PÍTƐ HESENDAA GƆLƆÍ 1:8 - Kɛ́lɛ Niinaí

⁸ Kíya bɛ́lɛ wáá nɛ́ɛ́ tɔní, wú lóngɔɔ lé la, ná vólu, kíya bɛ́lɛ wáá nɛ́ɛ́ tɔmá kíya suu í na, wú lángɔ lá, náá hááw̃a, wú góóh̃unɛɛngɔɔ wála le. Nuu ɛ́i hómbo p̃ɛ́ɛ́ ɔ́ɔ́ nde laa wóo h̃u kíya maa góóh̃unɛi yambɔ́ɔ́lɔngɔ.

PÍTƐ HESENDAA GƆLƆÍ 1:8 Iomraidhean Croise

MÁFIYU 10:37

Nuí fíli áá ló ngáá ngi kɛ́ɛ́ɣɛ ɔɔ ngi njéé í lɔ́ve mbá, maa w̃ɔ́i ɛi ɣɛ kulaɣɛí ngáá ɔ́ɔ́ ɣɛ́ ngáá pólu w̃ɔ́ɔ. Nuí fíli áá ló ngáá ngi h̃íỹɛndou loí ɔɔ ngi ỹáh̃alou loí í lɔ́ve mbá, maa w̃ɔ́i ɛi ɣɛ kulaɣɛí ngáá ɔ́ɔ́ ɣɛ́ ngáá pólu w̃ɔ́ɔ́.

NJƆÚ 14:15

Jísu i ndií ngu ma, i ɣɛ ta, “Ná gíte wáá ɣɛ loí ngáá ngé, kɛ wáá híya ngáá savaí sítii ngí ndangɔ́ wú yáá.

NJƆÚ 14:21

Nuí fíli áá lókohei ní hávaitii mbu aáva í híya ngáá ti ye aá lɔ ndongɔ ngáá ngé. Nuí fíli pá áá ló ngáá ngé, ní Kɛ́ɛ́ɣɛ bɛ́lɛ aa lo ngáá maa w̃ɔ́i. Nyá bɛ́lɛ ngáá ló ngáá maa w̃ɔ́i, ngí mɔ́ɔ́ bɔwɔ́ ɣɛ lá í ɣɛ́ kɔ́lɔ ngáá pangɔ́.”

NJƆÚ 14:24

Nuí fíli ɛ́i ɣɛ́ loí ngáá ngé, maa w̃ɔ́i ɛi híya ngáá ní gálambongi. Kalambongi sítii wú wáá mɛni taa ngáá ngúmaawoo, kɛ́ ti gúlangɔ ní Kɛ́ɛ́ɣɛ yaá lɛ́i í tɔ́vengɔ.

NJƆÚ 16:22

Ngimɔ́ɔ́ nɔ́ɔ áá ɣɛ ngáá wú ye, kíya suu í na wú liiỹááni sɔ́wɔi i folónga ma, kɛ́ nyá lɔɔ vá wú lɔ́ma múl̃ɔ aáva wa lɔɔ vá gooh̃unɛ́ɛ́ma, nuu fíli pá ɛi wú góóh̃unɛi gúla wú yáá.

NJƆÚ 20:29

Kɛ Jísu i ɣɛa ma, “Yí laa lá sífaa, yí tɔ́nga, kɛ́ aa lɔ ngáá faa vánda sítii fááw̃a taá nɛ́ɛ́ tɔ́ni aáva ti langɔ́ la.”

NJƆÚ 8:42

Jísu bɛ́lɛ í mɔ́ɔ́ ɣɛ ti w̃a, “Bele Ngalángi ɣɛi gíte ngáá wú Kɛ́ɛ́ɣɛ wɔ́ɔ́ ló ngáá ngé bɔw̃álale ngí gulangɔ Ngalá ngelé aáva nyá lɔ́ náá mbéinda. Ngáá váángɔ mbéi ngáá wu maá kɛ́ laá lɔ́ í tɔ́vengɔ.

TI GƐ́Ɛ́ HAÍTII 16:34

Kpindi vɛlɛ́ w̃ááh̃u béle mɔ́i i liiní ngáá ti ye ngi vɛ́lɛi wu, í mɛɛní gúla kɛlɛ́ma ti yɛ. Aáva ngi vɛ́lɛ lowa wuu yélaitii kpɛ́lɛɛ ti góóh̃unɛɛngɔ i ɣɛi la ngwála bɔw̃álale ti ɣɛ́i náa laí ngáá Ngalá.

LÓÓMI 14:17

A mu ɣɛndáá Ngalángi w̃ásandai wu aa ngáá mɛɛní ỹɛ́ fáá nɔ́ɔ ɔɔ kpɔle wɔlíngaa bɔlendáá, kɛ́ áá lɔ́ na ngáá a mu ɣɛ́ ngáá telembo mbélaa Ngalá ngááh̃u, a mu ɣɛ́ ndiiheí h̃u, ná vólu, a mú ɣɛ́ kooh̃unɛɛ gítei h̃u. Sí kpɛ́lɛɛ pá aa ɣɛ́ Hɛ́ɛ́ma Ỹínangi w̃áá véle w̃a.

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

KƆ́L̃E HESENDAA GƆLƆÍ 16:22

Nuí fíli ɛ́i ɣɛ́ lói ngáá Ndemɔí Jísu, Ngalángi háá bamaí í ɣɛ́ maa w̃ɔ́i w̃a. A mu Lemɔ́i Jísu, vá!

