PÍTƐ HESENDAA GƆLƆÍ 2:11 - Kɛ́lɛ Niinaí

¹¹ Mu mbála vandáitii, nyá lɔɔ́ fái sí lé wú w̃a gíte, ngáá ná muỹá lɔ́ ngáá sotángaa ngeleí sí wu mú na, mú maavéla véle h̃u, wálaa bɔwɔ́ gula múl̃ɔ kɛlɛ́ma ndiivó kɛ́i yɛ́, ɔ́ɔ́ víli wú líí volú. Ndiivo kɛ́i áá vílii nuu líí vólu, ti lówah̃u ɣɛ́ kíli taá nuu h̃úúyafuw̃angi kulangɔ́ɔ́ lé ngáá kɔɔ áá ɣɛ́ nungáá lówah̃u.

PÍTƐ HESENDAA GƆLƆÍ 2:11 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:34

Jísu í mɔ́ɔ ɣɛ volú yélaitii ma, “A w̃aah̃ú belé kɛ́ ná láá le, wú gí máa háitii taá ɣɛ́ ngáá ndiivo kɛɛ́ ɛ́ɣɛ ngeleí sí wu w̃ɔ́ni mɔni fáitii. Aáva folói ná aa gɔɔla wú wá

TI GƐ́Ɛ́ HAÍTII 15:20

Kɛ́ laá ɣéle, mú kɔlɔ vɔ́nɛ ti yelé, mú nde ti w̃a ngáá tálaa kpaló mba ỹɛ́ɛ́ni fíli mɛ́ sí taá ɣɛ́ naá kɔɔ kɔɔ́ ŋáni fíli kɔ́ni la taa ti yeɣé ngáá ngalángaa. Kɛ́ múl̃ɔ ti bé kɔlɔsiyá mbóndai wa. Ná vólu, tálaa suwa fíli mɛ́ tɛ́i ɣɛ́ mboló laa léveni kɛlaa tɔɔ́ ŋaaw̃ɔ ỹɛ.

TI GƐ́Ɛ́ HAÍTII 15:29

waá mɛɛní fíli mɛ́ taá ɣɛ́ naa kɔɔ kɔɔ́ ŋani fíli kɔ́ni la taa ti yeɣé ngáá ngalángaa. Ná vólu, wálaa suwa fíli mɛ́ tɛi ɣɛ́ mboló lááleveni ɛ́ɣɛ wálaa ŋaaw̃ɔ bɔ́le. Ná vólu múl̃ɔ, a bé kɔlɔsiyá mbóndai wa. Wáá ɣɛ faa vánda ɣɛní ná wáá fái sítii kɛ. Faalɔ, a maá lɔ́ hééhau!”

LÓÓMI 12:1

Mu mbála Yalá fɛ́li mbélai, Ngalángi yááh̃u w̃aaw̃aanuma walaí i folóa mú w̃a, faalɔ, nyá lɔ́ɔ wú w̃áánɛɛnɛ ngáá wú bɔwɔ́ hé mbɛ kíya nɔ́ɔ taá tóŋanii váá ngáá tí kúla ngáá saáɣa Ngalá ngéle, wú ɣɛ́ ngáá ndɛɛh̃u gélei Ngalá ngéya, wú gúlangɔ í ɣɛ́ la kɛlɛ́ma Ngalá mbɛ, wú ɣɛ́ ngáá Ngalá ndíívo mbélaa. Ná lɔ́ í ngáá fɛlingí gíte gítei wáá mbó ngáá Ngalá.

LÓÓMI 7:23

Ngí hómboa ngí ngátɔ mba ngáá kɛ ŋani tá lɔ sú íwaa lápi ngáá kí mái. I hómboa í kɛ́ ngáá pelésina ɣɛ́ kíli faa ỹɔ́u ɣɛ́ndai ya, laá vá tɔ áá ngúto faa kpɛ́lɛɛ sú ngáá kɛ.

