PÍTƐ HESENDAA GƆLƆÍ 2:1 - Kɛ́lɛ Niinaí

¹ Ná ná áá ɣɛ, a bé naá nyaama haa ɣɛndái kpɛ́lɛɛ mbá ɛ́ɣɛ ndɛɛ gɔ́ɔ́landaitii ɛ́ɣɛ fáa lándai wa yaah̃ú kɛ́ ɛi ɣɛ wú líí h̃u. Ná vólu, a bé náa tólomai wa ɛ́ɣɛ ngoo ỹɔ́u léndai nungáá vékaa w̃a.

PÍTƐ HESENDAA GƆLƆÍ 2:1 Iomraidhean Croise

MÁFIYU 15:7

Wá lɔ́ ngáá Ngala fáá la mbélaa yaah̃ú kɛ́ aa wú lií h̃u! Ngala ndaa háá lé mɔ́i Aisáya ndái i ɣɛi pele w̃a ná Ngalángi ngói sítii ndení ma ngáá í ndé kɔwɔ́ato wú wá, ná wáa ngáá, sí Aisáya í ndéni, i ɣɛ ta,

MÁFIYU 23:28

Ngimɔ́ɔ́ nɔ́ɔ wáá bɔ́wɔ ɣɛ́ ngáá tuva velé vánda yelaa nungáitiini ngaah̃ú, kɛ́ wú h̃úú vélei, wá lɔ ngáá Ngala fáá la mbélaa yaah̃ú kɛ́ aa wú líí h̃u ɛ́ɣɛ nyaamái lɔ wú h̃ú.”

MÁFIYU 24:51

Ngi núu wálai áá faa bá ngwála la má í tɔ́ve mbéinda sítii taá ngenge fái lá yaah̃ú ti núú walaí yaah̃ú kɛ́ tɛ́i mbo, tí ná. Naa lɔ taa ɣɛ́ ná táá wɔ́lɔ, táá laangɔ́lu yámɛ.”

MÁFIYU 7:5

Yá ɣéle ngulu búsa wálai gúla lɛ́ɛ í ndá yááh̃ui w̃a hése, ná lɔ́ áá kɛ yí ỹándai lɔ kpál̃au ngáá yí kaa kúlo kw̃ɛ́ɛ́ngi gúla náa í mbálai yaah̃ú, yɛ́i yí ngáá faa lá mɔ́ɔ yaah̃ú kɛ́ ɛí ɣɛ í líí h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:15

Kule lɔ́ ni w̃a ngáá ní fe baa ná laá fe?” Kɛ́ Jísu i ɣɛi kɔlɔ́ ngáá sí ti ɣɛ́i taá nde ti ɣɛ́i nɔ́ɔ taá nda yaah̃ú. Faalɔ, i ti w̃ɔ́ɔ́nini, i ɣɛ ti w̃a, “Ndeénii le wáá ɣɛ́ wú sóu ndáá woo wá? A vá ngáá maa gápangi ta ngí tɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:44

Suu vá tɔɔ vá ɣɛ́ma ỹɔú wú w̃a bɔw̃álale wá lɔ́ ngáá nyaama yélaa kɛ́ nungáá táa kɔ́lɔ kíya nɔ́ɔ kambái áá ɣɛ́ ỹánda tɛi ɣɛ́ faa wɔ́lɔ mba ngáá nuu búmbu lɔ́ na, taa híya ma áá ti ɣɛ ngáá kpalo mba yélaa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:1

Ná náá gulaní su, nuu tásu kpih̃íw̃aa tí yátɛi mba ỹanda yílaa. Ti bih̃íngɔ i ɣɛi la ngwala ngáá kɛ ti ɣɛ́i taá gɔwɔ́ lóó loó ỹɔw̃ɔ́ ỹɔ́w̃ɔ w̃a. Kɛ Jísu i pɛlɛngá yɛpɛmá volú yélaitii ngelé hése íwaa ɣɛ́ ta, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii Júsuai sítii taa ɣɛ́ ti w̃a Falósiai ti ndái. Ná waa ngáá faí taá nda yaah̃ú kɛ́ ɛi ɣɛ ti lií h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:42

