PÍTƐ HESENDAA GƆLƆÍ 1:12 - Kɛ́lɛ Niinaí

¹² Ngalá pá ngí kɛí ngáá háwu ndaa háá lé mbélai tí ɣɛ́ kɔ́lɔ ngáá kɛ taá ɣɛi taá ndaa wói nátii nde ti bɔwɔ́ bɔ́wɔ gúlasuunuma hááw̃a, kɛ́ aá ɣéle, i ɣɛi na ngáá í ɣɛ́ ngáá kulasuunúma wú hááw̃a. Sítii pa ti ɣɛ́i taa Ngala kééla woo vandaí ná lé wú w̃a ti ɣɛ́i taá ndé wú w̃a Hɛ́ɛ́ma Ỹínangi yákpangi w̃áa véle w̃a lɛ́i í híɣeni ngelegóóh̃u. Aáva Ngala kééla woí ná malékaitii kele tɔ taá ɣɛ́ loí tí ɣɛ́ faa wɔ́lɔ kɔwɔ́ato mba ngáá pangɔ.

PÍTƐ HESENDAA GƆLƆÍ 1:12 Iomraidhean Croise

MÁFIYU 11:25

Táingi ná w̃a kínɛi, kɛ Jísu i ɣɛa ta, “Kɛɛɣɛ́ Ngalá, yɛ́i yí ngáá Ndemɔí faa kpɛ́lɛɛ mááh̃u ngelewu, ngí sɛ́ɣɛɛ gula í w̃a bɔw̃álale yí fái sítii ndɔɔwungá nungái sítii mba ti gi máá gúlangɔ ɛ́ɣɛ sítiini tí faa gálangɔ, kɛ́ yí ngakɛ́ngɔ kpál̃au ngáá sítii taá faa gálangɔ.

MÁFIYU 11:27

Jísu i mɔ́ɔ ɣɛ ta, “Ní Kɛ́ɛ́ɣɛ i ŋani kpɛ́lɛɛ fénga ngéya. Nuú fíli pá aa Ngalángi H̃íỹɛndou Loí wɔ́lɔ kɛ léi Kɛɛɣɛí. Nuu fíli pá aa Kɛɛɣɛí wɔ́lɔ kɛ léi ngi H̃íỹɛndou Loí ɛ́ɣɛ sítiini ngi H̃íỹɛndou Loí áá lókolo ti wa ngáá í Kɛɛɣɛí Ngalá kɛ ngáá ti ye kpál̃au.”

MÁFIYU 16:17

Kɛ Jísu i ɣɛa ma, “Aa lɔ́ ngáá faa vánda í hááw̃a Sáimɔ, yɛ́i yí ngáá Njɔú lói, sífaa, nuu búsa láá le ɔ́ɔ́ tɔɔỹái sí vú í lá yɔ́ɔ́ nde, kɛ́ ní Kɛ́ɛ́ɣɛi í ngelegóóh̃u aá lɔ́ í púngɔ í lá.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:15

A lí ndɔwɔlɔ́i kpɛ́lɛɛ kpɛ́lɛɛ su, wú Ngalángi gééla woo vandaí lé nuu kpɛ́lɛɛ má.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:10

Jísu í mɔ́ɔ ɣɛ ti w̃a, “Ngí nde wú w̃á, ngimɔ́ɔ́ nɔ́ɔ jɔ́ í ná ngelegóóh̃u. Kooh̃unɛɛ wála aa ɣɛ Ngalángi w̃álekaitii ndiiwáá ná faa ỹɔ́u w̃ɔ́ɔ yiláá kéle tɔ áá volú yáfe ngi háá ỹɔítii mba.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:26

Hɛ́ɛ́ma Ỹínangi i ɣɛi ngakɛ́ni ngáá Símiyɔ ngáá ɛi ha í ló su í Ndemɔí Ngalángi Lókolo Mbá W̃ɔ́i lɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:6

Kɛ Jísu volú yélaitiini tí pele hóunga, tí li taítii su tíwaa Ngalángi gééla woo vandaí le naítii, ná vólu, táá nungáitii mbaló ỹandá kpɛ́lɛɛ.

NJƆÚ 15:26

Ná kpɔmba w̃ɔ́i áá va lɛ́i ngíwaa vá tɔ́vema wú yéle áá gúla ní Kɛ́ɛ́ɣɛ yelé í ngáá Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngala mba, aá lɔ áá vá faa léma kɔwɔ́ato mbá.

TI GƐ́Ɛ́ HAÍTII 10:44

Pítɛ í loí nɔ́ɔ ngoí sítii nde ma, kɛ Hɛ́ɛ́ma Ỹínangi i vungá sítii su ti wolílongɔ í ɣɛ́i lá keela woí sí w̃a.

