PÍTƐ HESENDAA GƆLƆÍ 1:2 - Kɛ́lɛ Niinaí

² Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

PÍTƐ HESENDAA GƆLƆÍ 1:2 Iomraidhean Croise

MÁFIYU 24:22

Kɛbei Ngalá ngáá ɣɛi folói nátii sɔíngi h̃uu ɣɛ́i lúkpu, nuu fíli ɛ́i belé lo ndɛɛh̃ú h̃u. Kɛ́ nungái sítii faaw̃a í lókolonga ti wa ngáá ngi vóngaa, i maa hóloitii sɔíngi h̃úu ɣɛngá lúkpu.

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

MÁFIYU 24:31

Búlu wói aa ɣɛ wɔɔlɔ ngwala áá hɛ. Aáva Nuu Búsa Goo H̃ú Loí aa ngi w̃álekaitii tɔve nungái sítii ngelé Ngalá ngí lókolonga ti wa ngáá ngi vóngaa, taá ti gúla ỹanda kpɛ́lɛɛ kpɛ́lɛɛ ngeleí sí wú, tí tí yatɛ́ mba ỹanda yílaa.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:20

Kɛbei Ndemɔí Ngalá ngáá ɣɛi folói nátii sɔ́ingi h̃uu ɣɛ́i lúkpu, nuu fíli ɛí belé ló ndɛɛh̃ú h̃u. Kɛ́ nungái sítii faaw̃a í lókolonga ti wa ngáá ngi vóngaa, i maa hóloitii sɔ́ingi h̃uu ɣɛngɔ́ lúkpu.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:22

Sífaa nungáá tiyá lɔɔ vá vaamá, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa taá nde ngáá tiyá lɔ ti ngáá Ngalá ndaa háá lé mbélaitii. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kindáá vilí faa kɛinɔɔ́ ná wɔlíi ɔ́ɔ́ ɣɛ ngáá solowo fáá ti yaá, ti sítii ngákpolowa Ngalá ngí lókolonga tí wa ngáá ngi vóngaa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:27

Ná vólu, aa ngi w̃álekaitii tɔve nungái sítii ngéle Ngalá ngí lókolonga ti wa ngáá ngi vóngaa, taá ti gúla ỹandá kpɛ́lɛɛ kpɛ́lɛɛ ngeleí sí wú, tí ti yatɛ́ mba ỹanda yílaa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:7

Ná vólu, a gisíya lɛ́ɛ́ ngáá Ngalá, wáá kɔlɔ́ ngáá aa ngi vóngai sítii taá fɛ́li kpɔkɔ́ni ngaa ngelendá ti háá lɔɔỹaí hé ti yaá tí lówah̃u taá sítii taá faa bá nda ngi vóngai nátii ma? Baa kɛ aa ngumbú lɛ́i?

TI GƐ́Ɛ́ HAÍTII 15:18

nungáitii ti ɣɛ́i faa wɔ́lɔ faí sítii mba wɔ́lɔ kpɔ́lɔɔ.’ ”

TI GƐ́Ɛ́ HAÍTII 2:23

Ngalá ngí ɣɛi faa wɔ́lɔ mba, ná vólu, ngi háá h̃uubatɛngi ɣɛi lá ngáá í Jísu he wú yáá aáva faa ỹɔ́u yélaitii tí bɔ́ni wú wá wú paa ngáá kpakpángi wú mbóni lá kulɔ́sii w̃a, í ló na, í há.

TI GƐ́Ɛ́ HAÍTII 20:32

Ná Pɔ́ɔ í vílani sí léma ti w̃a, kɛ i ɣɛa ta, “Ngí wú gáihanga náa Ndemɔí Ngalá ma ɛ́ɣɛ ngi gééla wói kɔwɔ́ato ngi háá bɔwɔ longí wa. Laá lɔ́ áá suuba fé wú yáá ɛ́ɣɛ í nɛ́ɛ́ma yéi wú w̃á sí Ngalángi ngandɔ́ɔ́lɔngɔ nungáitii kpɛ́lɛɛ fááw̃a í ti ɣɛ kíli batɛngá bɔwɔ́ hááw̃a.

LÓÓMI 1:5

Jísu w̃áa véle w̃a, Ngalá ngí naa gúlaa kɛ́lɛma mbɛ́ ngáá ngí ɣɛ́ ngáá ngi gééla Jísu Kílisitii hááw̃a ngáá kɛinɔɔ́ nungáá ti gúla híítii sú bɛ́kpɛ ti lá ngáá Ngalá, ti gólo mbɛ́.

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

LÓÓMI 11:2

Ngalá ngáá nɛɛ volú yáfei ngi vóngaitiini mba, tiyɛ́i í lókoloni tí wa ngáá ngi vóngaa wɔ́lɔ kpɔ́lɔɔ. Nuu áá maa hái yatɔ́ nɔ́ɔ mba mbéinda pɔ́nɛngɔi na Ngala Kɔ́lɔi h̃u ngáá Iláija i Ngalá maanɛ́ɛ́nɛni ngáá ná í faa vɛ́lɛ Ísulɔ yeláitii mba.

