PÍTƐ HESENDAA GƆLƆÍ 1:1 - Kɛ́lɛ Niinaí

¹ Nyɛ́i ngí ngáá Pítɛ, ngí ngáá Jísu Kílisitii géélai, nyá lɔ ngáá kɔlɔí sí vɔ́nɛ wú yéle, wɛ́i Ngala ngí lókolonga wú wá ngáá ngi vóngaa wú maavelá véle h̃u tataí sítii su taá tí lolí ngáá Pɔ́tɔ, Galésiya, Kapadósiya, Ésiya ɛ́ɣɛ Bɛtíniya.

PÍTƐ HESENDAA GƆLƆÍ 1:1 Iomraidhean Croise

MÁFIYU 10:2

Ngalángi gééla púúngɔ maah̃úú félengɔitii ti laahéingaitii tɔ ngáá sí, Sáimɔ, lɛ́i tɔ́ɔ́ tolí mɔ́ɔ́ ngáá Pítɛ. Ngí ndéɣei i ɣɛi ngáá Ándulu, ná vólu, Jimisíni ngaa ngi ndéɣe Njɔú, Sɛ́bɛdi h̃iỹɛndou lengáitii.

MÁFIYU 24:22

Kɛbei Ngalá ngáá ɣɛi folói nátii sɔíngi h̃uu ɣɛ́i lúkpu, nuu fíli ɛ́i belé lo ndɛɛh̃ú h̃u. Kɛ́ nungái sítii faaw̃a í lókolonga ti wa ngáá ngi vóngaa, i maa hóloitii sɔíngi h̃úu ɣɛngá lúkpu.

MÁFIYU 4:18

Ná Jísu í ɣɛ́i áá híya Galéli Yɛ Walaí góóɣaka w̃a, i nyɛɛmbɛ́ mbélaa félengɔ lɔ́ni ti ngáá njee koo h̃u yiláá, táá ti ỹɛ́ɛ́ bɛ mbów̃ai víli njɛí ya. Ndiya geleí laahéingi i ɣɛi ngáá Sáimɔ, ndeɣe geleí laahéingi i ngáá Ándulu. Kɛ́ Sáimɔ laahéi pékai í ɣɛi ngáá Pítɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:7

Ná vólu, a gisíya lɛ́ɛ́ ngáá Ngalá, wáá kɔlɔ́ ngáá aa ngi vóngai sítii taá fɛ́li kpɔkɔ́ni ngaa ngelendá ti háá lɔɔỹaí hé ti yaá tí lówah̃u taá sítii taá faa bá nda ngi vóngai nátii ma? Baa kɛ aa ngumbú lɛ́i?

NJƆÚ 11:52

Kɛ́ aa ɣɛi nɔ́ɔ́ léi ngáá Júsuai ngilaá fááw̃a, kɛ́ aá ɣéle, maa sái i ɣɛi na sítiini kínɛi fááw̃a ti ngáá Ngalángi vóngai ti vahá fáhangɔ ndɔwɔlɔ́i h̃u hááli kɛinɔɔ́ tí ɣɛ ngoo yiláá su.

NJƆÚ 7:35

Kɛ Júsuai ti wutúwɔaitii ti ɣɛ́a ỹɔw̃ɔ́ ỹɔ́w̃ɔ w̃a, “Míl̃inda lɔ́ siỹɛndópoi sí íwaa ɣɛ́ i lí na ngáá a mɔí tɔ? Baa ɔ́ɔ́ ɣɛ́ yɛ́ɛ́ áá lí mbéinda a mu vóngai ti vahá fáhangɔ na Gilísi yélaitii ndiiwáá, ngáá í ɣɛ́ áá Gilísi yélai galambó?

TI GƐ́Ɛ́ HAÍTII 18:2

Naa lɔ í Júsu w̃ɔɔ yiláá mááleni ná ndaahéingi í ɣɛ́i ngáá Akúila, í ɣɛ́i ngáá tataí sí h̃uu w̃ɔ́ɔ́ taa naa lolí ngáá Pɔ́tɔ. Taá ngi ỹáh̃ai sí taa ɣɛ́ ma Pilesíla ti ɣɛ́i nɔ́ɔ gulaní kpéi ndɔwɔlɔ́i ná h̃uu wá taa naa lolí ngáá Étɔli, bɔw̃álale maa Lóómi Lɔwɔ́lɔi W̃asa Ngwalaí tɔ́ɔ́ ɣɛ́ ma Kulɔ́diyasi, i sava laní ngáá Júsuaitii kpɛ́lɛɛ ti ɣɛ́i Lóómi taa h̃u ti gúla naa wa. Pɔ́ɔ va i liiní ti ŋál̃a belé má.

TI GƐ́Ɛ́ HAÍTII 18:23

Ná í kuu félengɔ ɣɛ́ni Átiyɔ, i hiɣení náa na, í lɔ́ve tɔvé ỹandá lɛingáá Galésiya lataí h̃u ɛ́ɣɛ Felíjiya lataí h̃u, áá nduwúh̃ulɛ ngáá Jísu volú yélaitii Ngala fɛ́li fái h̃u.

TI GƐ́Ɛ́ HAÍTII 19:10

Faí sí i ndií ngu ma fowó félengɔ laa lówah̃u, laáva i kɛní Júsuai sítii ɛ́ɣɛ Gilísiai sítii ti ɣɛ́i Ésiya lataí ná h̃u tí Ndemɔí Jísu laa wói ỹɛ́nini.