TI GƐ́Ɛ́ HAÍTII 16:10

Ná fái sí í gúlani su, ni wúyoɣeni náa ngamá ní pele hóu ngáá liilaá Mɛsedóniya. Ní ndení naá ngáá kɛ Ngalá tɔ í ni lolíngɔ na ngáá ni Ngalángi gééla woo vandaí le ti w̃a.

TI GƐ́Ɛ́ HAÍTII 2:33

Ngalá ngí séinga ngufema ỹándai kpéla ngi w̃ásandai h̃u. I Hɛ́ɛ́ma Ỹínangi w̃ááhɔlɔnga áá gúla Kɛɛɣɛí Ngalá ngéya. Hɛ́ɛ́ma Ỹínangi sí vá tɔ́ Ngalá ngí maagúúlo mbongɔ́. Ná vólu, sí naá wú waa mɛni náa nde ɛ́ɣɛ sí wúwaa naa lɔ náa kɛ, maa Hɛ́ɛ́ma Ỹínangi lɔ náá í ní volú.

TI GƐ́Ɛ́ HAÍTII 4:31

Ná ti vílani Ngala fɛ́lima, mbéi ti w̃aakpɔ́ngɔ i ɣɛ́i lá mbá na, naa í bɛ́lini aáva Ngalángi Hɛ́ɛ́ma Ỹínangi i vuní ti kpɛ́lɛɛ su, táa Ngalá ndaa wói le ngáá ndiibá.

TI GƐ́Ɛ́ HAÍTII 4:8

Hɛ́ɛ́ma Ỹínangi i ɣɛi Pítɛ vólu, kɛ Pítɛ í ɣɛ́a ti w̃a, “Wɛ́i wú ngáá ngutuwɔ́ yélaitii ɛ́ɣɛ kele ɣelé mbélaitii nungái fááw̃a,

TI GƐ́Ɛ́ HAÍTII 8:25

Ná ti ɣɛ́i náa viláni fái sítii ndemá ti ɣɛ́i kɔlɔ́ kɔwɔ́ato Ndemɔí Jísu wa ɛ́ɣɛ keela woó vándai í gúlani ngeyá, Pítɛni ngaa Njɔú tí yángaimani Jɛlúsɛl̃ɛ taa h̃u, táá Ngalángi gééla woo vandaí lé kɔwɔ́ato Jísu wa Samááliya yeláitii ti láitii kpih̃íw̃aa h̃u.

LÓÓMI 1:15

Ná lɔ́ í kɛ́nga naa w̃ɔní í má ngwala ngáá ngí Ngalángi gééla woo vandaí lé wú w̃a wá bɛ́lɛ, wɛ́i wú Lóómi taa walái h̃u.

LÓÓMI 1:17

Ngakɛ́ngɔɔ lé maa gééla woo vandaí h̃u ngáá kíya Ngalá ngáá nuu yéɣe ngáá telembo mɔ́ɔ́. Ná wáá ngáá, nuí fíli nda ngáá ɣɛ nɔ́ɔ su léi, Ngalá ngáá ngeɣé ngáá telembo mɔ́ɔ́. Maa hái waa nɔ́ɔ́ ngáá kíya pɔnɛngɔ́ Ngala Kɔ́lɔi h̃u, sí vá pɔnɛngɔ́ aá wáa ngáá sí, “Sítii Ngalá ngáá ti yeɣé ngáá telembo mbélaa taá ɣɛ́ ndɛɛh̃u gítei h̃u ndangí w̃áá véle w̃a taa ɣɛ́ sú ngáá Ngalá.”

LÓÓMI 10:15

Aáva áá ɣéle lé náá ti w̃a ná núngaa lɔ́vengɔ ɛ́i ɣɛ́ la ngáá tí lí ti nde ti w̃a? Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáá ngáá sí, “Aá lɔ́ ngáá faá w̃aanɛ́ɛ́ngɔ ngwala ngáá sítii taa ɣɛ́ taa vá ngáá tí Ngala kééla woo vándai lé.”

KƆ́L̃E HESENDAA GƆLƆÍ 2:10

Kɛ́ Ngalá ngí ngi lɔ́ɔ́wu h̃u hái kpɛ́lɛɛ kpɛ́lɛɛ ngákɛa ngáá mu ye kpál̃au ngi Hɛ́ɛ́ma Ỹínangi w̃áá véle w̃a. Hɛ́ɛ́ma Ỹínangi aa faí kpɛ́lɛɛ ngákula mba í lí bɛ́lɛ í to Ngalángi háá h̃uubatɛngítii mba tí ndɔ́ɔ́wu h̃u.

KƆ́L̃E GƆ́LƆI HELE KÉLEI 1:22

ɛ́ɣɛ i lokovo ndónga mu w̃a ngáá kɛ muỹá lɔ ngáá ngi vóngaa. Ngalá tɔ í kɛ́a ngáá háwu ngi H̃ɛ́ɛ́ma Ỹínangi í mu volu ngakɛ́ fááw̃a ngáá kuulóngitii mbóngɔ ngáá mu ye tiyá lɔ́ɔ vá hítɛma nga.

