PÍTƐ HESENDAA GƆLƆÍ 1:20 - Kɛ́lɛ Niinaí

²⁰ Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, i ɣɛi náa lokoloní Kílisitii wa ngáá ɔ́ɔ́ vá í wú wúmaawo. Kɛ́ ngapúmaa yeteyangi sí h̃u, i kulaá kɛlɛ́ma ngeleí sí wu wú hááw̃a.

PÍTƐ HESENDAA GƆLƆÍ 1:20 Iomraidhean Croise

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

TI GƐ́Ɛ́ HAÍTII 2:23

Ngalá ngí ɣɛi faa wɔ́lɔ mba, ná vólu, ngi háá h̃uubatɛngi ɣɛi lá ngáá í Jísu he wú yáá aáva faa ỹɔ́u yélaitii tí bɔ́ni wú wá wú paa ngáá kpakpángi wú mbóni lá kulɔ́sii w̃a, í ló na, í há.

LÓÓMI 3:25

Ngalá ngí tɔvení ngáá í ɣɛ́ ngáá saáɣa kɛinɔɔ́ laá Jísu w̃áá véle w̃a nuu búsa h̃úúhaa í ló ti háá ỹɔítii sú ti lángi w̃áá véle w̃á taa ɣɛ́ sú lá. Ngalá ngí sí ɣɛ́ngɔ kɛinɔɔ́ í ngí lélembongi yákɛ. Wɔ́lɔ wɔ́lɔ mái h̃u, Ngalá ngí liilɔ́lɔni í yááh̃u víli nungáitii ti háá ỹɔítii mááh̃u.

LÓÓMI 8:29

Ná wɔ́lɔ pá i suuwɔ́lɔ nɔ́ɔ ngáá elení tɔ í lókolonga tí wa i ti ɣɛ́ ngáá ngi ndá léélaa. I kpatɛngɔ́ gí ma ngáá ti ɣɛ́ ngáá ngi H̃íỹɛndou Loí ɣɛ́ kílii ngáá kɛinɔɔ́ ngi H̃íỹɛndou Loí í ɣɛ́ ngáá hésendaa Loí ndoú bíh̃i bíh̃ingaa h̃u taa ɣɛ́ ngeyá.

GALÉSIYA 4:4

Kɛ́ ná kúi kái káingi í fóloni ma, Ngala ngí ngi H̃íỹɛndou Loí lɔ́veni ngelewu. Ngi njéé i ɣɛi ngáá nuu búsa, aáva i góloni sávaitii mbu Ngala ngí féni Muusé yáa,

Ɛ́FƐSƆ 1:10

Ngalángi háá h̃uubatɛngí áá vá mbóma, ná kɛ fóloi áá fólo ma, aa kɛ ngáá háwu ŋaniáitii kpɛ́lɛɛ tí ngélewu ɛ́ɣɛ ngelegóóh̃u ti ɣɛ́ ngoo yiláá sú, Kílisitii í ɣɛ́ ngáá ti wútuwɔɔ w̃ɔ́ɔ́ walaí.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 3:11

Ngalá ngí kɛngɔ́ ngáá háwu Jísu Kílisitii mu Lemɔ́i, í kɛ sí wɔ́lɔ kpɔ́lɔɔ Ngala ngí ɣɛ́ngɔ loí í ɣɛ́.

Ɛ́FƐSƆ 3:9

Kule lɔ́ má múl̃ɔ ngí kɛ nuu kpɛ́lɛɛ tí ngátɔ mba kíya Ngalá ngáá vá ngi lɔ́ɔ́wu h̃u hái h̃uu híyama. Ngala, lɛ́i í ngáá ngelegóóh̃u ɛ́ɣɛ ngélewu bátɛ mɔ́i, i ngi lɔ́ɔ́wu h̃ú hái sí lɔ́ɔ́wungɔ nuu kpɛ́lɛɛ mbá wɔ́lɔ

KƆLƆ́SE 1:26

Maa geéla woí sí w̃áálɔɔwungɔ i ɣɛngɔ la mbɛ wɔ́lɔ kpɔ́lɔɔ nuu kpɛ́lɛɛ mbá, kɛ́ í kɛ́nga ngáá háwu ngi vóngaitii ti ɣɛ́a náá faa wɔ́lɔ kɔwɔ́ato mba.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

