PÍTƐ HESENDAA GƆLƆÍ 1:6 - Kɛ́lɛ Niinaí

⁶ Náá hááw̃a, wú góóh̃unɛɛngɔ í ɣɛ́ la kíya bɛ́lɛ naa laa lówah̃u nɛ́nɛ wú w̃ááw̃aanungɔ waa w̃aanɔw̃ɔ́ ngáá suugɔvɔ́ lááli taalingái tíwaa wó ngáá wú ye.

PÍTƐ HESENDAA GƆLƆÍ 1:6 Iomraidhean Croise

MÁFIYU 11:28

Jísu í mɔ́ɔ́ ɣɛ ti w̃a, “Wu kpɛ́lɛɛ a vá ngéle wɛ́i wú bɔ́lɔngɔ aáva kasɔ́ ỹííngɔi áá bɔ́lu wú la. Ngáá kɛ́ ngáá háwu wú lɛ́ɛ́lɛmbo.

MÁFIYU 26:37

I Pítɛ yéɣeni ɛ́ɣɛ Sɛ́bɛdi h̃iỹɛndou lengaa félengɔi tí lí taá tiyéni. Kɛ Jísu i pɛlɛngá w̃aaw̃áánuma, ndii áá ỹááni.

MÁFIYU 5:12

Faí nátii tɔɔ́ bɔ́ɔ́ ɣɛ ngáá wú ye, wú líílangɔ í ɣɛ́ la, wú kóóh̃unɛɛ gúla bɔw̃álale wú gúlasuunumai wála yangí í wɔ́ɔ́lɔ í ngelegóóh̃u. Ngimɔ́ɔ́ nɔ́ɔ wɔ́lɔ tɔ́ɔ faa bámaitii nda Ngalá ndaa háá lé mbélaitii má, tiyɛ́i ti ɣɛ́i wɔ́lɔ na, ná h̃u taá nɛ́ɛ ɣɛi wú léni.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:47

Súúlaahengɔɔ lé ngáá kóóh̃unɛɛ Ngalá fááw̃a lɛ́i í ngáá Ngumaawó Mɔ́i,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:20

Kɛ́ ná fíli su, a waá gooh̃unɛ́ɛ ngáá sífaa sí fíli wáá nde ỹína nyɔítii ma taá kɛ. Kɛ́ wá ɣéle, a gooh̃unɛ́ɛ sífaa wá lɔ́ náá kpaɣaí sí h̃u nungái sítii ndiiwáá táá ɣɛ́ ngelegóóh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:10

Kɛ́ malékai i ɣɛi ti w̃a, “A waa lúwa! Ngí vaá ngáá keela woó vánda wú yéle, áá vá ɣɛ́ma ngáá kooh̃unɛɛ gítei nuu kpɛ́lɛɛ fááw̃a.

NJƆÚ 16:22

Ngimɔ́ɔ́ nɔ́ɔ áá ɣɛ ngáá wú ye, kíya suu í na wú liiỹááni sɔ́wɔi i folónga ma, kɛ́ nyá lɔɔ vá wú lɔ́ma múl̃ɔ aáva wa lɔɔ vá gooh̃unɛ́ɛ́ma, nuu fíli pá ɛi wú góóh̃unɛi gúla wú yáá.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TI GƐ́Ɛ́ HAÍTII 14:22

Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”

LÓÓMI 12:12

Kitomái í wú yáá ná í kɛ́ ngáá háwu wú góóh̃unɛɛngɔ í ɣɛ́ la. Wu lííbangɔ í ɣɛ́ la táingi fíli má faa báma áá vá wú w̃ááh̃u, ná vólu, wú ɣɛ́ nɔ́ɔ fɔ́ wáá Ngala fɛ́li hɔ́wɔ fíli.

LÓÓMI 5:11

Kɛ́ aa gɛɛlɛí nɔ́ɔ́ ná wa, Ngála ngáá kɛ mɔ́ɔ́ ngáá háwu a mu góóh̃unɛɛngɔ wala í ɣɛ́ la a mu Lemɔ́i Jísu Kílisitii w̃áá véle w̃a lɛ́i í kɛ́a ngáá háwu a mu lówah̃u i bátɛa a maá Ngála.

LÓÓMI 5:2

Jísu Kílisitii i kɛa ngáá háwu Ngalangí háá bɔwɔí í fólo mú w̃a ndangí w̃áá véle w̃a a mú su la lɛ́i náa a máá lɛ́ɛ́h̃ui h̃uuhíya su. Ná ná áá ɣɛ́, a maá góóh̃unɛɛ kitomái hááw̃a í mú yaá ngáá a muỹá lɔɔ vá ɣɛ́ma Ngalángi yákpa maanɛɛnɛɛngí h̃u.

