PÍTƐ HESENDAA GƆLƆÍ 1:22 - Kɛ́lɛ Niinaí

²² Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 1:22 Iomraidhean Croise

NJƆÚ 15:17

Ní hávai lɔ ngáá sí ngáá wú ló ngáá ỹɔw̃ɔ́ ỹɔ́w̃ɔ.”

NJƆÚ 15:3

Wú ɣɛ́ kíli batɛngɔ́ɔ́ lé naá fó ngáá kalambongí sí ngí mbónga ngáá wú ye.

NJƆÚ 17:17

Lokolo ti wa, yí ti ɣɛ kíli batɛ́ í yéngengi hááw̃a tɔɔỹái w̃aa véle w̃a, í gééla wói lɔ́ ngáá tɔɔỹaá.

NJƆÚ 17:19

Aáva tiyá ti haáw̃a ngí bɔwɔ́ gulangá kɛlɛ́ma í yɛ ngáá ngí yénge í yɛ, kɛinɔɔ́ tiyá bɛ́lɛ tɔɔỹái w̃aa véle w̃a tí bɔ́wɔ gúla kɛlɛ́ma ti yénge í yɛ́.”

TI GƐ́Ɛ́ HAÍTII 15:9

Ngalá ngáá ndowah̃u kɔlɛ́ fíli mbóngɔ mu lówah̃u maá tiyéni. Kɛ́ i ti lií w̃ááwolengɔ sífaa ti langɔ́ lá.

TI GƐ́Ɛ́ HAÍTII 6:7

Faalɔ, Ngalá ndaa wói i vahá fáhani su hááli haali. Jísu volú yélaitii ti yambɔ́ɔ́lɔndai taa í vílii su ngáá maahulángɔ Jɛlúsɛl̃ɛ taa h̃u. Aáva Ngala sááɣa gula mbélaitii ti láni ngáa keela woó vándai kɔwɔ́ato Jísu wa, ti yangí ɣɛ́i wɔɔlɔ ngwala.

LÓÓMI 1:5

Jísu w̃áa véle w̃a, Ngalá ngí naa gúlaa kɛ́lɛma mbɛ́ ngáá ngí ɣɛ́ ngáá ngi gééla Jísu Kílisitii hááw̃a ngáá kɛinɔɔ́ nungáá ti gúla híítii sú bɛ́kpɛ ti lá ngáá Ngalá, ti gólo mbɛ́.

LÓÓMI 2:8

Kɛ́ Ngalá tɔɔ vá lúúma sítii ngeyá tí beɣéngɔ nɔ́ɔ ngáá bɔwɔ́ í mɔ́ɔ faa báma wala lá ti w̃a, tiyɛ́i táa léle Ngalángi lɔ́ɔ́ỹai wa, ná vólu, ti liivó fái í ngáá faa ỹɔ́u ɣɛ́ndai.

LÓÓMI 8:13

Ná wáá híya nɔ́ɔ ngáá wú líívo fáitii, wáá sáa w̃ááhɔlɔ, kɛ́ ná wáá lókogula wú lámal̃a ndiivo kɛítii su Hɛ́ɛ́ma Ỹínangi w̃áá véle w̃a, kɛ waá lɔ́ɔ vá kúnafɔ lɛ́ɛ́h̃ui w̃ááhɔlɔma.

KƆ́L̃E GƆ́LƆI HELE KÉLEI 6:6

Ní ngákɛa ngáá niỹá lɔ ngáá Ngalángi yénge mbélaa kɔwɔ́ato ni ɣɛ kíli wa séngei faa ỹɔ́i yaá, ɛ́ɣɛ sí ní kɔ́lɔ kɔwɔ́ato Ngalángi lɔ́ɔ́ỹai wa ɛ́ɣɛ ndiilɔlɔ́i ní su ɛ́ɣɛ ni háá nɛɛ ɣɛndái. Ná vólu, Hɛ́ɛ́ma Ỹínangi í ni vólu ɛ́ɣɛ tɔɔỹaá lóngi ní su

GALÉSIYA 3:1

Wɛ́i wú ngáá Ngala fɛ́li mbélaitii wu Galésiya, wáá kisíya vánda womá. Ele lɔ í wú yákpolowangɔ? Wú faa wɔ́lɔ kpál̃au kɔwɔ́ato kpakpángi wa tí mbóni ngáá Jísu Kílisitii kulɔ́sii w̃a í ló na í há.

