PÍTƐ HESENDAA GƆLƆÍ 1:3 - Kɛ́lɛ Niinaí

³ A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ HESENDAA GƆLƆÍ 1:3 Iomraidhean Croise

NJƆÚ 1:13

Taa ɣɛ́i ngáá Ngala ndéngaa kíya nungáá taa ndou lé. Ná wáá ngáá, kíya siỹɛni taa nyah̃á taa bíti w̃a, kɛ́ Ngalá kítei lɔ í kɛ́ngɔ ngáá háwu tí ɣɛ́ ngáá ngi léngaa.

LÓÓMI 12:12

Kitomái í wú yáá ná í kɛ́ ngáá háwu wú góóh̃unɛɛngɔ í ɣɛ́ la. Wu lííbangɔ í ɣɛ́ la táingi fíli má faa báma áá vá wú w̃ááh̃u, ná vólu, wú ɣɛ́ nɔ́ɔ fɔ́ wáá Ngala fɛ́li hɔ́wɔ fíli.

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

LÓÓMI 4:25

Ngála ngí Jísu gúlani kɛ́lɛma ngáá kɛinɔɔ́ í há a mu háá ỹɔítii fááw̃a. Aáva i mbuyoɣéni sái h̃u ngáá kɛinɔɔ́ a mu ɣɛ́ ngáá telembo mbélaa laa Ngala ngaah̃ú.

LÓÓMI 5:10

A mu ɣɛ́ngɔ ngáá Ngalá mbaahílima yélaa. Kɛ́ sái w̃áá véle w̃a ngi H̃íỹɛndou Loí Jísu Kílisitii í mbóni a mu haáw̃a, i mú lówah̃u bátɛnga maá Ngalá. Ná áá ɣéle a mu lówah̃u batɛ́ngɔ maá Ngála, mu wumááwongɔɔ lé kpésekele ndɛɛh̃úi w̃aa véle w̃a Kílisitii í su.

LÓÓMI 8:11

Ngála ngí Jísu yooɣéni sái h̃u ngi Hɛ́ɛ́ma Ỹínangi w̃áá vele w̃a. Ná ngi Ỹínangi ná áá ɣɛ́ wú vólu, kɛ lɛ́i i Jísu Kílisitii yooɣéni sái h̃u, aá lɔɔ vá kɛ́ma ngáá háwu wɛ́i wáá há wú ɣɛ́ ndɛɛh̃úi h̃u ngi Ỹínangi ná w̃áá véle w̃a.

LÓÓMI 8:24

Kitomái sí vá tɔ í kɛ́a ngáá háwu a mu wúmaa í wó. Kɛ́ ná sí áá ɣɛ́ ngáá a mu gitómai áá ɣɛ́ náá mu yaá kílii, kɛ a mɔí mɔ́ɔ ná w̃aalɛ́lɛ sífaa, nuu ɛ́i sí w̃áálɛlɛ aa ɣɛ́ naa ngeyá kílii.

KƆ́L̃E HESENDAA GƆLƆÍ 13:13

Naa laa lówah̃u, faa sáángɔi sítii tɔ taa lo, ndangí ɛ́ɣɛ kitomái ɛ́ɣɛ ndóngi. Kɛ́ sí tɔvengɔ́i sítii kpɛ́lɛɛ mbá, aá wáá ngáá ndongí.

KƆ́L̃E HESENDAA GƆLƆÍ 15:20

Kɛ́ tɔɔỹái waa ngáá Ngalá ngí Kílisitii wuyoɣénga sái h̃u. Aáva sí lɔ́ áá ngákɛ ngáá sítii kele tɔ ti háángɔ aá lɔɔ vá ti wúyoɣema sái h̃u.

KƆ́L̃E GƆ́LƆI HELE KÉLEI 1:3

A mú sɛ́ɣɛɛ gulá Ngalá má lɛ́i í ngáá Ngalángi ɛ́ɣɛ Kɛɛɣɛí mu Lemɔ́i Jísu Kílisitii hááw̃a, lɛ́i í ngáá Kɛɛɣɛí áá nuu yááh̃u w̃ááw̃aanu hóu, ná vólu, í ngáá Ngalángi kpɔ́mbai kpɛ́lɛɛ áá gúla ngeyá.

GALÉSIYA 6:16

Bɛlɛ́ Ngalángi lííhei ɛ́ɣɛ ngi yááh̃u w̃aaw̃aanumaí ti ɣɛ sítii kínɛi mbɛ́ taá gólo kalambongí sí wú ti lɛ́ɛ́h̃ui h̃u í báha náa Ngala fɛ́li mbélaitii kpɛ́lɛɛ mbá.

