PÍTƐ HESENDAA GƆLƆÍ 1:21 - Kɛ́lɛ Niinaí

²¹ Kílisitii vá tɔ í kɛ́ngɔ ngáá háwu wú lángɔ ngáá Ngalá. Ngalá tɔ í Kílisitii wuyoɣéngɔ sái h̃u í kɛ ngáá háwu ngufema wála i mbɛ. Faale, wu lángɔɔ lé ngáá Ngalá wú gítongɔ mba.

PÍTƐ HESENDAA GƆLƆÍ 1:21 Iomraidhean Croise

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

NJƆÚ 12:44

Kɛ Jísu i mɔɔ ndengá woo wála h̃u gbél̃eiŋ, i ɣɛ ta, “Nuí fíli áá lá ngáá nge, kɛ maa w̃ɔ́i langɔ́ laa le nɔ́ɔ́ ngáá nyá ngílaa kpé kɛ́ ndangɔ́ lé bɛ́lɛ múl̃ɔ ngáá nuí sí ɣéle tɔ í tɔ́vengɔ.

NJƆÚ 14:1

Jísu í mɔ́ɔ́ nde volú yélaitii ma, i ɣɛ ta, “A waá liihɛ́lɛ, a lá ngáá Ngalá, wú lá ngáá ngé nyá bɛ́lɛ.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

NJƆÚ 17:1

Ná Jísu í vílani faí sítii ndemá, kɛ i wu nga séinga íwaa wɔ́lɛ ngeleí yá péle, i ɣɛ ta, “Kɛɛɣɛ́, táingi i folóa náa ma, ngakɛ́ ná ngáá nungáitii kíya í H̃íỹɛndou Loí gáámaangɔ ngáá laá bɛ́lɛ í ngákɛ ngáá nungáitii kíya í gáámaangɔ.

NJƆÚ 17:24

Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́.

NJƆÚ 17:5

Kɛɛɣɛ́, kɛ náa ngáá háwu ngí ngufema w̃ááhɔlɔ mbéinda yí na, ngufemaí sí nɔ́ɔ jɔ́ í ɣɛ́i ngéya na h̃u ngí ɣɛ́i í lóów̃a p̃ɛ́ɛ́ yɔ́ɔ́ ɣɛ́a ngelewu bátɛ.”

NJƆÚ 3:34

Sífaa lɛ́i Ngalá ngí tɔvengɔ́ Ngalá ndaa wóitii tɔ áá ndé. Laáva Ngalá ngi Hɛ́ɛ́ma Ỹínangi yákpangi kpɛ́lɛɛ féngɔ ngeyá.

TI GƐ́Ɛ́ HAÍTII 2:24

Kɛ́ Ngalá ngi mbuyoɣéni sái h̃u í ngumááwo nduwu ya fuulɛ́i yaá, bɔw̃álale aa ɣɛi ngáá solowo fáá ngáá sái yákpangi ɔ́ɔ́ bá ma.”

TI GƐ́Ɛ́ HAÍTII 3:13

Ngalángi sí wɔ́lɔ a mu káwala Lébilah̃auni ngaa Áise ɛ́ɣɛ Jékɔ tɔ́ɔ́ fɛli ɛ́ɣɛ a mu káwala vekáitiini, aá lɔ í ngi Yénge Mɔ́i Jísu laaw̃áálɛnga, í ngakpá fé mbɛ. Jísui sí wú tókoleveni ngáá tí páa. Aáva wú bééleni mba Lóómingai ti gɔ́mɛti nuu walaí Páilɛɛ gakála kíya bɛ́lɛ Páilɛɛ í ɣɛ́i kpatɛní gi má ngáá í Jísu w̃aahaaló.

TI GƐ́Ɛ́ HAÍTII 3:15

Wú ndɛɛh̃ú he mɔ́i vááni, kɛ́ Ngalá ngí mbuyoɣéni sái h̃u. Niỹá vá tɔ ni ngáá faí sí w̃aa héélea.

TI GƐ́Ɛ́ HAÍTII 4:10

kɛ a ɣɛ́ hɔ́ɔ́ fái sí wɔ́lɔ wáá Ísulɔ yeláitii kpɛ́lɛɛ. Jísu Kílisitii lɛ́i í ngáá Násɔlɛ taí h̃uu w̃ɔ́i lɛ́i sí, wú kpákpani kulɔ́sii w̃a, í há ma, kɛ́ laáva Ngalá ngí mbuyoɣéni sái h̃u, ndaahéingi h̃úu lɔ́ siỹɛndópoi sí í lóóni wú gákala, í mbaló mááhɔlɔngɔ su kpésekele.

LÓÓMI 10:9

Faalɔ, ná yɛ́i ɣɛ kaa pɛ́lɛi ma kɛ́ áá ɣéle yí nde ngáá Jísu lɔ í ngáá Ndemɔí aáva yí lá la ngáá líí kpɛ́lɛɛ ngáá Ngalá ngi mbuyoɣéni sái h̃u, yáá ngumaawóngi w̃ááhɔlɔ.