LÓÓMI 8:13

Ná wáá híya nɔ́ɔ ngáá wú líívo fáitii, wáá sáa w̃ááhɔlɔ, kɛ́ ná wáá lókogula wú lámal̃a ndiivo kɛítii su Hɛ́ɛ́ma Ỹínangi w̃áá véle w̃a, kɛ waá lɔ́ɔ vá kúnafɔ lɛ́ɛ́h̃ui w̃ááhɔlɔma.

KƆ́L̃E GƆ́LƆI HELE KÉLEI 5:20

Ná hááw̃a, niỹá lɔ ni ngáá Jísu Kílisitii yaah̃úi. Maá hái gúlangɔɔ lé ngáá kíya nɔ́ɔ kpéi Ngalá ngáá ɣɛ́ ngáá wú w̃áanɛɛnɛ ni w̃áá véle w̃a. Ná ni ngáá Kílisitii yaah̃ú, niỹá lɔ wú w̃áánɛɛnɛ ngáá Ngala ngí wú lówah̃u bátɛ wáá tiyéni.

KƆ́L̃E GƆ́LƆI HELE KÉLEI 6:1

Ni yéngengi h̃u naá Ngalá, niỹá lɔ́ɔ, wú w̃áánɛɛnɛ hɔ́ɔ, ngáá Ngalángi háá bɔwɔí wú mááhɔlɔnga, wálaa kɛ ɔ́ɔ́ ɣɛ́ ngáá faa ỹááka

KƆ́L̃E GƆ́LƆI HELE KÉLEI 7:1

Mu mbála vandáitii, kuulóngi sítii kpɛ́lɛɛ tiyá lɔ na a mu haáw̃a. Mú luwúini ngaa mu h̃úúyafuw̃angai ti w̃ááw̃uỹangɔ í ɣɛ́ la fó faa ỹɔ́i yaa. Aáva faa ỹɔ́u álaa ɣɛ́ a mu h̃u kpósouŋ ngáá mu lɛ́ɛ́h̃ui maá suuhíya Ngalángi lúwambai h̃u.

GALÉSIYA 5:24

Sítii ti ngáá Jísu Kílisitii volú yélaitii, faa ỹɔ́u ɣɛ́ ndíívo kɛí ɛ́ɣɛ ndíívo kɛɛ́ háá walái áá víli nuu líí vólu ngwala, tí bénga nátii kpɛ́lɛɛ mbá.

Ɛ́FƐSƆ 2:19

Náá hááw̃a, wɛ́i wáá ngáá Júsua wáá mɔ́ɔ ngáá híí vékaa ɔɔ sotangáá Ngalángi vóngaitii ndiiwáá, wá lɔ́ náa ngáá Ngala ndéngaa pɛlɛ́ lówa yílaa mbú.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

TÍMOTI GƆ́LƆI HELE KÉLEI 2:22

W̃aa ɣɛ́ gooh̃á fóningele líívo faítii mba, yí hítɛ telembo fáitii polú. I lɔ́wɔbaɣangɔ í ɣɛ́ la Jísu Kílisitii yaa ɛ́ɣɛ yí ló ngáá í mbála Yalá fɛli mbélaitii, yí ɣɛ́ ndiihéi h̃ú wáá tiyéni. Sítii kpɛ́lɛɛ kɛ́ wáá sítii taa Ndemɔí Ngalá maalóli ndiiwóle w̃aah̃u kpɔ́mba haaw̃a.

HÍBULU 11:13

Ndangí Lébilah̃au ɛ́ɣɛ Áise ɛ́ɣɛ Jékɔ ti ɣɛ́i su ngáá Ngala, ná lɔ́ í kɛ́ni tí lókoheini Ngalángi gúúlongi wú kíya bɛ́lɛ maa gooh̃ángɔ í ɣɛ́i lá ti wa áá hítɛni nga í ló sú tí há. Tɛ́i belé suulɔ́ɔ́wu kɛ́ tɔ́ɔ́ nde ngáá tiyá lɔ́ nɔ́ɔ ngáá sotángaa ɛ́ɣɛ tɔ́ve mbélaa ngeleí sí wu.

