PÍTƐ HESENDAA GƆLƆÍ 1:11 - Kɛ́lɛ Niinaí

¹¹ Kílisitii Ỹínangi í ɣɛ́i tí vólu, laá lɔ́ í ɣɛ́i áá ngákɛ ngáá ti ye kíya Kílisitii w̃aa í ɣɛ́i áá vá nɔ́w̃ɔma. Ná ná vá ngɔ́ɔ́ gúla sú, ɔ́ɔ́ ngufema wála wála w̃aahɔ́lɔ náa. Faalɔ, ti ɣɛ́i taa nga kpɛ́ kpɛ́ ti ɣɛ́ kɔ́lɔ ngáá ele gíte lɔ́ í ɣɛ́i áá vá ɣɛ́ ma la ɛ́ɣɛ táingi í ɣɛ́i áá vá vááma ma.

PÍTƐ HESENDAA GƆLƆÍ 1:11 Iomraidhean Croise

MÁFIYU 26:24

I ɣɛ ti w̃a, “Nuí síí w̃ɔ́i taa ɣɛ́ ma Nuu Búsa Goo H̃ú Loí lɔɔ vá hááma kíya nɔ́ɔ pɔnɛngɔ́ Ngalá Kɔ́lɔi h̃u kɔwɔ́ato mba. Kɛ́ suu lɔɔ vá ɣɛ́ma ỹɔú siỹɛ́ngi sí w̃a íwaa tokolevé! Ɔ́ɔ́ ɣɛ́ vaní maa w̃ɔ́i hááw̃a ná tɛ́i belé ɣɛ́ ndení!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:44

Kɛ i ɣɛa ti w̃a, “Sí lɔ ngí ndéni wú w̃a ná h̃u ngí ɣɛ́i wú lííwaa ngáá kɛ sí kpɛ́lɛɛ pɔnɛngɔ́ kɔwɔ́ato mbá Ngala Kɔ́lɔi h̃u Muusé í pɔ́nɛni ɛ́ɣɛ sí Ngalá ndaa háá lé mbélaitii tí pɔnɛní i hítɛ nga. Ná vólu, ɛ́ɣɛ sí pɔnɛngɔ́i kɔlɔí sí h̃u taá tolí ngáá Ngala Fɛ́li Ngúle Gɔlɔí.”

NJƆÚ 12:41

Ngalá ndaa háá lé mɔ́i Aisáya i faí sí léni bɔw̃álale i Jísu yakpa ngwalaí lɔni ɛ́ɣɛ ngi haa w̃aanɛɛnɛɛ ngwalaí aáva i yɛpɛí kɔwɔ́ato Jísu wa.

TI GƐ́Ɛ́ HAÍTII 16:7

Ná tí vááni Mésiya bandoí w̃a, tí yakpáni ngáá ti lɛ́ Bɛtíniya lataí h̃u. Kɛ́ Jísu Ỹínangi aa kɛní tɔɔ́ lɛ́ na.

LÓÓMI 8:9

Kɛ́ wálaa, wɔ́i híya ngáá wú líívo fáitii kɛ́ndaa, kɛ́ wáá híya ngáá Hɛ́ɛ́ma Ỹínangi liivo fáitii ná wɔ́li áá ɣɛ́ wú vólu. Nungái sítiini Kílisitii Ỹínangi áá tí vólu, taa ngáá ngi vóngaa.

GALÉSIYA 4:6

Sífaa wú ngáá Ngalá ndéngaa kíya nɔ́ɔ ní na, i kɛngɔ́ ngáá háwu ngi H̃íỹɛndou Loí Ỹínangi í ɣɛ́ mu volú, lɛ́i áá kɛ ngáá háwu aa maá Ngala tóli ndaanɛɛ h̃u, maa ɣɛ́ tá, “Kɛɛɣɛ́, Kɛɛɣɛ́.”

PÍTƐ GƆ́LƆI HELE KÉLEI 1:21

sífaa, keela wói Ngalá ndaa háá lé mbélai tɔ́ɔ́ nde aa ɣɛi ngáá ti wúmaa wóó, ná waa ngáá, sí ɔ́ɔ́ nɛ́ɛ́ ti yɛ ngáá tí nde, kɛ́ Hɛ́ɛ́ma Ỹínangi lɔ ɔ́ɔ́ maa yélai sítii nguto táá Ngalá ndaa wói nátii nde.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.