GALÉSIYA 5:5

Kɛ́ ni gitóngɔɔ lé Ngalá mbá ngáá í ni ɣɛ́ ngáá telembo mbélaa. Ná vá tɔ náa máá maalɛ́lɛ ngi H̃ɛ́ɛ́ma Ỹínangi yákpangi w̃áá véle w̃a ɛ́ɣɛ ni lángi ní sú ngáá Jísu Kílisitii.

GALÉSIYA 5:7

Wú ɣɛ́ngɔ wáá fáitii kɛ pele w̃a í ló sú kpóloo nuu ta i wú wú ngápote wú híɣe tɔɔỹaá vélei wa.

Ɛ́FƐSƆ 4:3

A kɛ ngáá hɛmbɛ́ kíya Hɛ́ɛ́ma Ỹínangi í kɛ́a ngáá háwu wú báhangɔ su i ndí ngu ma ngáá ndiihéi w̃aa véle w̃a.

FÉLEPA 1:9

Sí va tɔ í ngáá ní Yála fɛli ngói wú hááw̃a ngáá wú lóngi h̃uu í ɣɛ́ wɔ́ɔ́lɔ ngwala nungáá vékaa haaw̃a kɛinɔɔ́ wú ɣɛ́ tɔɔỹái wɔlɔ́, ná vólu, wú ɣɛ́ fáitii ngéɣe kíli wɔlɔ́.

TƐSALÓNIKA HESENDAA GƆLƆÍ 3:12

Bɛlɛ́ mu Lemɔ́i Jísu í kɛ kái ngáá háwu wú lóngi ỹɔw̃ɔ́ ỹɔ́w̃ɔ hááw̃a ɛ́ɣɛ nuu kpɛ́lɛɛ nga ngí ɣɛ nɔ́ɔ áá ɣɛ́ wɔ́ɔ́lɔ kélei. Aáva nga ngí ɣɛ́ wɔ́ɔ́lɔ kái í híti ni ndá lóngi h̃u ní su ngáá wú yé.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÍMOTI HESENDAA GƆLƆÍ 1:3

Ná ngí ɣɛ́i ngáá lí Mɛsedóniya lataí h̃u, ngí ndéni í w̃á ngáá yí ló Ɛ́fɛsɔ taa h̃u kɛinɔɔ́ yí ndé nungái sítii ma tíwaa ndɛɛ galambóngi wo ngáá ti bé ná wa, aáva ná lɔ́ ndóngɔ yí kɛ.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

TÍMOTI HESENDAA GƆLƆÍ 4:12

Yaá kɛ nuu fíli ɔ́ɔ́ yááh̃u víli í w̃ááh̃u ngáá sífaa nɔ́ɔ yí ngáá siỹɛndói lou, kɛ́ laá ɣéle, yí ɣɛ́ ngáá tɔmaséi ti haáw̃a í yɛ́pɛ gilí h̃u, í lúva velé h̃u, ndo su, ɛ́ɣɛ ndángi yí su ngáá Jísu Kílisitii ɛ́ɣɛ í w̃ááw̃uỹa kílii h̃u fó faa ỹɔ́i yaá.

TÍMOTI HESENDAA GƆLƆÍ 5:2

Ná vólu, nyah̃á bákolongaitii suuhóu ngáá í njéé ɣɛ kíli. Yí kpélaniinangai suuhóu ngáá í héélani kɛ́ kíli pele kpɛ́lɛɛ su.

TÍMOTI GƆ́LƆI HELE KÉLEI 1:14

Hɛ́ɛ́ma Ỹínangi í mú volú, ngi yákpangi w̃aa véle w̃a hómbo yí kálambo pándai sí w̃ááh̃u béle yí mááhɔlɔngɔ.

HÍBULU 11:8

Ndangí siỹɛndópoi sí tɔ́ɔ́ ɣɛ́ ma Lébilah̃au i ɣɛi su ngáá Ngala, ná lɔ́ í kɛ́ni í góloni Ngala mbɛ́ ná Ngalá ngí ndéni ma ngáá í lí ndɔwɔlɔ́ ta h̃u í ɣɛ́i kuulóni lá ngáá í fe mbɛ. Ná lɔ́ í kɛ́ni í yóóɣeni í gúla kpɔwɔ́ bɔ́wɔ lɔ́wɔlɔi wa kíya bɛ́lɛ áá ɣɛ́i kɔlɔ́ mbéi í ɣɛ́i áá lí na.

