Yakob 2:5 - Mankanya

⁵ Naŧiinkan an bayiţ naan biki mmaganuŋ, mënţ Naşibaţi adatuŋ banwooŋ bajuuk ţi këş ki umundu i ? Ado haŋ, bahilna bayok ţi pfiyaar babot bayeenk pşih pi Baţi pi ahoŋuŋ banŋaluluŋ.

Yakob 2:5 Iomraidhean Croise

Ppën 20:6

Kë banŋalnuŋ abot amëban uko wi nţuuŋ baka pdo, baji baţu nwul bañaaŋ baŧum maakan bampënnuŋ ţi baka bnuura.

Maci 11:5

Bakuul bakak awin, banţakmuŋ bapoş, bammaakuŋ bdoo bajebi kë bandënëmuŋ bakŧiink, bankeţuŋ banaţa ţi pkeţ, Uţup Ulil Unuura uŧiinkana ţi bawaaŋ.

Maci 25:34

Wal mënţ wi wi naşih aşaaŋ aji na banwooŋ ţi kañenul kadeenu : “Nabiini, an biki Paapa awuluŋ bnuura bi nul, naneejan ţi Pşih pi Baţi pi Naşibaţi abomananaŋ wi umundu upaşnuŋ.

Maci 5:3

« Bañaaŋ bannumiiŋ Naşibaţi ţi ŋhaaş ŋi baka banuurandëni ţiki Pşih pi Baţi pawo pi baka.

Markuŧ 7:14

Wi wi Yeŧu akaaŋ adu pnŧuk pi bañaaŋ aji na baka : « Naŧiinkan an bŧi nabot name.

Luk 12:21

« Hënk di uwooŋ ţi ñaaŋ anjaaŋ ahanka hank iko pa bkowul, anwooŋ aanji la pyok pi Naşibaţi. »

Luk 12:32

Yeŧu akak aji na baka : « An nanwooŋ batani bmpoţi, naklënk, ulil Aşinan kë awulan Pşihul.

Luk 16:22

Kë najuuk uŋ abi keţ, kë ŋwanjuŧ ŋaya na a kë aţo akab du Abraham. Kë nayok abi keţ kak, kë bamoya.

Luk 16:25

Kë Abraham aşë ŧeema aji : “Abuk naan, leşan kë iwin bnuura wal wi iwooŋ du mboş, kë Laŧaar ul, aşë wo ţi mnhaj. Hënkuŋ awo ţi atuumara, iwi kë işë haj.

Luk 22:29

kë jibi Paapa awulnuŋ pşih, hënk di di nkaaŋ awulan pa.

Luk 6:20

Kë Yeŧu aşë kat këş aten baţaşarul aşë ji : « Nanuurandëni an nanwaaŋuŋ, ţiki Pşih pi Naşibaţi pawo pi nan.

Yowan 7:48

Aloŋ ţi baweek biki nja këme ţi bafariŧay afiyaara i ?

Ulemp 7:2

Kë Ŧefan aşë ŧeem aji : « An baŧënţ naan na başin naan, naŧiinkan. Abraham ateemun awo ţfa du uŧaak wi Meŧopotamiya, ji abi ado kafëţ du ubeeka wi Haran. Naşibaţi i mndëm apën awinana da ţi kadunul,

Baromeŋ 8:17

Wi ŋwooŋ babuk Naşibaţi, ŋluŋ kayeenk uko wi ahoŋuŋ. Woli ŋhaj na Kriŧtu, ŋluŋ kayeenk na a uko wi Naşibaţi ahoŋuŋ, kawo ţi mndëm na a.

1 Korinŧ 2:9

Hënk di di upiiŧaniiŋ ţi Ulibra wi Naşibaţi aji : « Uko wi nin pkëş pawooŋ paanwini, uko wi nin kabaţ kawooŋ kaanŧiinki, uko wi nin uşal uwooŋ uunşali, wi wi Naşibaţi ahankuŋ pa banŋaluluŋ. »

2 Korinŧ 4:15

Uko wi ŋkhajuŋ bŧi uwo keeri pa an, hënk, bnuura bi Naşibaţi baji bawo ţi bañaaŋ banjaaŋ baŧuma ŧum pya, bañaaŋ baŧum babeeba abot adëmanaara dëman maakan.

2 Korinŧ 6:10

ŋji ŋwo ji ŋjooţani kaşë wo ţi mnlilan ; ŋwo bawaaŋ aşë do bañaaŋ baŧum kë bawo bayok ; ŋwo ji bañaaŋ banwooŋ baanka ni uko uloŋ, aşë ka iko bŧi.

2 Korinŧ 8:9

Name jibi Ajugun Yeŧu Kriŧtu adolanaŋ bnuura : ul ambiiŋ awo nayok, an nakaaŋ kë adinan akak nawaaŋ, kahilna kadolan nayokna bwaaŋ bi nul.