TI GƐ́Ɛ́ HAÍTII 6:9

Kɛ́ mbaahílima yélaitii ti ɣɛ́i na. Mbaahílima yélai ti gúlani kotái sí wu tɔ́ɔ́ tolí ngáá Ngala fɛ́li máákpɔ wotái nduwɔ lopóai faaw̃a ti wumaawongɔ́ í ɣɛ́i la. Ti ɣɛ́i ngáá Júsua aáva ti lɛ́ingaa ti gúlani taa walá walaí sítii su taa ti lolí ngáá Saílini ɛ́ɣɛ Alɛsáánduya. Júsua vekáitii pa ti gúlani tataí sítii su taa ti lolí ngáá Silísiya ɛ́ɣɛ Ésiya. Nungái sítii tɔ tí maaɣaalíi vɛ́lɛni Sitívi wa.

TI GƐ́Ɛ́ HAÍTII 8:4

Sítii ti vahá fáhangɔ í ɣɛ́i lá su, tí Ngala ngói lení mbéi fíli tɔ́ɔ́ lí na.

KƆ́L̃E HESENDAA GƆLƆÍ 16:19

Mu mbála Yalá fɛ́li mbélai tí ỹándaitii bɛ́kpɛ Ésiya lataí h̃u tí hááni wú w̃a. Sítii taa w̃ɛ́ɛ́ Akúilani ngaa ngi yáh̃a Pilesíla ti vɛ́lɛi la í báha náá tiyá gítei wa tí hááni wú w̃á ngáá Ngala fɛ́li mbélaa ti láálimaa ɣɛ kíli.

KƆ́L̃E GƆ́LƆI HELE KÉLEI 1:8

Mu mbála Yalá fɛ́li mbélai, naá lói wɔ́ɔ́ bááh̃aa ɣɛmá faa wɔ́lɔ kɔwɔ́ato faa bámai wa í láni ni w̃a Ésiya lataí ná h̃u. Faa bámai í láni ni w̃a suuwɔ́ɔ́lɔngɔ i ɣɛi lá ngwála ngáá naa í lói té ngáá ní gíkula ni lɛ́ɛ́h̃ui volú.

Ɛ́FƐSƆ 2:12

Hése, wú báhangɔ aa ɣɛngɔ lá Kílisitii wa, wáá ɣɛ́i ngáá Ísulɔ yélai ti tá. Kɛ́lɛngi í Ngalá ndowah̃u taá ngi vóngaitii kɔwɔ́ato kuulóngi wa í mbóni ngáá ti ye, wáá ɣɛ́i naa wa. Wú ɣɛ́ngɔ nɔ́ɔ ndɛɛh̃ú h̃u kɛ́ wú gítomaa aa ɣɛngɔ na. Wáá ɣɛ́ngɔ tɔɔỹaá Yála kái káingi wɔ́lɔ.

Ɛ́FƐSƆ 2:19

Náá hááw̃a, wɛ́i wáá ngáá Júsua wáá mɔ́ɔ ngáá híí vékaa ɔɔ sotangáá Ngalángi vóngaitii ndiiwáá, wá lɔ́ náa ngáá Ngala ndéngaa pɛlɛ́ lówa yílaa mbú.

TÍMOTI GƆ́LƆI HELE KÉLEI 1:15

Yí kɔ́lɔ ngáá mu mbála Yalá fɛ́li mbélaitii kpɛ́lɛɛ ti Ésiya lataí h̃u tí volú yáfenga mbá í báha naa Fegɛlɔ wa ɛ́ɣɛ Hɛmɔjeni.

HÍBULU 11:13

Ndangí Lébilah̃au ɛ́ɣɛ Áise ɛ́ɣɛ Jékɔ ti ɣɛ́i su ngáá Ngala, ná lɔ́ í kɛ́ni tí lókoheini Ngalángi gúúlongi wú kíya bɛ́lɛ maa gooh̃ángɔ í ɣɛ́i lá ti wa áá hítɛni nga í ló sú tí há. Tɛ́i belé suulɔ́ɔ́wu kɛ́ tɔ́ɔ́ nde ngáá tiyá lɔ́ nɔ́ɔ ngáá sotángaa ɛ́ɣɛ tɔ́ve mbélaa ngeleí sí wu.

JIMISÍ 1:1

Nyɛ́i ngí ngáá Jimisí ngí ngáá ngenge mɔ́ɔ́ Ngalá mbɛ taa Ndemɔí Jísu Kílisitii, nyá lɔ́ ngáá kɔlɔí sí vɔ́nɛ. Ngí há wú kpɛ́lɛɛ má wɛ́i wú ngáá Ngala fɛ́li mbélai wú váhangɔ hááli ndɔwɔlɔ́i kpɛ́lɛɛ su.

PÍTƐ HESENDAA GƆLƆÍ 2:11

Mu mbála vandáitii, nyá lɔɔ́ fái sí lé wú w̃a gíte, ngáá ná muỹá lɔ́ ngáá sotángaa ngeleí sí wu mú na, mú maavéla véle h̃u, wálaa bɔwɔ́ gula múl̃ɔ kɛlɛ́ma ndiivó kɛ́i yɛ́, ɔ́ɔ́ víli wú líí volú. Ndiivo kɛ́i áá vílii nuu líí vólu, ti lówah̃u ɣɛ́ kíli taá nuu h̃úúyafuw̃angi kulangɔ́ɔ́ lé ngáá kɔɔ áá ɣɛ́ nungáá lówah̃u.

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”