Ɛ́FƐSƆ 1:17

Ngáá Ngalá mɔ́ɔ́ni lɛ́i í ngáá ngakpa Kɛ́ɛ́ɣɛi Ndemɔí Jísu Kílisitii hááw̃a í kɛ ngáá háwu Hɛ́ɛ́ma Ỹínangi í ɣɛ́ wú vólu, i wú géle ɣele wú ɣɛ́ tɔɔỹái wɔlɔ́ kɔwɔ́ato Ngalá mbá, wú ɣɛ́ kɔlɔ́ ngáá ele gíte wáá ngáá laá.

Ɛ́FƐSƆ 1:3

A mú sɛ́ɣɛɛ gula Ngalá ma lɛ́i í ngáá Kɛɛɣɛí Ndemɔí Jísu Kílisitii hááw̃a. I káámaa hɛɛ kpɛ́lɛɛ mbónga mu yɛ ɛ́ɣɛ mu h̃úúyafuw̃angi kɔwɔ́ato kpahaí wa mú su Kílisitii wa.

Ɛ́FƐSƆ 1:7

Saáɣa hái Jísu Kílisitii í mbóngɔ i mu wúmaawonga í mú háá ỹɔítii suuhaaló. Sífaa, Ngalángi háá bɔwɔí wála h̃úu í wɔ́ɔ́lɔ

Ɛ́FƐSƆ 2:4

Kɛ́ maaw̃aanúi í Ngalá ngeyá mu hááw̃a ɛ́ɣɛ ndongí í su ngáá mu ye ngwala h̃uu í wɔ́ɔ́lɔ.

Ɛ́FƐSƆ 3:20

A mú Ngalá tɛ́ lɛ́i ngi yákpangi í mu h̃u áá hómbo í fáa bíh̃iw̃aa ɣɛ́ í lɔ́ve sí wá a maá mɔ́ɔ́ni faaw̃a ɛ́ɣɛ sí a maá gísiya la. A muỹɛ́i mu ngáá Ngala fɛ́li mbélaitii kpɛ́lɛɛ aáva mu báhangɔ Jísu Kílisitii wa, a maayáá Ngalá tɛ́ maá ngufema hé mbɛ́ hɔ́wɔ fíli kúnafɔ taá ngí ndá gúnafɔ. Amíína.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 4:13

Mu mbála Yalá fɛ́li mbélai, ni longɔ́ɔ́ lé wú ɣɛ́ tɔɔỹái wɔlɔ́ kɔwɔ́ato sítiini mba ti háánga kɛinɔɔ́ wɔ́ɔ́ vá ɣɛ́ wáá w̃aaw̃áánu ngwala kíya sítiini kitomáá áá tí yɛ taá kɛ.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TÍMOTI HESENDAA GƆLƆÍ 1:14

Faa bɔ́wɔi Ndemɔí Jísu í kɛ́i mbɛ́ suuwɔ́ɔ́lɔngɔɔ lé ngwala. Faa bɔ́wɔi sí vá tɔ í kɛngá ngáá háwu ngí lángɔ ngáá Jísu Kílisitii, ngí ló ngáá ní mbála Yalá fɛ́li mbélaitii. Ndangí ɛ́ɣɛ ndóngi sítii pa tɔ taa ɣɛ́ nuu fíli su kpahangɔ áá ɣɛ́ la Jísu Kílisitii wa.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

JIMISÍ 1:18

Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 1:21

Kílisitii vá tɔ í kɛ́ngɔ ngáá háwu wú lángɔ ngáá Ngalá. Ngalá tɔ í Kílisitii wuyoɣéngɔ sái h̃u í kɛ ngáá háwu ngufema wála i mbɛ. Faale, wu lángɔɔ lé ngáá Ngalá wú gítongɔ mba.

PÍTƐ HESENDAA GƆLƆÍ 1:23

Ngalá kééla wói gúlangɔɔ lé ngáá ŋani ndɛɛh̃ú í su aáva aá lɔ na kúnafɔ fááw̃a. Ngalá kééla wói vá tɔ í kɛngɔ́ wú ndéngi w̃ááhɔlɔngɔ vólu. Lɛ́i vá í wú léngɔ, ɛi ha kúnafɔ kɛ́ aá lɔ́ ndɛɛh̃ú h̃ú kúnafɔ.

PÍTƐ HESENDAA GƆLƆÍ 2:2

Kɛ kíya nɔ́ɔ nyíni bɔ́lendai vílingɔ áá ɣɛ la ndoulála nɛ́ŋɛ nɛŋɛngí lii vólu, ngimɔ́ɔ́ nɔ́ɔ kule í wu w̃a wú líí vílingɔ í ɣɛ́ la Ngalá kééla woí ỹɛ́nindai volú, ná lɔ áá kɛ wú h̃úú áá ba Ngala fái h̃u, wú ngumaawóngi w̃ááhɔlɔ.

PÍTƐ HESENDAA GƆLƆÍ 3:15

Kílisitii lúwamba í ɣɛ́ wú líí h̃u, wú ngufema hé mbɛ ná í ngáá Ndemɔí wú hááw̃a. Wú w̃ááhei wongɔ í ɣɛ́ la hɔ́wɔ fíli ngáá wú suugúla nuu fíli má áá wú w̃ɔ́ɔ́ni ngáá sí í kɛ́a wú gitóngɔ Kílisitii wa.