HÍBULU 13:1

A ndi ngu ma ngáá ndongí ỹɔw̃ɔ́ ỹɔ́w̃ɔ hááw̃a ngáá kíya kule í Ngala fɛ́li mbélai ma tí kɛ.

HÍBULU 5:9

Maanɔw̃ɔ́i sí í híyai su, aá lɔ́ áá ngákɛ ngáá kɛ Jísu lɔ ngáá kolo mɔ́ɔ́ wála, aáva laá maa véle lɔ́ náa nuu áá kúnafɔ lɛ́ɛ́h̃ui w̃ááhɔlɔ ma, ná wáá ngáá, nuí fíli áá gólo mbɛ.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

HÍBULU 9:14

Ná ɣɛ́ndai ɣéle na ɔ́ɔ́ kpalo wúya nuu w̃a kɛlaa Kílisitii ỹááw̃ɔi, laá ɣéle p̃ɛ́ɛ́, aa hombó í faa wála ɣɛ́ í lɔ́ve ná wa. Hɛ́ɛ́ma Ỹínangi w̃áá véle w̃a í na kúnafɔ, Kílisitii í bɔwɔ́ gúlani ngáá Ngala sááɣa faa ỹɔ́u vó fíli áá mba. Ngi ỹááw̃ɔi w̃áá véle w̃a, a mu gi máitii kɛ kíli aa batɛ́ ngáá a mu lóko ɛ́i mɔ́ɔ́ ɣɛ ngangímba lála háitii mba nuu áá kɛ kɛinɔɔ́ a maayáá yengé Ngalá mbɛ lɛ́i í ndɛɛh̃ú h̃u.

JIMISÍ 1:21

A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

JIMISÍ 4:8

A vuuva Ngalá mba laá bɛ́lɛ aa vuuva wú wa, a yáa wúya wɛ́i wú ngáá faa ỹɔ́u yélaitii, ná vólu, wú lííwolengɔ í ɣɛ́ la fó wɛ́i wú gí má haa áá yíla.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

PÍTƐ HESENDAA GƆLƆÍ 2:17

A ngufema hé Ngála mbɛ nduwá mba h̃ú wú ngúfema hé Ndɔwɔlɔ́ W̃ása Ngwalaí yɛ́, wú ngúfema hé nuu fíli mbɛ́, wú ló ngáá wú mbála Yalá fɛ́li mbélai.

PÍTƐ HESENDAA GƆLƆÍ 3:1

Ngimɔ́ɔ́ nɔ́ɔ maa hái í ná wá bɛ́lɛ nɔ wú hááw̃a wɛ́i wú ngáá nyah̃áitii wú kɛmbɛheí h̃u. A bɔwɔ́ gúla kɛlɛ́ma wú h̃íỹɛngaitiini mbɛ. A ná ɣɛ́ kɛinɔɔ́ ná ti lɛ́ingaa tɛi ɣɛ́ lái ngáá Ngalá kééla wói wú lúva velé vándai í kɛ ngáá háwu ti lá la. Wɔ́i lo múl̃ɔ p̃ɛ́ɛ́ yɛpɛmá ti yelé kɔwɔ́ato Ngalá mba kɛ́ wu lúva velé vándai ɛ́ɣɛ ngufemái wáá fé ti yɛ, laá lɔ nɔ́ɔ́ taa wɔ́lɛ mba tí lá ngáá Ngalá ná w̃aa véle w̃a.

PÍTƐ HESENDAA GƆLƆÍ 3:20

Sítii ti ɣɛ́i Ngala mɔ́i Nówa ndá yéteyangi h̃u táingi ná h̃u Nówa í ɣɛ́i áá kele ngwálai bátɛ Ngalángi liilɔ́lɔni íwaa naa w̃áálɛlɛ ngáá ti gólo mbɛ kɛ́ taá ɣɛ́i kɛí tɔɔ́ gólo mbɛ, ti yáfuw̃angaitii tɔ laa Kílisitii í maa Yála ngoí ná léi ti w̃a. Nungái taá ɣɛ́i bih̃í, ti w̃áá í wáloni, ti ɣɛ́i nɔ́ɔ ngáá nuu ngwáhakpangɔ njɛ́i í kɛ́ni ngáá háwu ti w̃áá í waloni.