KƆ́L̃E GƆ́LƆI HELE KÉLEI 6:6

Ní ngákɛa ngáá niỹá lɔ ngáá Ngalángi yénge mbélaa kɔwɔ́ato ni ɣɛ kíli wa séngei faa ỹɔ́i yaá, ɛ́ɣɛ sí ní kɔ́lɔ kɔwɔ́ato Ngalángi lɔ́ɔ́ỹai wa ɛ́ɣɛ ndiilɔlɔ́i ní su ɛ́ɣɛ ni háá nɛɛ ɣɛndái. Ná vólu, Hɛ́ɛ́ma Ỹínangi í ni vólu ɛ́ɣɛ tɔɔỹaá lóngi ní su

GALÉSIYA 1:12

Ngáá maahɔ́lɔngɔ nuu búsa yaá kɛlaa maa nuu ɔ́ɔ́ ɣɛ́ kálambongɔ la. Kɛ́ Jísu Kílisitii laa gíte lɔ í ngákɛngɔ ngáá ngé kpál̃au.

GALÉSIYA 1:16

ngáá í ngí H̃íỹɛndou Loí ɣɛ́ ngáá ngé kɛinɔɔ́ ngí keela woó vándai lé kɔwɔ́ato mba sítii ma taa ngáá Júsua. Aáva ngáá nuu fíli mɔ́ɔ́nini ndaahi fááw̃a,

Ɛ́FƐSƆ 3:10

kɛinɔɔ́ sí h̃úi náa Ngala fɛ́li mbélaitii maa véle w̃á, ngakpa ŋániitii ti ɣɛ́ Ngalángi géle ɣélengi wɔ́lɔ pele kpɛ́lɛɛ su.

TƐSALÓNIKA HESENDAA GƆLƆÍ 2:9

Mu mbála Yalá fɛ́li mbélai, wú gíseingɔ ma gíte kíya nɔ́ɔ ngenge kpá kpangaitii mbó wú lííwaa. Nɔ́ɔ́ yénge fóloni ngaa kpindí kɛinɔɔ́ ni waa háá ɣɛ́ndaa ɔ́ɔ́ va bá nuu fíli ngú mba Ngalángi gééla woo vandaí sí lé fááw̃a í féngɔ ni yaá ngáá ní ndé wú w̃a.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

HÍBULU 11:13

Ndangí Lébilah̃au ɛ́ɣɛ Áise ɛ́ɣɛ Jékɔ ti ɣɛ́i su ngáá Ngala, ná lɔ́ í kɛ́ni tí lókoheini Ngalángi gúúlongi wú kíya bɛ́lɛ maa gooh̃ángɔ í ɣɛ́i lá ti wa áá hítɛni nga í ló sú tí há. Tɛ́i belé suulɔ́ɔ́wu kɛ́ tɔ́ɔ́ nde ngáá tiyá lɔ́ nɔ́ɔ ngáá sotángaa ɛ́ɣɛ tɔ́ve mbélaa ngeleí sí wu.

HÍBULU 4:2

Sífaa, Ngala kééla woo vandaí i lengá mú w̃a kíya nɔ́ɔ í léni mu káwalani ma. Tí Ngala kééla woí ná ỹɛ́nini, kɛ́ taá gulaní h̃úúnuma su bɔw̃álale, taá ɣɛ́i laí la.

PÍTƐ HESENDAA GƆLƆÍ 1:25

kɛ́ Ndemɔí Ngalángi gééla woí lɔ́ na kúnafɔ.” Keela woí sí va mbaa ngáá keela woó vándai na ti ndéni wú w̃a.

PÍTƐ HESENDAA GƆLƆÍ 4:6

Aáva sítii ti saí sí wongɔ ti mbóngɔ kíya nuu kpɛ́lɛɛ taa há Ngalángi gɔ́sɔngi háwui h̃u. Kɛ́ Jísu Kílisitii i keela wóo vándai lénga náa sítii ma ti háángɔ kɛinɔɔ́ ti yáfuw̃angaitii ti ɣɛ́ Ngala ndóów̃a ti ɣɛ́ kíya Ngalá ndongɔ́ ti ɣɛ́ na.

FAA YÁKƐ KƆ́LƆI 5:11

Kɛ ngí malékaitii tɔ́nga tí yambɔ́ɔ́lɔngɔ ngáá tásu séiw̃aa bíh̃iw̃aa ti lóóni masa bɔ́kpɔngi w̃ááyele mbélengɔ ɛ́ɣɛ fulú wɔ́li nááningɔi ɛ́ɣɛ kele ɣelé mbélaitii.