛ́lɛɛ, nungáitii tiyá lɔɔ yɛ́pɛ ỹɔú kɔwɔ́ato ngoo yiláá fái sí wa yí vílingɔ mba.”

LÓÓMI 12:17

Ná nuu áá í h̃úúhou kíli ỹɔu wo, yálaa poto kúla ngáá suuhóu kíli ỹɔu wondáá, kɛ́ áá ɣéle, yááyaa sítii kɛ áá ɣɛ́ nuu kpɛ́lɛɛ ngááh̃u ngáá faa vánda.

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

LÓÓMI 14:18

Ná wáá yénge Kílisitii yɛ́ h̃íí na, kɛ Ngala ndiivó fái wul̃á wáá ɣɛ́ wáá kɛ, aáva nungáitii taá ɣɛ taa wúfe wú w̃a.

LÓÓMI 15:9

Sí mɔ́ɔ́ í kɛ́i Jísu Kílisitii í vááni ngeleí sí wu aá wáá ngáá kɛinɔɔ́ i kɛ ngáá háwu sítii taa ngáá Júsua tí Ngalá ndaaw̃áálɛ ngi yááh̃u w̃ááw̃aanumai hááw̃a ti yɛ. Maa hái waa nɔ́ɔ ngáá kíya pɔnɛngɔ́ Ngala Kɔ́lɔi h̃u, sí vá pɔnɛngɔ́ aá wáá ngáá sí, “Nyá lɔɔ vá sɛ́ɣɛɛ gulama héma i yɛ́ núngai sítii ngaah̃ú w̃a taa ngáá Júsua. Nyá lɔ́ɔ́ ngule hɔ́ɔ́lɛ, ngí í lááw̃aalɛ.”

KƆ́L̃E HESENDAA GƆLƆÍ 14:25

Ti háá ỹɔítii taa ɣɛ́ ti lií h̃u kaa ngáá híɣe ma, aáva taa hítɛ wumbú ya tí Ngalá fɛ́li, táá ɣɛ́ ta, “Ngalá tɔ́ wu vólu kái kái ngáá tɔɔỹaá!”

KƆ́L̃E GƆ́LƆI HELE KÉLEI 1:12

Sí naa maayónga tevé aá wáá ngáá ni gi má ɣɛ́ngɔ lé kpál̃au ngáá ni lúva veléi i ɣɛ́i vaní ngeleí sí wúú hááw̃a ɛ́ɣɛ wá bútei wú hááw̃a. Ní ndɛɛh̃ú w̃aaw̃úỹangɔ ɛ́ɣɛ tɔɔỹáá gele h̃uuhíyanga kɛ kíya Ngalá ndóngɔ ní kɛ. Naa ná ɣɛ́ni nuu búsa géle ɣele maa véle w̃a kɛ́ Ngalángi háá bɔwɔí w̃áá véle w̃a.

KƆ́L̃E GƆ́LƆI HELE KÉLEI 13:7

Niỹá lɔ́ɔ Ngala fɛ́li ngáá wálaa faa fíli kɛ́ áá péle w̃a. Naá Ngala fɛ́lima h̃íí ngáá kɛinɔɔ́ nungáá ti tɔ́ ngáá kɛ naá baah̃ángɔ bɔ́wɔ wú, kɛ́ kɛinɔɔ́ wú sí ɣɛ í péle w̃a kíya bɛ́lɛ ni gúlangɔi ngáá kpaah̃á yélaa,

KƆ́L̃E GƆ́LƆI HELE KÉLEI 8:21

Ni lií h̃u hái waa ngáá ni sí ɣɛ́ áá ɣɛ́ pele w̃a Ndemɔí Ngála ngááh̃u ɛ́ɣɛ nuu búsaitii.

Ɛ́FƐSƆ 2:3

Mú ndé ngáá tɔɔỹaá, a mu kpɛ́lɛɛ mu ɣɛ́i ngoo ỹɛni tála h̃u ngáá Ngalá. Sí fíli ɔ́ɔ́ mu liivó aá lɔ́ nɔ́ɔ a mɔ́ɔ́ kɛ. Mu ɣɛ kíli sí w̃aa véle w̃a, kule í ɣɛ́ngɔ mu w̃á á mu maanɔw̃ɔ́ yéɣe kíya nuu búsa kpɛ́lɛɛ tí na bɔw̃álale Ngalá tuungɔ́ i ɣɛngɔ lá a mu lɔ́ngɔ kpɛ́lɛɛ ngéya a mu háá ỹɔítii faaw̃a.