Efeŧ 1:18

Dñehan kak Naşibaţi ajeehanan ŋşal nahilna nayikrën phaţ pankaaŋ kë adu'an, nabot name pdëm pi pyok pi ahoŋuŋ bañaaŋ banwooŋ biki nul,

Efeŧ 3:8

Nji mpoţëţaanuŋ ţi bañaaŋ biki Naşibaţi, awulën bnuura bi pţup banwooŋ baanwo bayuday bnuura bweek maakan bi ţi Kriŧtu.

1 Teŧalonika 2:12

ŋji ŋtëŋţënan, kajakan namiir, kajakan naţu kabaţ, nahilna ţi mnwo mi nan nado kado iko yi Naşibaţi aŋaluŋ, ul ankdu'anaŋ ţi pşih pi nul nabot nawo na mndëm mi nul.

2 Teŧalonika 1:5

Uko mënţ bŧi uyuuj kë pwayëş pi Naşibaţi pawo pŧool : uwoo nahilna nawo bañaaŋ banŧaaŋuŋ na pneej du pşih pi Naşibaţi pi nakhajaruŋ hënk.

1 Timote 6:18

Badoon kado bnuura, pyok pi baka pawoon pdo bnuura ; bawoon bañaaŋ banjaaŋ baţen, banjaaŋ baŋal pfaaşiir uko wi bakaaŋ.

2 Timote 4:18

Ajugun aluŋ kabuuranaan ţi iko iwuţaan bŧi yi baŋaluŋ pdolën, kañooţën bnuura du pşih pi nul du baţi. Mndëm manwo ţi a te mnţo. Uwo haŋ.

2 Timote 4:8

Uko unduki'aanuŋ hënkuŋ uwooŋ pyeenk uŧepi wi ñaaŋ naŧool ajaaŋ afuuţa. Uŧepi mënţ, Ajugun, nawayëş naŧool akluŋ kawulën wa ţi unuur wi akluŋ kawayëş bañaaŋ. Kë mënţ nji aloolan ţañ kayeenkuŋ wa, bañaaŋ bŧi banŋaluluŋ ayoonk ubi wi nul bayeenk wa.

Bahebërë 11:26

Afiyaar kë pwut bakowandëna ji Kriŧtu paka udooni apel pyok bŧi panwooŋ ţi Ejiptu, aten alowan aşal katuum kankluŋ kayeenkana.

Yakob 1:12

Ñaaŋ anjaaŋ naţ kaliinŧ ţi unoor anuurandëni, ţiki ayeenk katuum ki ubida wi mnţo wi Naşibaţi ahoŋuŋ banŋaluluŋ, woli ayuuj mntëŋ mi nul aba.

Yakob 1:16

Bayiţ naan biki mmaganuŋ nakwut baguuran ţi uko wi.

Yakob 1:19

An bayiţ naan biki nŋaluŋ maakan nawo i kame kë : ñaaŋ aji wo i kaŧar ţi pŧiink aŧënţul, kanoom ţi pţiini, kanoom ţi udeeb.

Yakob 1:9

Naţaş Yeŧu anwooŋ najuuk awo kaŧaŋ ţi uko wi Naşibaţi akdëmanuluŋ.

1 Piyeer 1:4

Ŋme kë ŋluŋ kayeenk iko inuura yi Naşibaţi ahankuŋ bañaaŋ biki nul. Iko mënţ iinji iŧoka, iinji iţop, iinji iba kanuura. Naşibaţi ahankan ya du baţi.

2 Piyeer 1:11

Hënk di di Naşibaţi akhaabëşanaŋ bnuura plëman pneeji du pşih panwooŋ paankba pi Ajugun, Nabuuranun nja Yeŧu Kriŧtu.

Uko wi ayuujuŋ Yowan 2:9

Dme unoor wi nan na bwaaŋ bi nan – kë naşë wo bayok na manjoonan. Dme kak iko iwuţaan yi bañaaŋ baktaparanaŋ. Baji bawo biki pntaali pi Naşibaţi aşë wo baanwo baka, bawo biki katoh kañehanaani ki Ŧatana.

Uko wi ayuujuŋ Yowan 21:7

Ampokuŋ buţaan ayeenk uko mënţ. Nji dwo Naşibaţi i nul, ul aşë wo abuk naan.

Uko wi ayuujuŋ Yowan 3:18

Hënk, naŧiinkan uko wi nji kajakanaŋ : nanugan wuuru wi naan wi mbomanuŋ bnuura maakan, wal mënţ nawo bayok na manjoonan. Nanugan kak imişa ifaaŧal nawohara, nawutna kawo byişu kakowa, nabot nanug bko bi këş nahilna nado kawin bnuura.