KƆ́L̃E GƆ́LƆI HELE KÉLEI 1:22

ɛ́ɣɛ i lokovo ndónga mu w̃a ngáá kɛ muỹá lɔ ngáá ngi vóngaa. Ngalá tɔ í kɛ́a ngáá háwu ngi H̃ɛ́ɛ́ma Ỹínangi í mu volu ngakɛ́ fááw̃a ngáá kuulóngitii mbóngɔ ngáá mu ye tiyá lɔ́ɔ vá hítɛma nga.

KƆ́L̃E GƆ́LƆI HELE KÉLEI 4:18

Mu gísiyaitii taa sítii mba a maa ti lɔ sífaa tɛí lɛ́mbi, kɛ́ aá ɣéle, tiyá lɔ sí wa a mɔí tɔ sífaa ná lɔ áá ɣɛ́ na kúnafɔ.

KƆ́L̃E GƆ́LƆI HELE KÉLEI 5:7

Kɛ́ ná fíli su, a maá lɛ́ɛ́h̃ui h̃uuhíya ndangí w̃ááh̃u í mu h̃u. Kɛ́ a mu lókolangɔ láá lé sítii ma a maá tɔ ngáá yaah̃ú.

KƆ́L̃E GƆ́LƆI HELE KÉLEI 9:15

A mú sɛ́ɣɛɛ gula Ngalá ma ngi háá bɔwɔí hááw̃a ngáá nuu ɛ́i hómbo p̃ɛ́ɛ́ nuu ɔ́ɔ́ súúgula kíya ngangímba.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

Ɛ́FƐSƆ 3:19

Ngáá Ngala fɛ́li ngáá wú hómbo wú ɣɛ́ Kílisitii lóngi wɔ́lɔ, í ɣɛ́ wú yɛ, wú ɣɛ́ ngáá Ngalá kɛ kíli kíya bɛ́lɛ ngi lóngi h̃uuwɔ́ɔ́lɔngɔ nuu áá kɛɛlɛmáá wɔlɔ́.

Ɛ́FƐSƆ 6:24

Bɛlɛ́ Ngalángi háá bɔwɔí í ɣɛ́ sítii kpɛ́lɛɛ mbɛ́ tiyɛ́i ti longɔ́ ngáá Ndemɔí Jísu Kílisitii kúnafɔ taá ngi ndá gúnafɔ.

FÉLEPA 1:25

Ndángɔɔ lé la ngáá aá lɔ pele w̃a, laáva ngí kɔlɔ́ ngáá nyá lɔɔ ló ndɛɛh̃úi h̃u ngí bɔ́ wú wa wú góóh̃unɛi ɛ́ɣɛ wú lángi h̃úú í ɣɛ́ wɔ́ɔlɔ,

FÉLEPA 3:3

Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

FÉLEPA 4:4

Wú báhangɔɔ lé Ndemɔí Jísu wa, a gooh̃unɛ́ɛ́ ndoow̃á. Nyá lɔ́ɔ nde wú w̃a múl̃ɔ ngáá a gooh̃unɛ́ɛ.

HÍBULU 11:1

Ndangí wáá ngáá ná í gíndaa yatévengɔ áá ɣɛ la kpál̃au kɔwɔ́ato sí wá í gitóngɔ áá ɣɛ́ la mba, sí nuu ɛ́i ɣɛ́ áá tɔ́ nɛ́nɛ ngáá yaah̃u kɛ́ i kɔ́lɔ kpál̃au ngáá aá lɔ́ ngáá tɔɔỹaá.

HÍBULU 11:27

Ndangí Muusé í ɣɛí su ngáá Ngalá, ná lɔ í kɛ́ni í gúlani Íjepi lɔwɔlɔí wa aáva ndɔwɔlɔí ná h̃uu w̃ása ngwalaí lííỹɔi áá ndúwa vúi su. I liilɔ́lɔni maa hái kpɛ́lɛɛ ngá bɔw̃álale, maa hái gúlangɔɔ lé nɔ́ɔ ngáá i Ngalá tɔ́ni lɛ́i nuu ɛ́i tɔ.

PÍTƐ HESENDAA GƆLƆÍ 1:6

Náá hááw̃a, wú góóh̃unɛɛngɔ í ɣɛ́ la kíya bɛ́lɛ naa laa lówah̃u nɛ́nɛ wú w̃ááw̃aanungɔ waa w̃aanɔw̃ɔ́ ngáá suugɔvɔ́ lááli taalingái tíwaa wó ngáá wú ye.

PÍTƐ HESENDAA GƆLƆÍ 2:7

Kɔtuí sí va wɛ́i wú lángɔ la aá lɔ ngáá ngangímba wɔ́li ngwala wú hááw̃a. Kɛ́ sítii pa taa lái la maa hái gúlangɔɔ lé ngáá sí pɔnɛngɔ́i áá va tɔ ngáá sí, “Kɔtuí sí pɛ́lɛ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.”

PÍTƐ HESENDAA GƆLƆÍ 5:4

Kílisitii lɛ́i ngi háá gulangɔ́ ngáá mbaala w̃ááh̃u béle mbélaa ti wutúwɔɔ w̃ɔ́ɔ́ wala, ná áá ɣɛ yangáimai, aa maaỹa pandá wala he náá wú yáa lɛ́i kúnafɔ ngaah̃ú ɛ́i gúla mba.