Yáá ɣelé ɣɛ náa í mbálai w̃a, ‘Mu mbálai, bɛlɛ́ ngí kaa kúlo kw̃ɛ́ɛ́ngi gúla í yááh̃u,’ ná yá bútei yí bááh̃aa ɣɛ má kɔlɔ́ ngáá kɛ ngulú búsa wála lɔ í ndá yááh̃ui w̃a? Yɛ́i yí ngáá faa lá mɔ́ɔ yaah̃ú kɛ́ ɛí ɣɛ í líí h̃u, yáá ɣéle ngulú búsa wálai gúla lɛ́ɛ í ndá yááh̃ui w̃a hése, ná lɔ́ áá kɛ yí ỹándai lɔ kpál̃au ngáá yí kaa kúlo kw̃ɛ́ɛ́ngi gúla náa í mbálai yaah̃ú.”

NJƆÚ 1:47

Ná Jísu í Natáániyɔ lɔní áá vá, kɛ Jísu i yɛ́pɛnga kɔwɔ́ato mba, i ɣɛ ta, “Ísulɔ w̃ɔ́i kái káingi lɔ, laá lɔ́ kahá haa fíli áá su.”

LÓÓMI 1:29

Tiyá lɔ́ ngáá fáá ỹɔ́u yélaa ti ỹáámangɔ, ná vólu, tiyá lɔ́ ngáá mɔní mɔ́ni mbélaa. Ti hilimangɔ́ɔ́ lé ngwala, ti ngáá tolóma yélaa, ná vólu, tiyá lɔ́ ngáá nuu váá mbélaa, ti ngáá ndaahasá yélaa ɛ́ɣɛ káha yélaa. Aáva nuu bɔ́ndai faaw̃á wáá tiyéni naa bangɔ́ɔ́ lé ngwála, ná vólu, tiyá lɔ́ ngáá njɛpɛ mba yélaa.

KƆ́L̃E HESENDAA GƆLƆÍ 14:20

Mu mbála Yalá fɛ́li mbélai, wú gísiyai h̃uubɛ́ɛ́ngɔ álaa ɣɛ́ la ngáá ndopoá ti ndá ɣɛ kíli. Ná áá to faa ỹɔ́u ɣɛ́ndai wa, a ɣɛ́ ngáá ndopoá ɣɛ́ kíli. Kɛ́ wú ɣɛ́ wáá faa yátɔ mba wú gísiyaitii su kíya kpakolo ngáá gísiya.

KƆ́L̃E HESENDAA GƆLƆÍ 5:8

Kɛ a mú mú gúi sí wúya hɔ́ɔ́ ngáá bílei sí yíísi ɛ́i ɣɛ́ su. Maa bílei waa ngáá telembongí ɛ́ɣɛ tɔɔỹái. Kɛ́ málaa kúya ngáá biléi sí yíísi áá ɣɛ́ su. Ná wáá ngáá, faa ỹɔ́i ɛ́ɣɛ nyaamái.

KƆ́L̃E GƆ́LƆI HELE KÉLEI 12:20

Maa gísiya lɔ́ má ngáá ná ngáá vá tɛingaa ngɛ́i wú w̃áále wɔ́ɔ́ ɣɛ́ kíya ndóngɔ wú ɣɛ́ na, aáva wɔ́i tɔ́ ngɔ́ɔ́ ɣɛ́ kíya wú lóngɔ ngí ɣɛ́ na. Nyá lɔɔ gisíya ngáá ná ngáá vá, ngáá kpɔɔlɔ́ w̃áále wú lííwaa ɛ́ɣɛ tolóma ɛ́ɣɛ ndiibandí ɛ́ɣɛ maalií ɛ́ɣɛ ngɛɛlí ɛ́ɣɛ njɛpɛ mba ɛ́ɣɛ ndiiwɔɔlɔ́ ɛ́ɣɛ ngoo ya fahá.

