PÍTƐ HESENDAA GƆLƆÍ 1:7 - Kɛ́lɛ Niinaí

⁷ Faí sítii tiyá lɔɔ ɣɛ́ ngáá wú ye kɛinɔɔ́ nga ngí ɣɛ́ kpál̃au ngáá kɛ wú lángɔ gíte le ngáá Jísu Kílisitii ngáá wú líí kpɛ́lɛɛ. Góólii í ngáá ŋani tá áá ỹááni, taá kɔvɔ́ ngáá ngɔmbu kɛlaa maa wú lángi í wú h̃ú lɛ́i tɔvengɔ́ góólii wa. Kɛ nɔ́ɔ suugɔvɔ́ ngí wó ngáá wú ye ngáá kɛinɔɔ́ faa kpɛ́lɛɛ sú wú lángi ná álaa gúla wú h̃u. Ná lɔ́ áá kɛ wáá tɛ mááhɔlɔ ɛ́ɣɛ ngufema Jísu Kílisitii váá holói w̃a.

PÍTƐ HESENDAA GƆLƆÍ 1:7 Iomraidhean Croise

MÁFIYU 19:28

Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, ná nuí síí w̃ɔ́i taa ɣɛ ma Nuu Búsa Goo H̃ú Loí áá ɣɛ́ ngi gáámaa w̃asandai h̃u ngetéya níínai h̃u áá vá kúna, wú púúngɔ wú w̃ááh̃uu félengɔitii wú pólu, wá bɛ́lɛ wáá ɣɛ́ masandáá h̃u, wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.

MÁFIYU 25:21

Kɛ ngi núu walaí i ɣɛa ma, ‘Yí kɛ́ngɔ ngwála, yá lɔ ngáá ngenge mɔ́ɔ́ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ su, faalɔ, nyáá ngáá ŋáni bih̃íw̃aa he í yáa ti ɣɛ́ í lóko h̃u. Vá, yí báha í núú walaí wa ngi góóh̃unɛi h̃u!’

MÁFIYU 25:23

Kɛ ngi núú walaí i ɣɛa ma, ‘Yí kɛngɔ́ ngwála, yá lɔ ngáá ngenge mɔ́ɔ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ngi sí h̃u, faalɔ, nyáá ngáá ŋáni bih̃íw̃aa he í yáa ti ɣɛ́ lóko h̃u. Vá, yí báha í núú walaí wa ngi góóh̃unɛi h̃u!’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:33

A wú hɔ́lɔ wɔlingáitii kpɛ́lɛɛ mááɣɛ wú maa gápangi he nyaani yélaitii ngeyá. A naholói sí wɔ́lii bɔwɔ́ hááw̃a ɛ́i víla. Ná waa ngáá, wú ngándɔɔlɔ mbó ngelegóóh̃u mbéi ta ɛ́i gúla mba na ɔɔ mbéi ŋuỹa w̃ɔ́ɔ fíli ɛ́i lí naa béla kɛlaa ngiliá ɣɛ́ kíli wɔlingaa tɔɔ́ mɛ,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:30

Ngimɔ́ɔ́ jɔ́ áa vá ɣɛmá folói sí w̃a Ngalá ngáá va Nuu Búsa Goo H̃ú Loí ɣɛma ngáá nuu kpɛ́lɛɛ ti tɔ.”

NJƆÚ 12:26

Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”

NJƆÚ 5:44

Wáá ɣelé kɛ wú la ngáá ngé ná wú lókolangɔ áá ɣɛ nɔ́ɔ la tɛngí w̃a wáá mbo ngáá ỹɔw̃ɔ́ ỹɔ́w̃ɔ aáva wáá yakpáma ngáá wɔ́ɔ́ tɛ ngóó w̃aahɔ́lɔ ngeyá lɛí í ngáá Ngalá ngiláá kpéngi?

TI GƐ́Ɛ́ HAÍTII 8:20

Kɛ Pítɛ i ngoo yápotenga, i ɣɛ ma, “Bɛlɛ́ í náholoi í báha í wá wáá laá wú lí njahááma, bɔw̃álale i ɣɛngɔ í gí ma ngáá sí Ngalá ngáá fe nuu yɛ́ yáá ngiyá ngáá naholó!

LÓÓMI 2:10

Kɛ́ sítii kínɛi pá táá híya ngáá sí í péle w̃a, Ngalá tɔɔ vá tí w̃ááỹa féma ngáá ngi yákpa maanɛɛnɛɛ ngwalaí ɛ́ɣɛ mbɛlɛhéi ɛ́ɣɛ ndiihéi. Yí ɣɛ́i ngáá Júsu w̃ɔɔ yáá ɣɛ́i ngáá Júsu w̃ɔɔ aa ná ɣɛ́ í yɛ́ ná nɔ́ɔ léi yá lɔɔ híya ngáá sí í péle w̃a.

LÓÓMI 2:29

Júsu w̃ɔɔ gíte gítei waa ngáá, nuí kí mai áá ɣɛ́ kpál̃au ti lowah̃u táa Ngalá. Nuu lɔ́vendaa pɛ́lɛ vólu ngi gíte gítei waa ngáá sí Hɛ́ɛ́ma Ỹínangi áá kɛ́ ngáá háwu aa ɣɛ́ nuu líí h̃u, aa ngáá sí táá téve nuu lúwui wa. Nuí síí w̃ɔ́i tɛ́ngi áá mááhɔlɔ aa gula Ngalá ngéya, ɛi gúla nuu búsa yáa.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

LÓÓMI 8:19

Seímil̃a p̃ɛ́ɛ́, Ngalángi bátɛ wɔlingái kpɛ́lɛɛ tiyá lɔ́ɔ́ naa w̃áálɛlɛ nɔ́ɔ ngáá ndiihíka híka ngáá tí náá lɔ ngáá elení tɔ́ ti ngáá Ngalángi léngaitii.