PÍTƐ HESENDAA GƆLƆÍ 3:21

Maa njɛ́hengi ná hái w̃áábale mbaa ngáá ngúyai a maá maahɔ́lɔ, áá kɛ ngáá háwu maá ngúmaawongi w̃ááhɔlɔ. Wáá ngúmaawongi sí w̃ááhɔlɔ sífaa, Jísu Kílisitii í yoɣénga sái h̃u. Aáva maa wúyai aa nɔ́ɔ ngáá sí a maá mbo léélaa, kɛ́ aá ɣéle, aá waa ngáá ná a maa Ngala fɛ́li ngáá í mu gí mai ɣɛ kpál̃au ngáá muỹá lɔ́ɔ lɛ́ɛ́h̃ui h̃uuhíya kíya ndongɔ́ mú suuhíya.

PÍTƐ HESENDAA GƆLƆÍ 3:5

Nyah̃áitii wɔ́lɔ ti gítongɔ í ɣɛ́i la Ngalá mba, ti w̃ááyili vandaí tɔ́ɔ́ mbo i ɣɛi ngáá kíya tɔ́ɔ́ bɔwɔ́ gúla kɛlɛ́ma ti h̃íỹɛngaitii mbɛ.

NJƆÚ HESENDAA GƆLƆÍ 2:29

Wú kɔ́lɔ ngáá Jísu Kílisitii lɔ́ ngáá telembo mɔ́ɔ́. Faale, kule lɔ nɔ́ɔ́ wú w̃a wú ɣɛ́ kɔ́lɔ ngáá nuí fíli áá ɣɛ́ áá fái sítii kɛ taa ɣɛ́ péle w̃a Ngála kákala, kɛ maa w̃ɔ́i lɔ ngáá Ngalángi lóu.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.

NJƆÚ HESENDAA GƆLƆÍ 3:9

Nuí fíli áá ɣɛ́ ngáá Ngalángi ndá lóu, maa w̃ɔ́i ɛi ndi nɔ́ɔ́ ngú ma kélei ngáá faa ỹɔ́u ɣɛ́ndaa bɔw̃álale, Ngalángi ndá ɣɛ́ kílii kái kái áá ɣɛ maa w̃ɔ́i h̃u. Aáva sífaa í ngáá Ngalángi lóu, faale, ɛi hómbo ɔ́ɔ́ ndi ngu ma ngáá faa ỹɔ́u ɣɛ́ndai nɔ́ɔ.

NJƆÚ HESENDAA GƆLƆÍ 4:7

Mu mbála vandáitii, a mu ló ngáá ỹɔw̃ɔ́ ỹɔ́w̃ɔ bɔw̃álale Ngalá tɔ ndongí áá gúla ngeyá. Nuí fíli ndó ngáá ɣɛ́ ndíi h̃u nungáá vékaa hááw̃a maa w̃ɔ́i lɔ ngáá Ngalángi lóu aáva i Ngalá kɔ́lɔ ngáá ele gíte waa ngáá laá.

NJƆÚ HESENDAA GƆLƆÍ 5:1

Nuí fíli áá ɣɛ́ lái la ngáá kɛ Jísu lɔ í ngáá Ngalángi Lókolo Mbá W̃ɔ́i, maa w̃ɔ́i lɔ ngáá Ngalángi lóu. Nuí fíli pa ndóngɔ áá ɣɛ́ la ngáá Kɛɛɣɛí Ngála kɛ maa w̃ɔ́i longɔ́ɔ́ lé ngáá ngi léngaitii bɛ́lɛ.

NJƆÚ HESENDAA GƆLƆÍ 5:18

A mú súúwɔlɔ ngáá nuí fíli í ngáá Ngala ndóu ɛi ndi nɔ́ɔ ngu ma ngáá faa ỹɔ́u ɣɛ́ndaa bɔw̃álale Ngalángi H̃íỹɛndou Loí aa maa w̃ɔ́i w̃ááh̃u béle aáva nuí síí w̃ɔ́i taa ɣɛ́ ma Nyaama W̃ɔ́i ɛi hómbo ɔ́ɔ́ faa fíli kɛ́ ngáá maa w̃ɔ́i.

NJƆÚ HESENDAA GƆLƆÍ 5:4

bɔw̃álale Ngalángi léngai ti yilá ngílangi fíli ngakpá tɔ́ ti yaá ngeleí sí wuu háá ỹɔítii mááh̃u. Ndangí maa ɣɛ́ su ngáá Jísu aá lɔ í ngáá mú yákpangi áá kɛ mú hómbo mú bɔ́wɔ h̃uuhóu ngeleí sí wuu haa ỹɔítii ngeyá.