PÍTƐ HESENDAA GƆLƆÍ 1:25 - Kɛ́lɛ Niinaí

²⁵ kɛ́ Ndemɔí Ngalángi gééla woí lɔ́ na kúnafɔ.” Keela woí sí va mbaa ngáá keela woó vándai na ti ndéni wú w̃a.

PÍTƐ HESENDAA GƆLƆÍ 1:25 Iomraidhean Croise

MÁFIYU 5:18

Ngí tɔɔỹái le wú w̃á, ná nɔɔ́ léi ngeleíni ngaa ndɔwɔlɔí sí tiyá lɔ́ na, savaí ta fíli ɛi bɛ́ nga. I lí bɛ́lɛ í tó pɛ́ɛ́sɔ laavó kúlo ɣéle tɔ mba Ngala sáva vɔnɛngɔ́i h̃u ɛi bɛ́ nga í ló su kpóloo fái kpɛ́lɛɛ í sávai h̃u í víla hitɛmá nga kp̃óu kp̃óu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:17

Ngetéyangi ỹáánindaa aa baní ɔ́ɔ́ híti sí h̃u pɛ́ɛ́sɔ laavó kúlo kw̃ɛ́ɛ́ngi ɣéle tɔ áá gúla Ngala sávai wa.”

NJƆÚ 1:1

Ngetéyangi lɔkúla héimai lɛ́i taa ɣɛ́ ma Keela Wói bɛ́lɛ i ɣɛi náá na. Keela Wói vá i ɣɛi na taá Ngalá. Keela Wói sí vá i ɣɛi ngáá Ngalá.

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

KƆ́L̃E HESENDAA GƆLƆÍ 2:2

Ná ngí ɣɛ́ni wú lóów̃a, ngí kúlai ngáá ngáá faa fíli ngákɔlɔ, sí nɔ́ɔ léi ngí ɣɛ́i faa wɔ́lɔ mba i ɣɛi ngáá Jísu Kílisitii ɛ́ɣɛ sái í mbóni kulɔ́sii w̃a.

Ɛ́FƐSƆ 2:17

Faalɔ, Jísu Kílisitii i váani í ndiihéi gééla woo vandaí lé wú kpɛ́lɛɛ má wɛ́i wáá ngáá Júsua wú w̃áá gooh̃ángɔ í ɣɛ́ngɔ la Ngalá mbá ɛ́ɣɛ Júsuaitii tiyɛ́i tí ɣɛ́ngɔ Ngalá kpéla.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

TÁITƆ 1:3

Kɛ́ kúi kái kái ma, Ngalá, lɛ́i í ngáá mu Wúmaawo Mɔ́i, i kɛngá mú ɣɛ́ faí sítii kɔ́lɔ keela wói sí w̃aa véle w̃a. Aáva í ndengɔ́ má ngáá ngí kééla wói sí le.

HÍBULU 6:5

Ti ɣɛ́i kɔlɔ́ kíya Ngalángi gééla woí í váángɔ, aáva ti ɣɛ́i náá Ngalángi yákpangi lɔ́ni aá vá ɣɛ́ma ngetéya níínai h̃u í náá wutúwɔ.

PÍTƐ HESENDAA GƆLƆÍ 1:12

Ngalá pá ngí kɛí ngáá háwu ndaa háá lé mbélai tí ɣɛ́ kɔ́lɔ ngáá kɛ taá ɣɛi taá ndaa wói nátii nde ti bɔwɔ́ bɔ́wɔ gúlasuunuma hááw̃a, kɛ́ aá ɣéle, i ɣɛi na ngáá í ɣɛ́ ngáá kulasuunúma wú hááw̃a. Sítii pa ti ɣɛ́i taa Ngala kééla woo vandaí ná lé wú w̃a ti ɣɛ́i taá ndé wú w̃a Hɛ́ɛ́ma Ỹínangi yákpangi w̃áa véle w̃a lɛ́i í híɣeni ngelegóóh̃u. Aáva Ngala kééla woí ná malékaitii kele tɔ taá ɣɛ́ loí tí ɣɛ́ faa wɔ́lɔ kɔwɔ́ato mba ngáá pangɔ.

PÍTƐ HESENDAA GƆLƆÍ 1:23

Ngalá kééla wói gúlangɔɔ lé ngáá ŋani ndɛɛh̃ú í su aáva aá lɔ na kúnafɔ fááw̃a. Ngalá kééla wói vá tɔ í kɛngɔ́ wú ndéngi w̃ááhɔlɔngɔ vólu. Lɛ́i vá í wú léngɔ, ɛi ha kúnafɔ kɛ́ aá lɔ́ ndɛɛh̃ú h̃ú kúnafɔ.

PÍTƐ HESENDAA GƆLƆÍ 2:2

Kɛ kíya nɔ́ɔ nyíni bɔ́lendai vílingɔ áá ɣɛ la ndoulála nɛ́ŋɛ nɛŋɛngí lii vólu, ngimɔ́ɔ́ nɔ́ɔ kule í wu w̃a wú líí vílingɔ í ɣɛ́ la Ngalá kééla woí ỹɛ́nindai volú, ná lɔ áá kɛ wú h̃úú áá ba Ngala fái h̃u, wú ngumaawóngi w̃ááhɔlɔ.

PÍTƐ GƆ́LƆI HELE KÉLEI 1:19

Faale, aá ɣéle ni langɔ́ɔ́ lé naá p̃ɛ́ɛ́ ngwala ngáá keela woí Ngalá ndaa háá lé mbélaitii tí ndéni wɔ́lɔ. Aáva aa ɣɛ́ gíte pele w̃a ngwala ngáá ná wɔ́lii wáa wólilo maa gééla woí w̃a kíya nɔ́ɔ nuu áá hítɛ lámbo fo polú kpíndi h̃u. A ná ɣɛ́ í ló su kpóloo ngele niinái í wo, ná vólu, Jísu Kílisitii lɛ́i kulangɔ́ ngáá ngelesú lémuleɣai í hólo wú w̃a.

NJƆÚ HESENDAA GƆLƆÍ 1:1

Niỹá lɔ́ɔ kɔlɔ vɔ́nɛ wú yéle kɔwɔ́ato nuí síí w̃ɔ́i wa taa ɣɛ́ ma Keela Woí. Keela Woí sí vá tɔ í ngáá ndɛɛh̃u gítei hé mɔ́i. Aáva í ɣɛi na ngetéyangi lɔ́kula héimai wɔ́lɔ. Ní ngoo ỹɛ́nini, ní tɔ ngáá bɔwɔ́ bɔ́wɔ yááh̃ui. Ní tɔá gíte, aáva ní lúba mba ngáá loko.

NJƆÚ HESENDAA GƆLƆÍ 1:3

Sí ní tɔá ɛ́ɣɛ sí ní mɛningá, laá lɔ naá faa lé wú w̃a kɔwɔ́ato mba ngáá kɛinɔɔ́ wá bɛ́lɛ nɔ́ wú báha ni wa, a mu háá í ɣɛ́ su yíla maá Kɛɛɣɛí Ngálani ngaa ngí H̃íỹɛndou Loí Jísu Kílisitii.

FAA YÁKƐ KƆ́LƆI 14:6

Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú.