PÍTƐ HESENDAA GƆLƆÍ 1:13 - Kɛ́lɛ Niinaí

¹³ Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 1:13 Iomraidhean Croise

MÁFIYU 20:4

Kɛ i ɣɛa ti w̃a, ‘Wá bɛ́lɛ a lí wú yénge ní bélei h̃u, ngáá wú páva ngáá sí l̃ɔ́ingi kule áá ɣɛ́ ma ngáá wú maahɔ́lɔ.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:35

Jísu í mɔ́ɔ ɣɛ ta, “A liih̃ú yíli wú w̃ááhei wóngɔ í ɣɛ́ la faa fíli fááw̃a. Ná vólu, wú lámbongaitii taayáá hó.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:30

Ngimɔ́ɔ́ jɔ́ áa vá ɣɛmá folói sí w̃a Ngalá ngáá va Nuu Búsa Goo H̃ú Loí ɣɛma ngáá nuu kpɛ́lɛɛ ti tɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:8

Kɛmbɛ yáá ndé maa w̃ɔ́i w̃a ngáá í í ỹɛ́ɛ́nii ɣɛ́ kíli batɛ́, í héi, í í w̃áálɛlɛ, ná yáá víla laaỹɛ́ma, í ngí ndái ɣɛ kíli batɛ́, í mɛ, kɛ́lɛi?

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

LÓÓMI 8:19

Seímil̃a p̃ɛ́ɛ́, Ngalángi bátɛ wɔlingái kpɛ́lɛɛ tiyá lɔ́ɔ́ naa w̃áálɛlɛ nɔ́ɔ ngáá ndiihíka híka ngáá tí náá lɔ ngáá elení tɔ́ ti ngáá Ngalángi léngaitii.

KƆ́L̃E HESENDAA GƆLƆÍ 1:7

Náa hááw̃a, Ngalángi nɛ́ɛ́mai ta fíli álaa lɔ́ve wú w̃á ná wáá naa w̃áálɛlɛ gɛ́lɛ gɛlɛ ngáá Ndemɔí Jísu Kílisitii í vá vólu.

KƆ́L̃E HESENDAA GƆLƆÍ 13:13

Naa laa lówah̃u, faa sáángɔi sítii tɔ taa lo, ndangí ɛ́ɣɛ kitomái ɛ́ɣɛ ndóngi. Kɛ́ sí tɔvengɔ́i sítii kpɛ́lɛɛ mbá, aá wáá ngáá ndongí.

Ɛ́FƐSƆ 6:14

Ná hááw̃a, a loo gíli bátɛ ngáá tɔɔỹaá gééla woí kɔwɔ́ato Ngalá mba ná áa ɣɛ́ ngáá bɛ́ti ɣɛ́ kíli ngilingɔ́ áá ɣɛ́ la wú líí h̃u ɛ́ɣɛ wú lélembongɔ í ɣɛ́ la Ngalá ngááh̃u ná áá ɣɛ́ ngáá kíya nɔ́ɔ nuu áá ŋáni vɛ́lɛ gaká h̃ú naa w̃ááh̃u béle fááw̃a.

KƆLƆ́SE 3:4

Ná wáá ɣɛ́ lói wú ló ndɛɛh̃ú gítei h̃u, kɛ wáá ɣɛ́ wáá yénge Kílisitii yɛ́. Aáva ná Kílisitii áá vá volú múl̃ɔ ngeleí sí wu, wá bɛ́lɛ nɔ́ wáá ɣɛ́ náá mba ngi yákpa maanɛɛnɛɛngí h̃u.

TƐSALÓNIKA GƆ́LƆI HELE KÉLEI 1:7

Aáva wɛ́i wúwaa w̃áánɔw̃ɔ, aa wú gúla wú w̃áánɔw̃ɔi h̃u niỹá bɛ́lɛ nɔ́ aa ni gúla ni w̃áánɔw̃ɔi h̃u. Aá lɔɔ vá sí ɣɛ́ma ná Ndemɔí Jísu áá gúla ngelegóóh̃u í va taá ngi w̃áleka yakpangɔ́ wálaitii ngɔmbu hó ngwálai h̃u.

TÍMOTI GƆ́LƆI HELE KÉLEI 4:5

Kɛ́ yá Tímoti, yí bɔwɔ́ h̃úúhou w̃a faa kpɛ́lɛɛ su. Yálaa lúwa maanɔ́w̃ɔi wa yáá vá ngéɣema keela woó vándai sí lé fái w̃a, ndi ngu ma ngáá ndendáá. Sítii ti ngáá í yénge, yí tí wo ngáá pangɔ́ kíya nɔ́ɔ Ngala ngénge mɔɔ áá kɛ.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

HÍBULU 10:35

Náá hááw̃a, wú lííbangɔ i ɣɛ nɔ́ɔ́ la bɔw̃álale, wú w̃ááỹangi wáá vá maahɔ́lɔma i wɔɔlɔ ngwala.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

HÍBULU 6:19

Sí a mú yílingɔi mba kpáŋ kɛ kíli ɛ́i ỹááni aá waa ngáá kitomái í mú yɛ kɔwɔ́ato mu lɛ́ɛ́h̃ui wa. Nuí vá mu gitóngɔ mba aá wáá ngáá Jísu lɛ́i í líínga mu wutúwɔ mu haáw̃a. I liingá Hɛ́ɛ́ma Wála Ỹándai kula walái volú véle í Hɛ́ɛ́ma Yála Pɛ́lɛi wu í ngélegooh̃u. Naa lɔ í na ngáá Ngala sááɣa gula mɔ́ɔ́ wala kúnafɔ kíya nɔ́ɔ Ngala sááɣa gula mɔ́i Mɛlɛkésedɛ í ɣɛ́i na.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

PÍTƐ HESENDAA GƆLƆÍ 1:10

Ngumaawóngi sí lɔ́ Ngala ndaa háá lé mbélaitii tí ndái ma tɔ́ tíwaa faa yá kpɛ́ kpɛ́ kɔwɔ́ato mba aáva tí Ngala ndaa háá léni kɔwɔ́ato sí wa Ngala ngí ɣɛ́i áá vá féma wú yɛ.

PÍTƐ HESENDAA GƆLƆÍ 3:15

Kílisitii lúwamba í ɣɛ́ wú líí h̃u, wú ngufema hé mbɛ ná í ngáá Ndemɔí wú hááw̃a. Wú w̃ááhei wongɔ í ɣɛ́ la hɔ́wɔ fíli ngáá wú suugúla nuu fíli má áá wú w̃ɔ́ɔ́ni ngáá sí í kɛ́a wú gitóngɔ Kílisitii wa.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

PÍTƐ HESENDAA GƆLƆÍ 5:12

Siỹɛndópoi sí taa ɣɛ́ ma Sáilɔ, lɛ́i í ngáá mu mbála Yalá fɛ́li mɔ́i ta tɔwɔ́baɣangɔ, i bɔngɔ́ mbá kɔlɔ lukpúi sí vɔ́nɛ fái h̃u wú yéle. Ngí pɔnɛngɔ́ ngáá kɛinɔɔ́ nduwúh̃u í lɛ́ ngáá wú ye Ngala fɛ́li fái h̃u, ná vólu, kɛinɔɔ́ ngí faa lé gíte ngáá kɛ Ngalángi háá bɔwɔ́i kái kái tɔ ngáá sí a mú su. Faale, a ɣɛ́ su gíte wú lííbangɔ í ɣɛ́ la su kpáŋ.

PÍTƐ HESENDAA GƆLƆÍ 5:8

A w̃aah̃ú béle wú ɣɛ́ wáá wɔ́lɛ w̃a, wú wááhilima w̃ɔ́i Ngutuwɔ́ Ỹína Nyɔí aá lɔ nɔ́ɔ áá lɔ́ve tɔvé váá kíya njala í na, áá nuu wɔ́li ngáá í maa w̃ɔ́i ɣɛ kíli ỹaaní Ngala fái h̃u.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.