PÍTƐ HESENDAA GƆLƆÍ 1:5 - Kɛ́lɛ Niinaí

⁵ Wú lángɔɔ lé ngáá Jísu, ná vá tɔ í kɛ́ngɔ Ngalángi yákpangi íwaa wú w̃ááh̃u béle í ló su kpóloo ngumaawóngi sí í na náa wú hááw̃a ngakɛ́ɛ́lɛ fóloi w̃á áá gúla kɛlɛ́ma.

PÍTƐ HESENDAA GƆLƆÍ 1:5 Iomraidhean Croise

NJƆÚ 12:48

Nuí fíli ɛi ɣɛ lokohéini mbú aáva ɛ́i ɣɛ lokohéini ndáá wóitii mbu, ndáá wói sítii tɔ táá maa w̃ɔi vele lala kɔsɔ́ su ngakɛɛlɛ́ fóloi w̃a.

NJƆÚ 17:15

Ní Yála fɛli ngói aa ngáá yí tí gúla ngeleí sí wúu wa, kɛ́ yí ti w̃ááh̃u belé sí w̃ɔ́i yaá taá ɣɛ́ ma, Nyaama W̃ɔ́i.

NJƆÚ 4:14

Kɛ́ nuí fíli áá njɛí sí bɔ́le ngáá fe ngeyá, njɛ w̃ɔní ɛi mɔɔ maa w̃ɔ́i hóu kúnafɔ, laáva aa kúnafɔ lɛ́ɛ́h̃ui he mbɛ. Tɔɔỹáá hááw̃a njɛí sí ngáá fé maa w̃ɔ́i yaá aa ɣɛ maa w̃ɔ́i h̃u ngáá njɛí sí ɣɛ kíli áá gúla ndɔwɔlɔ́i wu púi púi.”

NJƆÚ 5:24

Í mɔ́ɔ́ ɣɛi ti w̃a, “Ngí tɔɔỹái lé wú w̃a, nuí fíli áá ni gééla woí sítii mɛ́ni í gólo ti wu, í lá ngáá Ngalá lɛ́i i tɔ́vengɔ, kɛ kúnafɔ lɛ́ɛ́h̃ui lɔ́ maa w̃ɔ́ɔ́ haaw̃a. Aáva Ngalángi gɔ́sɔ ngɛi ɣɛ maa w̃ɔ́i w̃a, kɛ́ aá ɣéle, i lɔvengá náa kúnafɔ saí w̃a í li kúnafɔ lɛ́ɛ́h̃ui h̃u.

LÓÓMI 11:20

Kíya bɛ́lɛ gíte ná í ngáá tɔɔỹaá kɛ́ aa vá tí tí levéni gíte sífaa nda ngáá ɣɛ́i ti h̃u. Wáá vá wá lɔ́ háá toow̃ái sí sífaa wú lángɔɔ lé ngáá Ngalá. Kɛ́ aáva wálaa lii ɣɛ́ wɔ́ɔ́lɔ, kɛ́ laá ɣéle, ndúwa í ɣɛ́ wú h̃ú.

LÓÓMI 8:18

Ndángɔɔ lé lá gíte ngáá maanɔw̃ɔ́i náá a máá híya sú nuu ɛ́i suw̃á p̃ɛ́ɛ́ ngakpá máánɛɛnɛɛngi w̃a a máá vá suulɔmá kúna.

KƆ́L̃E HESENDAA GƆLƆÍ 1:21

Ngalángi géle ɣélengi h̃u, i kɛngɔ́ ngáá háwu ngáá ɛi ɣɛ́ ngáá solowo fáá nungáitii ngeyá ngáá tɔɔ́ hómbo tɔ́ɔ́ ɣɛ́ kɔ́lɔ ngáá ele gíte waa ngáá laá ti bɔwɔ́ bɔ́wɔ géle ɣélengi h̃u. Kɛ́ aá ɣéle, Ngala ngí ndangɔ́ gi má ngáá í sítii ngumááwo taa lá ngáá keela woí sí náá nde, lɛ́i sítii ti ngáá ngeleí sí wu yélai gíte taa ngéɣe ngáá faa ỹááka.

KƆ́L̃E GƆ́LƆI HELE KÉLEI 1:24

Naa loí nɔ́ɔ kpa wú w̃a ngáá kule ngáá sí kule í wú w̃á wú la la. Kɛ́ laá ɣéle, niỹá lɔɔ yénge a maa wúyeni ngáá kɛinɔɔ́ wú ɣɛ́ kooh̃unɛɛ h̃u, sífaa wú h̃úubangɔɔ lé náa sí h̃u wú lángɔ la.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

Ɛ́FƐSƆ 2:8

Ná wáá ngáá, Ngalángi háá bɔwɔí lɔ í mú wúmaawongɔ la ndangí w̃áá véle w̃a a mú su la. Aa ngáá mu yénge panda haa lɔ Ngalá ngí mú wúmaawongɔ faaw̃a, kɛ́ Ngala máábatɛ te nɔ́ɔ. Náá hááw̃a, nuu ɛ́i maayónga tevé.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

FÉLEPA 1:6

Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 4:7

Ná ná áá ɣɛ́, Ngalángi lííhei sí nuu fíli ɛ́i ngatɔ́ mba aa kɛ ngáá háwu ndiihɛlɛ́ ngɛ́i ɣɛ́ wú líítii su kɛlaa kisíya ɔ́ɔ́ víli wú w̃a. Ná va ngáá ɣɛ wú báha gilíi wa Jísu Kílisitii wa.

TÍMOTI GƆ́LƆI HELE KÉLEI 3:15

Yí kɔ́lɔ ngáá yí lói ngáá ndopo gúlo yí ɣɛ́ Hɛ́ɛ́ma Yála Kɔ́lɔi wɔ́lɔ. Kɔlɔí sí vá tɔ áá kɛ nuu áá ɣɛ́ faa wɔ́lɔ kɔwɔ́ato ngumaawóngi wa nuu áá mááhɔlɔ ndangí h̃u nuu áá ɣɛ́ su ngáá Jísu Kílisitii.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 6:12

Naá lói wɔ́ɔ́ ɣɛ́ ngáá saɣá yélaa, kɛ́ aá ɣéle, wú ɣɛ́ kíli í ɣɛ́ ngáá nungáá nda ngáá ɣɛ́ ti h̃u, ti líílɔlɔngɔ. Ná vá kɛngɔ́ taá hómbo tí kuulóngi sítii maahɔ́lɔ Ngala ngí mbóngɔ ngáá ti ye.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 4:13

Kɛ́ aá ɣéle, wú góóh̃unɛɛngɔ í ɣɛ́ la ngáá sífaa wúwaa maanɔw̃ɔ́i sí ta yeɣé Kílisitii í ngeɣéni, kɛinɔɔ́ wá bɛ́lɛ nɔ wú góóh̃unɛɛngɔ í ɣɛ́ la ngwala naa hɔwɔ́i ná w̃a íwaa vá vaamá wú tɔ ngi yákpa maanɛɛnɛɛ ngwalaí h̃u.

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

NJƆÚ HESENDAA GƆLƆÍ 3:2

Mu mbála vandáitii, a muỹá lɔ́ náá ngáá Ngalángi léngaa kɛ́ kíya máá vá ɣɛmá, nga ngáá nɛ́ɛ́ kpál̃au. Kɛ́ aáva a mú kɔ́lɔ ngáá ná Jísu Kílisitii áá vá a maá ɣɛ́ ngáá kɛ kíli bɔw̃álale a maá tɔ kíya gíte í na.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.