LÓÓMI 11:28

Ngalá tɔ́ɔ Júsuai súuhou nɔ́ɔ ngáá mbaahílima yélaa sífaa, taá lókoheingɔ ngi gééla woí wu. Sí i ɣɛngɔ́ ngáá kɛinɔɔ́ wú ngi gééla woo vandaí ỹɛ́ni wɛ́i wáá ngáá Júsua. Kɛ́ ná fíli sú, tiyá lɔ́ ti ngáá Ngalá tókolo mba yélaitii aáva Ngalá ndóngɔɔ lé ngáá ti ye kɔwɔ́ato kuulóngi wa í mbóni ngáá ti káwalani,

LÓÓMI 15:16

ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.

LÓÓMI 16:19

Kɛ́ aá lɔ́ ngáá ndíívo fáá ngáá nuu kpɛ́lɛɛ ti faa ỹɛ́ninga kɔwɔ́ato kolóngi wa wú su Ngalángi gééla woo vandái wu. Kɛ́ ná fíli sú, ngáá ɣɛ́ loí gíte wú ɣɛ́ sítii kɔ́lɔ ti ngáá faa vándaitii aáva wáálaa báha kpahá faa fíli mbá ti ngáá faa ỹɔ́u ỹɔ́ungaa.

LÓÓMI 16:26

kɛ́ ngápumai sí náá i gulaá kɛ́lɛma Ngala ndaa háá lé mbélai ti gɔlɔ vɔnɛngɔ́itii maa véle w̃a. Ngalá lɛ́i í na kúnafɔ i ndéi ngáá tɔɔỹái sí i lé nungáitii kpɛ́lɛɛ ma ti ndɔ́wɔlɔitii kpɛ́lɛɛ sú ngeleí sí wu ngáá kɛinɔɔ́ ti lá lá aáva ti gólo mbɛ.

LÓÓMI 8:13

Ná wáá híya nɔ́ɔ ngáá wú líívo fáitii, wáá sáa w̃ááhɔlɔ, kɛ́ ná wáá lókogula wú lámal̃a ndiivo kɛítii su Hɛ́ɛ́ma Ỹínangi w̃áá véle w̃a, kɛ waá lɔ́ɔ vá kúnafɔ lɛ́ɛ́h̃ui w̃ááhɔlɔma.

LÓÓMI 8:33

Ná wɔ́lii Ngála ngáá ndé ngáá kɛ faa áá sítii mba í lókolonga tí wa ngáá ngi vóngaa, kɛ ele lɔ náá áá faa vɛ́lɛ ti wa?

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E HESENDAA GƆLƆÍ 6:11

Aáva ngimɔ́ɔ́ wú lɛ́ingaa wú ɣɛ́ngɔ na. Kɛ́ wú wúyangɔɔ lé náa faa ỹɔ́i yaa. Ngala ngí kɛ́a ngáá háwu tɔmbema w̃áá fíli aa wú wá. Wú ɣɛ́a ngáá telembo mbélaa Ngala ngááh̃u Ndemɔí Jísu Kílisitii laahéingi h̃u ɛ́ɣɛ Hɛ́ɛ́ma Ỹínangi w̃áá véle w̃a.

KƆ́L̃E GƆ́LƆI HELE KÉLEI 10:5

Ná vólu, naá núu fíli ngánjei la áá yóóɣe í ló ngáá ndiiwɔɔlɔ́ tɔɔỹaá gééla woí láá wú kɔwɔ́ato Ngalá mba. Ná vólu, naá kɛ ngáá háwu nungáitii tíwaa gísiya kíya Kílisitii áá ɣɛ́ loí taayaa gisíya.

KƆ́L̃E GƆ́LƆI HELE KÉLEI 13:14

Bɛlɛ́ Ndemɔí Jísu Kílisitii háá bɔwɔí í ɣɛ́ wú yɛ́ ɛ́ɣɛ Ngalángi lóngi í ɣɛ́ wú yɛ́ ɛ́ɣɛ wú kpɛ́lɛɛ wú háá í ɣɛ́ su yíla wáá Hɛ́ɛ́ma Ỹínangi.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÍMOTI GƆ́LƆI HELE KÉLEI 2:10

Háwui náa haaw̃a, ngáá liilɔ́lɔ sítii kpɛ́lɛɛ ngá sítii faaw̃a ti ngáá Ngalángi vóngaitii kɛinɔɔ́ ti ngumaawóngi w̃ááhɔlɔ áá gula Jísu Kílisitii yaa, ná wáá ngáá, kúnafɔ lɛ́ɛ́h̃ui nuu áá ɣɛ su Ngalángi yákpa maanɛɛnɛɛngí h̃u.

TÁITƆ 1:1

Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.

HÍBULU 10:22

a mú lókola Ngalá ma, a mú lí kakála ngáá ndiiwóle. A maa ná ɣɛ́ sífaa, Jísu í mu gi mái ɣɛ́nga kpál̃au ngáá faa fíli aa mu wa, a mu w̃aaw̃úỹangɔɔ lé fó ngáá njɛ vanda.

HÍBULU 11:28

Ndangí í ɣɛ́i su ngáá Ngalá, ná lɔ́ í kɛ́ni kuí ná taa tolí ngáá Ngumaawó Kúi í kúyandai lɔkúla héini wɔ́lɔ hése, ná í ndéni ngáá tí mbáála ỹaaw̃ɔ́i híya hiyá kóngitii maa gɔ́lɔɔ veleí. Ná lɔ́ náá í kɛ́ni malékai ná áá kɛ ngáá háwu sái áá gúla aa mɔɔ liyái ngáá Ísulɔ yeláitii ti hésendaa h̃íỹɛndou lengáitii.

HÍBULU 12:24

Wú váánga náá Jísu yelé lɛ́i í kɛ́lɛ niinaí Ngala ngí ngeɣéngɔ tí lówah̃u taá ngi vóngaitii í kɛ́ kíli batɛngɔ́. Saáɣa haí sí Jísu Kílisitii í mbóni aa faa yakɛ́ ngáá mu ye ngáá pángɔ í lɔ́ve sái wá Éébɛ í mbóni.

HÍBULU 5:9

Maanɔw̃ɔ́i sí í híyai su, aá lɔ́ áá ngákɛ ngáá kɛ Jísu lɔ ngáá kolo mɔ́ɔ́ wála, aáva laá maa véle lɔ́ náa nuu áá kúnafɔ lɛ́ɛ́h̃ui w̃ááhɔlɔ ma, ná wáá ngáá, nuí fíli áá gólo mbɛ.

PÍTƐ HESENDAA GƆLƆÍ 1:14

A ɣɛ́ ngáá koló mbélaa Ngalá mbɛ́, ná vólu, wálaa mɔ́ɔ́ sí ɣɛ wáá ɣɛ́ loí wú kɛ ɔ́ɔ́ kɛ́ wú ɣɛ kíya wú ɣɛ́i na, ná h̃u nɛ́nɛ wáá ɣɛ́i Jísu Kílisitii wɔ́lɔ.

PÍTƐ HESENDAA GƆLƆÍ 1:19

Kɛ́ aá ɣéle, sí í wú wúmaawongɔ aá waa ngáá saáɣa hái Kílisitii í mbóngɔ kulɔ́sii w̃a lɛ́i ngangimbá ngwala. Laáva ngi hái gulangɔ́ í ɣɛ́ngɔ lá ngáá kíya saáɣa waala áá ɣɛ́ na faa fíli ɛ́i ɣɛ́ mba kɛlaa polí kúlo ɣéle tɔ ɔ́ɔ́ ɣɛ́ ma.

PÍTƐ HESENDAA GƆLƆÍ 1:20

Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, i ɣɛi náa lokoloní Kílisitii wa ngáá ɔ́ɔ́ vá í wú wúmaawo. Kɛ́ ngapúmaa yeteyangi sí h̃u, i kulaá kɛlɛ́ma ngeleí sí wu wú hááw̃a.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

PÍTƐ GƆ́LƆI HELE KÉLEI 1:2

Bɛ́lɛ ngi háá bɔwɔí ɛ́ɣɛ ngí lííhei tí ɣɛ́ wú yɛ́ ngáá ngwala. Ná aa ɣɛ h̃íí sífaa wú Ngala kɔ́lɔ ngáá ele gíte wáá ngáá laá taá a mu Lemɔ́i Jísu.

NJƆÚ GƆ́LƆI HELE KÉLEI 1:1

Nyɛ́i ngí ngáá ngutuwɔ́ w̃ɔ́i Ngala fɛ́li mbélaitii fááw̃a, nyá lɔ ngáá kɔlɔí sí vɔ́nɛ í yéle waa í léngaitii yɛ́i yí ngáá nyáh̃apoi sí Ngalá ngí lókolongɔ í wá. Ndóngɔɔ lé ngáá wu kpɛ́lɛɛ ngáá tɔɔỹaá. Ngílaa laa le nɔ́ɔ kɛ́ sítii kínɛi tí tɔɔỹái wɔlɔ́ tiyá bɛ́lɛ ti longɔ́ɔ́ lé ngáá wú ye,

NJƆÚ GƆ́LƆI HELE KÉLEI 1:13

Í ndéɣei lɛ́i Ngalá ngí lókolongɔ mba, ngí léngaitiini tí hááni wú w̃a.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:2

Bɛlɛ́ Ngalángi yááh̃u w̃aaw̃aanui ɛ́ɣɛ ngi lííhei ɛ́ɣɛ ngi lóngi tí ɣɛ́ wú yɛ́ ngáá ngambɔ́ɔ́lɔngɔ.