Ɛ́FƐSƆ 4:31

Sí kpɛ́lɛɛ í wú h̃ú ngáá faa báálɛitii wú bé ti wa, wálaa ɣɛ́ wáá lúú múl̃ɔ kɛlaa maa wɔ́ɔ́ faa báálɛ héi gi má. Kpandɛ bandɛ́ mbóndaa ɛ́ɣɛ ngɛɛli pílindaa wú bé ti wa. Wálaa híli ngáá nuu fíli múl̃ɔ.

TƐSALÓNIKA HESENDAA GƆLƆÍ 2:3

Naa wú hɛ́sɛmboma ngáá wú víli faa h̃u í ngáá ndɛɛ́ kɛlaa nɔ́ɔ ɣɛ́a wú yákpolowa ngáá wú víli kaka péle wa. Kɛ́ aá ɣéle, ni gi máá ɣɛ́ngɔɔ lé kpál̃au.

TÍMOTI HESENDAA GƆLƆÍ 3:11

Ti ỹáh̃aitiini kele tɔ kɛ ngufema í ɣɛ́ ti gɛɛ háitii ma, tálaa ɣɛ́ ngáá ndɛɛ vɛlɛ́ mbá yélaa. Ti ɣɛ́ ngáá nungáá taá fáa yátɔ mba, ti ngáá tokolá ma yélaa fáá kpɛ́lɛɛ su taá kɛ.

TÁITƆ 2:3

Nyah̃á bákolongaitii kala ngáá tiyá bɛ́lɛ tí híya veleítii ti ɣɛ́ ngáá sítii kɛ́ kíli taa ɣɛ́ Ngála fááw̃a. Tálaa ɣɛ́ ngáá ndɛɛ vɛlɛ́ mbá yélaa ɔɔ ndɔɔ bɔ́le mbélaa wala, kɛ́ láa ɣéle, tí ɣɛ́ ngáá kalambo pánda wó mbélaa,

HÍBULU 12:1

Nungáá bíh̃i bih̃ingí sítii ti híya veléi ɛ́ɣɛ ti gɛ́ɛ́ haítii tɔ taá ngákɛ ngáá mu ye ngáá sí í ngáá ndangí. Faalɔ, a mú bé fái sítii mba taá kɛ́ ngáá háwu sí kule í mú w̃a mú kɛ a mɔí kɛ, ná vólu, faa ỹɔ́u ɣɛ́ndai lɛ́i ɛ́i lómbiya víli mu gɔwɔ́ h̃u. Kɛ́ áa ɣéle, Ngalángi yéngengi í mú wutúwɔ a mú mbó ngáá lií kpɛ́lɛɛ kpɛ́lɛɛ.

JIMISÍ 1:21

A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

JIMISÍ 3:14

Kɛ́ ná wu lííyatɛtɛngɔ áá ɣɛ́ la, wu lólomangɔ, ná vólu, wú béɣengɔ nɔ́ɔ bɔwɔ́ hááw̃a, ná ná áá ɣɛ́, wálaa maayónga tevé ngáá kɛ wú géle ɣeléngɔɔ lé wɔ́ɔ́ ndɛɛ vɛ́lɛ tɔɔỹái wa.

JIMISÍ 4:11

Mu mbála Yalá fɛ́li mbélai, a waa yɛ́pɛ ỹɔú ngáá ỹɔw̃ɔ́ ỹɔ́w̃ɔ. Nuí áá yɛ́pɛ ỹɔú ngáá ngi mbála Yalá fɛ́li mɔ́i ɔɔ i mbaaléve ngáá aa vélei, ná ná áá ɣɛ́, kɛ áá lɔ́ɔ yɛ́pɛ ỹɔ́u ngáá Ngalángi hávai aáva áá savaí wáágula. Ná wáá sávai wáágula, kɛ wáá góloma mbu kɛ́ wá lɔ héi mááh̃u ngáá mbaagúla mbélaa.

