PÍTƐ HESENDAA GƆLƆÍ 2:10 - Kɛ́lɛ Niinaí

¹⁰ Hése wáá ɣɛ́i ngáá Ngalángi vóngaa, kɛ́ sí h̃úi wá lɔ́ náa ngáá Ngalangí vóngaa, ná vólu, wáá ɣɛ́i ngi yááh̃u w̃ááw̃aanui wɔ́lɔ kɛ́ wú ngi yááh̃u w̃aaw̃aanuí w̃aahɔ́lɔnga naa ngeyá.

PÍTƐ HESENDAA GƆLƆÍ 2:10 Iomraidhean Croise

LÓÓMI 10:19

Aáva ngáá ndéma ngáá kɛ Ísulɔ yeláitii taá kééla wói sí yátɔi mba. Hése, Muusé i ndéni ngáá Ndemɔí Ngalá ngí ɣɛngɔ ta, “Nyáá ngáá kɛ́ ngáá háwu wú nungái sítii máálolo gúla ti ngáá tamál̃a mbélaa. Ngáá kɛ ngáá háwu wú lúúngɔ í ɣɛ́ la nungáá yáá taa ngáá faa yátɔ mba mbélaa.”

LÓÓMI 11:30

I ɣɛi ngáá táingi ta wɛ́i wáá ngáá Júsua wú kólo lala gúlani ngáá Ngála, kɛ́ sí h̃úi náa, í wú yááh̃u w̃ááw̃aanu hóunga bɔw̃álale, Júsuai tí kólo lala gúlanga la.

KƆ́L̃E HESENDAA GƆLƆÍ 7:25

Bɛlɛ́ náa ngí yɛ́pɛ wú yéle kɔwɔ́ato sítii mba taa nɛ́ɛ́ kɛmbɛheí h̃u. Ndemɔí Jísu aa sava hengɔ́ ngéya kɔwɔ́ato ná wa. Kɛ́ nyá lɔ́ɔ sí lé í kí ma kɔwɔ́ato mba, sífaa Ndemɔí Jísu w̃ááw̃aanu longí w̃áá véle w̃a, nyá lɔ́ ngáá tokola ma w̃ɔ́ɔ́.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

HÍBULU 4:16

Náá hááw̃a, a mu lí gíte ngáá ndiibá Ngalá kákala lɛ́i faa bɔ́wɔ í ngéya a mu hááw̃a kɛinɔɔ́ a mu ngaah̃u w̃aaw̃aanú w̃ááhɔlɔ ngeyá ɛ́ɣɛ ngi háá bɔwɔí ná a maa béɣe ma kpɔmba haáw̃a.