PÍTƐ HESENDAA GƆLƆÍ 1:9 - Kɛ́lɛ Niinaí

⁹ Wú góóh̃unɛɛngɔɔ lé sífaa, ndangí wú su ngáá Jísu Kílisitii, pólu hái waa ngáá ngumaawóngi sí wúwaa maahɔ́lɔ.

PÍTƐ HESENDAA GƆLƆÍ 1:9 Iomraidhean Croise

LÓÓMI 6:22

Kɛ́ sí h̃úi náa, wú wúmaawongɔɔ lé náá faa ỹɔ́u ɣɛ́ndai yaa aáva wú ɣɛ́a náá ngáá kíya nɔ́ɔ nduwɔ lopóa ɣɛ́ kíli Ngalá mbɛ. Ná vá ngi ndá gúlasuunumai wáá ngáá wú ɣɛ́ ngáá Ngalángi vóngaa fó fóndei tɔmbéma w̃aa fíli álaa ɣɛ́ wú wa. Ná vá tɔ áá kɛ́ ngáá háwu wú kúnafɔ lɛ́ɛ́h̃ui w̃ááhɔlɔ.

HÍBULU 11:13

Ndangí Lébilah̃au ɛ́ɣɛ Áise ɛ́ɣɛ Jékɔ ti ɣɛ́i su ngáá Ngala, ná lɔ́ í kɛ́ni tí lókoheini Ngalángi gúúlongi wú kíya bɛ́lɛ maa gooh̃ángɔ í ɣɛ́i lá ti wa áá hítɛni nga í ló sú tí há. Tɛ́i belé suulɔ́ɔ́wu kɛ́ tɔ́ɔ́ nde ngáá tiyá lɔ́ nɔ́ɔ ngáá sotángaa ɛ́ɣɛ tɔ́ve mbélaa ngeleí sí wu.

JIMISÍ 1:21

A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

PÍTƐ HESENDAA GƆLƆÍ 3:20

Sítii ti ɣɛ́i Ngala mɔ́i Nówa ndá yéteyangi h̃u táingi ná h̃u Nówa í ɣɛ́i áá kele ngwálai bátɛ Ngalángi liilɔ́lɔni íwaa naa w̃áálɛlɛ ngáá ti gólo mbɛ kɛ́ taá ɣɛ́i kɛí tɔɔ́ gólo mbɛ, ti yáfuw̃angaitii tɔ laa Kílisitii í maa Yála ngoí ná léi ti w̃a. Nungái taá ɣɛ́i bih̃í, ti w̃áá í wáloni, ti ɣɛ́i nɔ́ɔ ngáá nuu ngwáhakpangɔ njɛ́i í kɛ́ni ngáá háwu ti w̃áá í waloni.