JIMISÍ 4:5

Aá lɔ wú gí ma ngáá kɛ sí pɔ́nɛngɔi Ngala Kɔ́lɔi h̃u faa fíli táá le? Ná wáa ngáá, sí í ɣɛ́ngɔ ta, “Ngalángi Hɛ́ɛ́ma Ỹínangi í fengɔ́, í mú volú, ndongɔ́ɔ́ lé a mú lelémbongɔ í ɣɛ́ la ngwala Ngalá ngeyá.”

JIMISÍ 5:9

Faalɔ, mu mbála Yalá fɛ́li mbélai, a wálaa ɣɛ́ wáá ỹɔw̃ɔ́ ỹɔ́w̃ɔ baalɛ hóu. A waláa ná ɣɛ kɛinɔɔ́ Ngalá ngɔ́ɔ́ va wú gɔ́sɔ, sífaa kɔsɔ́ mbááleve mɔ́i lɔ náa naa bélaa.

PÍTƐ HESENDAA GƆLƆÍ 2:16

A ɣɛ́ ngáá kíya nungáá taa ɣɛ́ na tɛi ɣɛ́ ngáá nduwɔ lopoá. Kɛ́ ná fíli su, ná álaa kɛ náá ngáá háwu wɔ́ɔ́ ɣɛ́ wáá fáa ỹɔ́u ɣɛ́ wɔ́ɔ́ ɣɛ́ wáá maa lɔ́ɔ́wu, kɛ́ aá ɣéle, a ɣɛ́ ngáá Ngalángi lúwɔ lopoa ɣɛ kíli.

PÍTƐ HESENDAA GƆLƆÍ 2:22

Jísu aa faa ỹɔ́u fíli kɛ́ni laáva aa ngoo fíli ndéi ndɛɛ ɔ́ɔ́ ɣɛ́ mba.

PÍTƐ HESENDAA GƆLƆÍ 3:10

Pɔnɛngɔ́ɔ́ lé Ngala Kɔ́lɔi h̃u, sí vá pɔ́nɛngɔ aá wáá ngáá sí, “Nuí fíli áá ɣɛ́ loí í liivó kɛ ndɛɛh̃úi sí h̃u, ná vólu, ngi ndá yéteyangi í ɣɛ́ vái ma, kɛ maa w̃ɔ́i ɛ́i ɣɛ áá ngoo ỹɔ́u ỹɔ́u nde, ná vólu, í be ndɛɛ gɔ́ɔ́landai wa.

PÍTƐ HESENDAA GƆLƆÍ 4:2

A ná ɣɛ kɛinɔɔ́ wú wú lɛ́ɛ́h̃ui w̃áta h̃uuhíya ngeleí sí wu kíya Ngalá ndóngɔ wú kɛ, kɛ́ álaa ɣɛ́ ngáá ngeleí sí wu líívo kɛí.

PÍTƐ HESENDAA GƆLƆÍ 4:4

Aá lɔ́ ngáá sítii taa ngáá Ngalá fɛ́li mbélaa ti gɔ́ɔ́lamba h̃ú háá ná táa tɔ wɔ́i mɔ́ɔ́ ɣɛ́ wáá báha kpahá ti wa ngeleí sí wu líívo kɛɛ haa ɣɛndáitii su ngáá suulɔ́vengɔ lɛ́i nga ngáá mba, faale, taa wú yɛ́ɛ́li.

FAA YÁKƐ KƆ́LƆI 14:5

Nápa taá ndɛɛ gɔ́ɔ́lani aáva tɔmbema w̃áá fíli áá ɣɛ́i ti wa Ngalá ngááh̃u.