KƆ́L̃E HESENDAA GƆLƆÍ 3:13

Aáva folói ná Jísu íwaa vá vááma ma, nuí fíli ngi yéngengi w̃aa áá ɣɛ kpál̃au tí tɔ́ kíya ngangáá ɣɛ́ mba. Aáva maa hóloi ná w̃a, ngɔmbuí aa nuí kpɛ́lɛɛ ngi ndá yéngengi ɣɛ kíli ɣɛ, tí ɣɛ́ kɔ́lɔ kíya ngangáá ɣɛ́ mba.

KƆ́L̃E HESENDAA GƆLƆÍ 4:5

Náá hááw̃a, waá nuu fíli mbááleve p̃ɛ́ɛ́ kɔsɔ́ kuí ɔ́ɔ́ ɣɛ́a foló ma. Ngakɛɛlɛ́ kɔ́sɔngi lɔɔ vá ná h̃u Ndemɔí Jísu áá va vááma ma. A naa w̃áálɛlɛ Ndemɔí Jísu í vá. Laá lɔ sí ndɔɔwungɔ́i áá kula kalá kála ma aáva aa nuu búsai lii h̃ú haítii maa ɣɛ kpál̃au. Táingi ná h̃úu vá, nuí yíla ngílangi kpɛ́lɛɛ aa tɛ ngóó w̃ááhɔlɔ ngáá kule í ma í mááhɔlɔ Ngala ngeyá.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 1:5

Wú lángɔɔ lé ngáá Jísu, ná vá tɔ í kɛ́ngɔ Ngalángi yákpangi íwaa wú w̃ááh̃u béle í ló su kpóloo ngumaawóngi sí í na náa wú hááw̃a ngakɛ́ɛ́lɛ fóloi w̃á áá gúla kɛlɛ́ma.

PÍTƐ HESENDAA GƆLƆÍ 2:4

A vá Ndemɔí Jísu yelé lɛ́i kulangɔi ngáá kɔtu ndɛɛh̃ú í sú, nungáitii ti ngeɣéngɔ ngáá ngambalámba w̃ɔ́ɔ́ taá kɛngɔ́ tɔɔ́ lókohei mbu. Kɛ́ Ngalá ngi lokolongɔ́ mba í kɛ́ ngáá ngangímba w̃ɔ́ɔ́.

PÍTƐ HESENDAA GƆLƆÍ 2:7

Kɔtuí sí va wɛ́i wú lángɔ la aá lɔ ngáá ngangímba wɔ́li ngwala wú hááw̃a. Kɛ́ sítii pa taa lái la maa hái gúlangɔɔ lé ngáá sí pɔnɛngɔ́i áá va tɔ ngáá sí, “Kɔtuí sí pɛ́lɛ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.”

PÍTƐ HESENDAA GƆLƆÍ 4:12

Mu mbála vandáitii, álaa ɣɛ́ ngáá wú gɔ́ɔ́lamba h̃ú háa ná wááyaa nduwu ya fuulɛ́ w̃áánɔw̃ɔ yeɣé ngáá kɛinɔɔ́ Ngalá ngí wú lángi h̃úúgɔvɔ. Maa hái álaa gúla ngáá kíya nɔ́ɔ kɔ́ɔ́lamba h̃u haa áá ɣɛ́ ngáá nuu yé.

PÍTƐ HESENDAA GƆLƆÍ 4:13

Kɛ́ aá ɣéle, wú góóh̃unɛɛngɔ í ɣɛ́ la ngáá sífaa wúwaa maanɔw̃ɔ́i sí ta yeɣé Kílisitii í ngeɣéni, kɛinɔɔ́ wá bɛ́lɛ nɔ wú góóh̃unɛɛngɔ í ɣɛ́ la ngwala naa hɔwɔ́i ná w̃a íwaa vá vaamá wú tɔ ngi yákpa maanɛɛnɛɛ ngwalaí h̃u.

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

PÍTƐ GƆ́LƆI HELE KÉLEI 1:4

Ná ná ɣɛ́ngɔ kɛ ngimɔ́ɔ́ ngi nɛ́ɛ́mai í fénga mú yɛ í ɣɛ́ngɔ mu guulóni la, aáva nga tɔ tí wa ngwala, ti w̃áánɛɛngɔ. Nɛ́ɛ́mai sítii maa véle w̃a, kíya Ngalá ngɛ́i faa ỹɔ́u ɣɛ́, wá bɛ́lɛ maa yákpangi aa ɣɛ wu h̃u aáva ndiivo kɛɛ́ ỹɔ́u ỹɔungai sítii tí ngeleí sí wu tɛ́i wú ɣɛ́ kíli ỹaaní.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 3:18

Faale, nyáá ngáá wú lááhi ngáá wú vá wú góóli wuyangɔ́ yáa má kɛinɔɔ́ wú bátɛ. Wú kula wóle ngíya wú ngíli w̃a kɛinɔɔ́ wú w̃ááỹaaka ɔ́ɔ́ ɣɛ́ lá ɛ́ɣɛ mɔ́ɔ wú salé yáa yááh̃ui hááw̃a kɛinɔɔ́ wááyaa ỹanda lɔ.