PÍTƐ HESENDAA GƆLƆÍ 3:8

Sí náa ngíwaa woo yakɛ́ɛ́lɛ mba aá wáa ngáá sí, ngáá wú kpɛ́lɛɛ wú ɣɛ́ ngáá nuu yílaa kpé. Wú ɣɛ́ wáá ỹɔw̃ɔ́ ỹɔ́w̃ɔ liilá faa kpɛ́lɛɛ su, wú ló ngáá wú mbála Yála fɛ́li mbélaitii, wú ɣɛ́ wáá ỹɔw̃ɔ́ ỹɔ́w̃ɔ yaah̃ú w̃ááw̃aanu hóu, wú wúnga njéi ỹɔw̃ɔ́ ỹɔ́w̃ɔ yɛ́.

PÍTƐ HESENDAA GƆLƆÍ 4:17

Naa hɔwɔ́i i foloá náa ma Ngalá ngíwaa vá nuu kpɛ́lɛɛ kɔ́sɔma ma. Maa gɔ́sɔngi va aá lɔ́ɔ tɔkúla héi Ngalángi vóngaitii a mu wa. Ná aá vá áá ɣɛ tɔkúla héini a mu wa, ná ná áá ɣɛ, faa bámai h̃uu áá ɣɛ wɔɔlɔ áá la sítii ma taa lái ngáá Ngalángi gééla woo vandaí í tɔvengɔ́ ngeleí sí wu.

PÍTƐ HESENDAA GƆLƆÍ 4:8

Ná vólu, faí kpɛ́lɛɛ maah̃u hái lɔ náá ngáá sí ngáá wú ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ sífaa ndongí aa kɛ ngáá háwu faa ỹɔ́u bih̃íw̃aa h̃úúhaa í lo.

PÍTƐ GƆ́LƆI HELE KÉLEI 1:7

Ná vólu, wú ló ngáá ỹɔw̃ɔ́ ỹɔ́w̃ɔ kíya njee lengaa taa ɣɛ́ na, ná vólu, ndo ngí ɣɛ́ wú h̃u.

NJƆÚ HESENDAA GƆLƆÍ 3:11

Keela wói sí wú mɛ́nini wɔ́lɔ tɔ́kula héimai aá waa ngáá sí, kɛ a mú ló ngáá ỹɔw̃ɔ́ ỹɔ́w̃ɔ.

NJƆÚ HESENDAA GƆLƆÍ 3:23

Sí vá í ndéngɔ mu w̃a ngáá a mu kɛ́, aá wáa ngáá, mu lá ngáá ngí H̃íỹɛndou Loí Jísu Kílisitii, ná vólu, a mu ló ngáá ỹɔw̃ɔ́ ỹɔ́w̃ɔ kíya nɔ́ɔ Jísu Kílisitii í ndéngɔ mu w̃a ngáá mú kɛ.

NJƆÚ HESENDAA GƆLƆÍ 4:12

Nápa nuu áá nɛ́ɛ́ Ngalá tɔ́ni kɛ́ ná a maa ló ngáá ỹɔw̃ɔ́ ỹɔ́w̃ɔ kɛ ná ná áá ɣɛ́, kɛ Ngala tɔ mu volu aáva kɛ ngi lóngi aa gɛɛlɛngɔ́ péle h̃u.

NJƆÚ HESENDAA GƆLƆÍ 4:20

Ná nuu áá ɣɛ́ ta, “Ndóngɔɔ lé ngáá Ngála,” kɛ́ sílimai í maa w̃ɔ́i lií h̃u ngí mbála Yalá fɛ́li mɔ́i hááw̃a, kɛ aá lɔ́ ngáá ndɛɛ gɔ́ɔ́la mɔ́ɔ́ sífaa ɛi lo ngáá Ngála lɛí áá nɛ́ɛ́ tɔní nápa ná ɛ́i ɣɛ́ loi ngáá ngi mbála Yalá fɛ́li mɔ́i lɛ́i áá tɔ.

NJƆÚ HESENDAA GƆLƆÍ 4:7

Mu mbála vandáitii, a mu ló ngáá ỹɔw̃ɔ́ ỹɔ́w̃ɔ bɔw̃álale Ngalá tɔ ndongí áá gúla ngeyá. Nuí fíli ndó ngáá ɣɛ́ ndíi h̃u nungáá vékaa hááw̃a maa w̃ɔ́i lɔ ngáá Ngalángi lóu aáva i Ngalá kɔ́lɔ ngáá ele gíte waa ngáá laá.

FAA YÁKƐ KƆ́LƆI 2:4

Kɛ́ sí lɔ́ ngáá wú báálɛ hóu su. Wáá mɔ́ɔ́ loí ngáá ngé kíya wú ɣɛ́ngɔ lói ngáá ngé hése.