Ulemp 18:4 - Mankanya

⁴ Unuur wi pnoorfën bŧi, aji ţëlşër na bañaaŋ du katoh kañehanaani ki bayuday, kado na pdo bayuday na bagrek, bafiyaar Yeŧu.

Ulemp 18:4 Iomraidhean Croise

Ujuni 9:27

Dñehan Naşibaţi ado Yafet abuk pntaali pŧum, padëm paka uŧaak uweek, dñehan kak babuk Yafet bafëţ na babuk Şem, babuk Kanaan babot bajuukëţ ţi ulemp bado kalempar babuk Yafet na Şem. »

Luk 16:31

Kë Abraham aşë ji na a : “Wi bawooŋ baanji baŧiink Moyiŧ na baţupar Naşibaţi, woli ñaaŋ adoo naţa ţi pkeţ abi aţup baka, baankteha te.” »

Luk 4:16

Yeŧu aya Naŧaret di akuşnaaniiŋ, aya aneej du katoh kañehanaani ki bayuday ţi unuur wi pnoorfën, jibi ajonuŋ kado. Anaţa aya pleyiir Ulibra wi Uţup wi Naşibaţi,

Yowan 7:35

Bayuday bahepar ţi pŧoof pi baka aji : « Ţuŋ di di akyaaŋ kë ŋënkwina ? Aya du bayiţ nja banwayşëruŋ du banwooŋ baanwo bayuday kaşë kajukan banwooŋ baanwo bayuday i ?

Ulemp 13:14

Kë bukal başë juţa ţi bgah bi baka. Bamuur Perga aya aban ubeeka wi Antiyoka du uŧaak wi Piŧidi. Ţi unuur wi pnoorfën wi bayuday, kë başë neej du katoh kañehanaani aţo.

Ulemp 14:1

Du ubeeka wi Ikoniyom kak bi Pawulu na Barnabaŧ baya, aneej du katoh kañehanaani ki bayuday aţiiniyaan uţup wi Naşibaţi bnuura, jibi babiiŋ ado ; kë bañaaŋ baŧum, bayuday na banwooŋ baanwo bayuday, bafiyaari.

Ulemp 17:11

Bañaaŋ biki Bereya bajoob ikow apel biki Teŧalonika, ţiki baji baŧiink Uţup wi Naşibaţi bnuura, kakak kajuk Ulibra wi Naşibaţi unuur undoli, katenna me uko wi Pawulu aţupuŋ ujoonani.

Ulemp 17:17

Ukaaŋ kë aji ŧeŋ du katoh kañehanaani na bayuday biki kabuka, na bankakuŋ bayuday bandëmanuŋ Naşibaţi, akak aji ŧeŋ bţup na bañaaŋ bankţëpnuŋ du ufeeru ŋnuur bŧi.

Ulemp 18:13

aşë ji : « Ñiinţ i, ado na pkakan bañaaŋ ţi pdëman Naşibaţi pampaţuŋ na bgah bi nun. »

Ulemp 18:19

Bawala du ubeeka wi Efeŧ, kë dul di Pawulu aduknuŋ Priŧiliya na Akaliyaŧ, aya du katoh kañehanaani ki bayuday, aţëlşër na baka.

Ulemp 19:26

Kë naşë win abot aŧiink uko unkţëpuŋ, Pawulu uŋ aji başibaţi banţaknaaniiŋ iñen yi bañaaŋ baanwo başibaţi na manjoonan. Ahinan akakan ţi udolade wi nul pnŧuk pi bañaaŋ, mënţ ţi Efeŧ ţi ţañ da, ma ţi kaya pba uŧaak wi Aŧiya bŧi.

Ulemp 19:8

Pawulu ado kli kwajanţ ki ajaaŋ aya kaneej du katoh kañehanaani ki bayuday, kaţup na mntëŋ uko wi Pşih pi Naşibaţi. Ado na pyuuj bankŧiinkuluŋ kë manjoonan mi mi akţupuŋ.

Ulemp 26:28

Kë Agripa aşë ŧeem Pawulu aji : « Iŋal kakakanaan nariŧtoŋ ubaa kaţo'un ţi ! »

Ulemp 28:23

Hënk, kë bamëban unuur na Pawulu, kë bañaaŋ baŧum ţi baka baluŋ abi du dko di Pawulu awaliiŋ. Aţiini na baka nfa te utaakal uţup wi Pşih pi Naşibaţi. Ado na pdo baka bayikrën uko wi Yeŧu, aţëpna ţi Bgah bi Moyiŧ, na uko wi baţupar Naşibaţi bapiiŧuŋ.

Ulemp 9:20

Aandoo kak ayoonk aşë neej ţi katoh kañehanaani ki bayuday aţup aji Yeŧu awooŋ Abuk Naşibaţi.

2 Korinŧ 5:11

Ŋme uko unwooŋ pdo kaţi Ajugun aşë do na pdo bañaaŋ bandukiiŋ bado kaţi a. Naşibaţi ame'un bnuura, kë nhaţ aji an name'un bnuura.