HÍBULU 1:2

Kɛ́ muỹɛ́i náa mu ngapumáá yéteyangi sí h̃u, i yɛpɛngá mú yelé ngi H̃íỹɛndou Loí w̃áá véle w̃a. Ngala ngí mɔ́ɔ kɛngɔ́ ngáá háwu ngeleí sí wu í ɣɛ́ na ngi lói sí w̃áá véle w̃á. Laáva tɔ nɔ́ɔ múl̃ɔ Ngala ngí lókolongɔ mba ngáá faa kpɛ́lɛɛ í ngápu toko h̃u.

HÍBULU 2:14

Sífaa, nduwú lɔ́ ndengái sítii ma, ŋaaw̃ɔ í tí h̃u, ná lɔ́ í kɛ́i Ngala ngí Jísu bɛ́lɛ kpátɛni ngáá ti ɣɛ́ kíli ngáá kɛinɔɔ́ saí w̃áá véle w̃a í ɣɛ́i áá vá mbó má í Ngutuwɔ́ Ỹína Nyɔí ɣɛ́ kíli ỹááni lɛ́i ngákpa ngí ngéya sái w̃ááh̃u.

HÍBULU 9:26

Kɛ bele ngí múl̃ɔ kule í ɣɛ́i ma í ɣɛ́ na, kɛ ná ná ɔ́ɔ́ ɣɛ, kɛ Kílisitii w̃áánɔw̃ɔndai hei h̃úú ɔ́ɔ́ ɣɛ́ bíh̃i ká ka í séi ngeléwu bátɛ sɔ́wɔi w̃a. Kɛ́ áá ɣéle, fáitii ngákɛɛlɛmaa bɛɛngɔ́i sí náá mba i bɔ́wɔ gúlanga kɛ́lɛma nuu kpɛ́lɛɛ fááw̃a ngáá kɛinɔɔ́ í faa ỹɔ́i wúya nuu kpɛ́lɛɛ má ngáá bɔwɔ́ gúlandai ngáá saáɣa naa héiw̃aa í ɣɛ́i yíla kpé.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

NJƆÚ HESENDAA GƆLƆÍ 1:2

Ná ndɛɛh̃u gítei sí he mɔ́i í gúlani kála kála ma, ní tɔ́ni, aáva naá fáa lé kɔwɔ́ato mba. Aáva niỹá lɔ́ɔ ndé wú w̃á ngáá ndɛɛh̃úi sí lɔ na kúnafɔ fááw̃a. I ɣɛi na wɔ́lɔ taá Kɛɛɣɛí Ngala, aáva Kɛɛɣɛí Ngála í kɛ́nga ngáá háwu ní ɣɛ́ kɔ́lɔ.

NJƆÚ HESENDAA GƆLƆÍ 3:5

Wú kɔ́lɔ ngáá Jísu Kílisitii i vaangɔ́ ngeleí sí wu ngáá kɛinɔɔ́ í nuu búsai wúya fó fáá ỹɔ́i yaá, laáva faa ỹɔ́u fíli áá ɣɛi su.

NJƆÚ HESENDAA GƆLƆÍ 3:8

Nuí fíli áá ndí ngu ma ngáá faa ỹɔ́u ɣɛndáá kɛ maa w̃ɔ́i lɔ ngáá Ngutuwɔ́ Ỹína Nyɔí núú bɔw̃álale Ngutuwɔ́ Ỹína Nyɔí lɔ ngáá faa ỹɔ́u ɣɛ mɔ́ɔ wɔ́lɔ kpɔ́lɔɔ ngetéyangi lɔ́kula héimai. Ngalángi H̃íỹɛndou Loí i vaangɔ́ ngeleí sí wu háwui sí kái kái fááw̃a, ná wáa ngáá, í Ngutuwɔ́ Ỹína Nyɔí háá h̃uubatɛ nyɔu ỹɔungáitii kpɛ́lɛɛ nyááni.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.