LÓÓMI 9:2

Ndííỹaaningɔɔ lé, mááw̃aanungɔ ngwala kpɔ́wɔ bɔ́wɔ nungáitii faaw̃a. Ná bɛ́lɛ ɔ́ɔ́ lí í to sí wa ngáá Ngalángi vélengi ɔ́ɔ́ ɣɛ́ mbá, ná vólu, ni yangí wɔ́lɛma naa Kílisitii kɛinɔɔ́ ní vóngai Júsuaitii ti gúlah̃uunuma ngɔ́ɔ́ ɣɛ́ loí ná i ɣɛ.

KƆ́L̃E GƆ́LƆI HELE KÉLEI 4:17

Faa bɔ́lunda gúlo guloái sítii táa vá ma lɛ́mbi má múwaa w̃áánɔw̃ɔ ti wu taa kɛ ngáá háwu mú ŋáni ta w̃ááhɔlɔ mbɔɔlɔngɔ́ ngwala lɛ́i áá ló mu yaá kúnafɔ fááw̃a.

KƆ́L̃E GƆ́LƆI HELE KÉLEI 6:10

Kɛ kíya bɛ́lɛ kulangɔ́ ngáá ni w̃ááw̃aanungɔɔ lé, kɛ́ hɔ́wɔ fíli ni góóh̃unɛɛngɔɔ lé. Kulangɔ́ɔ́ lé ngáá niỹá lɔ ngáá nyaani yélaa kɛ́ niỹá lɔ kɛ ngáá háwu nuu bíh̃iw̃aa táá ɣɛ́ ngáá kpatɛ yélaa. Kulangɔ́ɔ́ lé ngáá ŋani fíli áá ni yaá kɛ́ ná fíli sú, ŋani kpɛ́lɛɛ tɔ́ ní yaá.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

FÉLEPA 2:26

Nyá lɔ́ɔ tɔve sífaa wú w̃ɔ́l̃i lɔ́ɔ́ sou búte, ná vólu, kɛngɔ́ɔ́ lé wú nga wúúlee ngwala ngáá sí wú mɛ́ningɔ ngáá seebɛngɔ́ i ɣɛngɔ lá.

FÉLEPA 3:3

Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

FÉLEPA 4:4

Wú báhangɔɔ lé Ndemɔí Jísu wa, a gooh̃unɛ́ɛ́ ndoow̃á. Nyá lɔ́ɔ nde wú w̃a múl̃ɔ ngáá a gooh̃unɛ́ɛ.

TƐSALÓNIKA HESENDAA GƆLƆÍ 1:6

Wú hítɛa ni gɔwɔ́ vó su naá Ndemɔí Jísu, aáva kíya bɛ́lɛ wú w̃áánɔw̃ɔngɔ kɛ́ wú lókoheingɔ keela wói wu ngáá kooh̃unɛ́i nuu áá mááhɔlɔ Hɛ́ɛ́ma Ỹínangi w̃áá véle w̃a.

JIMISÍ 1:2

Mu mbála Yalá fɛ́li mbélai, í ɣɛ́ wú w̃a ngáá kooh̃unɛ́ɛ́ wála ná faa báma bih̃íw̃aa áá lá wú w̃a,

JIMISÍ 1:9

Ngala fɛ́li mɔ́i sí nyaaningɔ́ áá ɣɛ́ la í góóh̃unɛɛ, sífaa, Ngala tɔ́ɔ ngeɣé ngáá nuu wála.

JIMISÍ 4:9

A w̃aaw̃áánu, wú wɔ́lɔ faa ỹɔ́itii faaw̃a wú kɛ́ngɔ. A wú yɛ́lɛi vóte ngáá ngɔlɔ́, wú wú góóh̃unɛi vóte ngáá maaw̃aanúi.

PÍTƐ HESENDAA GƆLƆÍ 3:17

Maanɛ́ɛ́ngɔɔ lé nuu w̃áá í nɔ́w̃ɔ faa vánda ɣɛ fááw̃a ná Ngalá ngáá ɣɛ́ loí í ɣɛ́ h̃íí í lɔ́ve sí wa nuu w̃áá áá nɔ́w̃ɔ faa ỹɔ́u ɣɛ fááw̃a.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.