LÓÓMI 4:24

Ti vɔ́nɛngɔ i ɣɛi lá muỹá bɛ́lɛ nɔ a mu haáw̃a ná a muỹá bɛ́lɛ Ngalá ngáá vá mú yeɣéma ngáá telembo mbélaa ndangí w̃áá véle w̃a a mú sú la lɛ́i i mu Lemɔ́i Jísu wúyoɣeni sái h̃u.

KƆ́L̃E GƆ́LƆI HELE KÉLEI 6:15

Bɛɛ́ lɔ í ngáá ngoo yiláángi í Kílisitii lówah̃u taá Ngutuwɔ́ Ỹína Nyɔí lɛ́i taá tolí múl̃ɔ ngáá Béliyɔ? Bɛɛ́ lɔ sítii ti langɔ́ ngáá Jísu Kílisitii taa sítii taá lái ngáá Jísu Kílisitii ti bɔngɔ́ ma?

Ɛ́FƐSƆ 1:15

Náá hááw̃a, sí kpɛ́lɛɛ Ngala ngí kɛ́a, kíya fíli ngáá ɣɛ́a Ngala fɛ́li, ngáá sɛ́ɣɛɛ gula Ngalá má wú yɛ́ í séi ná h̃úu w̃á ngí fáa ỹɛ́nini kɔwɔ́ato ndangí wa wú su ngáá Ndemɔí Jísu ɛ́ɣɛ ndongí wú su ngáá Ngalángi vóngaitii kpɛ́lɛɛ.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

TÍMOTI HESENDAA GƆLƆÍ 1:1

Nyɛ́i ngí ngáá Pɔ́ɔ, nyá lɔ ngáá kɔlɔí sí vɔ́nɛ. Nyá lɔ ngáá Jísu Kílisitii gééla kíya Ngalá lɛ́i í ngáá mu Wumáawo Mɔ́i ɛ́ɣɛ Jísu Kílisitii lɛ́i í ngáá mu gítomai ti ndéngɔ ngáá í ɣɛ́.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

HÍBULU 2:9

Kɛ́ aa vá mú kɔ́lɔ ngáá kɛ Ngala ngí Jísu wunga njéini kulo, ngi ndá yákpangi aa ɣɛi hitií malékaitii ti ndá yákpangi h̃u. Sí i ɣɛní kɛinɔɔ́ Ngalángi háá bɔwɔí w̃áá véle w̃a Jísu í há nuu kpɛ́lɛɛ fááw̃a. Kɛ́ a mú kɔ́lɔ náa sí h̃úi ngáá kɛ Ngala ngí faa w̃aanɛ́ɛ́ nɛɛ ɛ́ɣɛ ngufema hénga mbɛ kíya nɔ́ɔ masa mbɔ́ɔ́lɔ áá ɣɛ́ ndɔwɔlɔ́ w̃ása ngu mba bɔw̃álale, i w̃aanɔw̃ɔ́ngɔ ɔ́ɔ́ ɣɛ́a ha.

HÍBULU 6:1

Faalɔ, a mú lí náá ngáá naa gɔlɔ́ɔ́ vele. Ná wáá ngáá, a maayáá kalambongái sítii kála kɔwɔ́ato Kílisitii wa taá ngákɛ ngáá maá mɔ́ɔ́ ngáá ndopóa Ngala fái h̃u. A máálaa ɣɛ́ nɔ́ɔ maa híya kalambo ngílaangi h̃u nɔ́ɔ kélei. Ná wáá ngáá, kíya kalambongí sí í ná áá lí í tó ngangímba lála hái wa nuu áá kɛ ɛ́ɣɛ ndangí nuu áá ɣɛ́ sú ngáá Ngalá,

HÍBULU 7:25

Náá hááw̃a, nuí fíli áá lí Ngalá ngéle Jísu w̃áá véle w̃a, Jísu aa hómbo í maa w̃ɔ́i wumááwo kpésekele bɔw̃álale, lɛ́i í ngáá Jísu aá lɔ́ na kúnafɔ íwaa yɛ́pɛ nungáitii faaw̃a Ngalá ngéle.

PÍTƐ HESENDAA GƆLƆÍ 1:11

Kílisitii Ỹínangi í ɣɛ́i tí vólu, laá lɔ́ í ɣɛ́i áá ngákɛ ngáá ti ye kíya Kílisitii w̃aa í ɣɛ́i áá vá nɔ́w̃ɔma. Ná ná vá ngɔ́ɔ́ gúla sú, ɔ́ɔ́ ngufema wála wála w̃aahɔ́lɔ náa. Faalɔ, ti ɣɛ́i taa nga kpɛ́ kpɛ́ ti ɣɛ́ kɔ́lɔ ngáá ele gíte lɔ́ í ɣɛ́i áá vá ɣɛ́ ma la ɛ́ɣɛ táingi í ɣɛ́i áá vá vááma ma.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.