HÍBULU 6:9

Mu mbála vándaitii, kíya bɛ́lɛ níwaa yɛ́pɛ h̃íí ná wú yéle, kɛ́ ni gi tɔ́ na ngáá wá lɔ́ɔ vá faa vánda ɣɛ́ma sí nungái sítii ti wumááwongɔ taá kɛ.

JIMISÍ 4:1

Ndeé lɔ áá kɛ kpɔɔlɔ kpɔɔlɔ́ngi i wú lííwaa, wúwaa lápi ngáá ỹɔw̃ɔ́ ỹɔ́w̃ɔ? Kɛ́mbɛ aá lɔɔ gúla nɔ́ɔ mɔní mɔ́ningi h̃u íwaa wɔ́ ngáá kɔɔ ɣɛ́ kíli wú h̃úú véle kɔwɔ́ato ngetéyangi sí h̃uu líívo kɛi wa í wú líí vólu?

PÍTƐ HESENDAA GƆLƆÍ 1:1

Nyɛ́i ngí ngáá Pítɛ, ngí ngáá Jísu Kílisitii géélai, nyá lɔ ngáá kɔlɔí sí vɔ́nɛ wú yéle, wɛ́i Ngala ngí lókolonga wú wá ngáá ngi vóngaa wú maavelá véle h̃u tataí sítii su taá tí lolí ngáá Pɔ́tɔ, Galésiya, Kapadósiya, Ésiya ɛ́ɣɛ Bɛtíniya.

PÍTƐ HESENDAA GƆLƆÍ 1:17

Ná wáá ɣɛ́ wáá Ngalá fɛ́li, wáá ɣɛ́ ma Kɛ́ɛ́ɣɛ. Laáva laá lɔ́ áá nuu kpɛ́lɛɛ kɔ́sɔ. Ɛi to polú fíli mbó ngi gɔ́sɔngi h̃u, kɛ́ aá ɣéle, kíya fíli nuu nda gɛ́ɛ́ haí áá ɣɛ́ na, ngimɔ́ɔ́ áá í wááleve, faale, a ngufema hé mbɛ nduwá mba h̃ú kúnafɔ ná wu ngélewu.

PÍTƐ HESENDAA GƆLƆÍ 4:12

Mu mbála vandáitii, álaa ɣɛ́ ngáá wú gɔ́ɔ́lamba h̃ú háa ná wááyaa nduwu ya fuulɛ́ w̃áánɔw̃ɔ yeɣé ngáá kɛinɔɔ́ Ngalá ngí wú lángi h̃úúgɔvɔ. Maa hái álaa gúla ngáá kíya nɔ́ɔ kɔ́ɔ́lamba h̃u haa áá ɣɛ́ ngáá nuu yé.

PÍTƐ HESENDAA GƆLƆÍ 4:2

A ná ɣɛ kɛinɔɔ́ wú wú lɛ́ɛ́h̃ui w̃áta h̃uuhíya ngeleí sí wu kíya Ngalá ndóngɔ wú kɛ, kɛ́ álaa ɣɛ́ ngáá ngeleí sí wu líívo kɛí.

PÍTƐ GƆ́LƆI HELE KÉLEI 3:1

Mu mbála vandáitii, ní gɔ́lɔi hele kélei lɔ́ náá ngíwaa pɔ́nɛ wú yéle. Kɛ́ félengɔ p̃ɛ́ɛ́ su hése keleí ɛ́ɣɛ fele kélei sí nyá lɔɔ́ yákpa gíte ngáá ngááyaa wú gísitɛ faí sítiini mba kɛinɔɔ́ fáa ỹɔ́u fíli álaa ɣɛ́ wú gísiyaitii su.