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 4:8

Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

TƐSALÓNIKA HESENDAA GƆLƆÍ 4:12

Ná lɔ́ áá kɛ sítii taá lái ngáá Jísu Kílisitii taá ngufema hé wú yɛ́. Aáva wɔ́i mɔ́ɔ lokola nuu fíli má wú béɣema háá fíli fááw̃a.

TÍMOTI HESENDAA GƆLƆÍ 2:2

Wú Ngala fɛ́li ndɔwɔlɔ w̃ásangaitii mbɛ́ ɛ́ɣɛ tóów̃aa mba yélai kpɛ́lɛɛ kɛinɔɔ́ mú lɛ́ɛ́h̃ui h̃uuhíya lɛ́i lɛ́i ndiiheí h̃u, kɛinɔɔ́ mu ɣɛ́ maá fáitii kɛ Ngalángi lúwambai h̃u ɛ́ɣɛ ngufema véle h̃u.

TÍMOTI HESENDAA GƆLƆÍ 4:12

Yaá kɛ nuu fíli ɔ́ɔ́ yááh̃u víli í w̃ááh̃u ngáá sífaa nɔ́ɔ yí ngáá siỹɛndói lou, kɛ́ laá ɣéle, yí ɣɛ́ ngáá tɔmaséi ti haáw̃a í yɛ́pɛ gilí h̃u, í lúva velé h̃u, ndo su, ɛ́ɣɛ ndángi yí su ngáá Jísu Kílisitii ɛ́ɣɛ í w̃ááw̃uỹa kílii h̃u fó faa ỹɔ́i yaá.

TÍMOTI HESENDAA GƆLƆÍ 5:10

Ponyah̃ái i ɣɛ́ ngáá nuu tɔwɔ́ vánda í mba, aáva áá ɣɛ́ maakɛ pánda vungɔ́ ngí léngaitii su. I ngáá nuu áá lókohei sotángaa wu ɛ́ɣɛ í ngáá ngufema háá ɣɛ́ mɔ́ɔ́ ngí mbála Yalá fɛ́li mbélaitii mbɛ, íwaa kpɔmba hé nungáá yɛ́ taa ɣɛ́ fáá báma h̃u aáva í bɔ́wɔ gúla kɛ́lɛma faa vánda vanda bih̃íw̃aa ɣɛ́ndaa h̃u.

HÍBULU 13:18

A ndi ngu ma ngáá Ngala fɛ́lindai ni yɛ. Ni langɔ́ɔ́ lé la aáva ni gí mái ɣɛngɔ́ kpál̃au ngáá sí kule í ni w̃a ní kɛ laá lɔ níwaa kɛ nɔ́ɔ́ táingi fíli má.

HÍBULU 13:5

Kápa mɔní álaa víli wú líí vólu wú lɛ́ɛ́h̃ui sí h̃u wú wáá suuhíya. Sí áá ɣɛ́ wú yáá ná í wú lííla sífaa Ngala ngí ndengɔ́, i ɣɛ ta, “Kúnafɔ ngɛ́i béteve wú wa, kúnafɔ ngɛ́i lókogula wú h̃u.”

JIMISÍ 3:13

Ele lɔ kele ɣeléngɔ aáva áá faa yátɔ mba wú lííwaa? Maa w̃ɔ́i í ngákɛ nuu ɣɛ́ kɔ́lɔ ngi híya gili vánda h̃u ɛ́ɣɛ ngi lúva velé vánda wa áá gúla kele ɣelé su aáva maa w̃ɔ́i ɣɛngɔ́ lúúỹaa.

PÍTƐ HESENDAA GƆLƆÍ 2:15

Sífaa sí Ngalá ndóngɔ la aá waa ngáá wú lúva vélei, sítii ti lamál̃angɔ faa ỹɔ́u fíli álaa ɣɛ́ na tɔ́ɔ́ nde kɔwɔ́ato wú lúva véle vándai wa.

PÍTƐ HESENDAA GƆLƆÍ 3:16

Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

PÍTƐ GƆ́LƆI HELE KÉLEI 3:11

Ná ngimɔ́ɔ́ ŋani kpɛ́lɛɛ kɛ́ kíli áá vá ỹáánima, ná ná áá ɣɛ́, kɛ kule lɔ́ wú w̃a wú ɣéle wú lɛ́ɛ́h̃uitii suuhíya? Kule lɔ́ wú w̃á wú ɣɛ́ ngáá faa ỹɔ́u ɣɛ́ tála yelaa, wú bɔ́wɔ gúla kɛ́lɛma Ngalá mbɛ.