Ulemp 17:4 - Mankanya

⁴ Bayuday baloŋ badinan uko wi bakţupuŋ aşë ţaş bi Pawulu na Ŧilaŧ. Kë bagrek baŧum banjaaŋ badëman Naşibaţi, baţaş baka aţu na baaţ bammeeţaniiŋ baŧum.

Ulemp 17:4 Iomraidhean Croise

Yowan 7:35

Bayuday bahepar ţi pŧoof pi baka aji : « Ţuŋ di di akyaaŋ kë ŋënkwina ? Aya du bayiţ nja banwayşëruŋ du banwooŋ baanwo bayuday kaşë kajukan banwooŋ baanwo bayuday i ?

Ulemp 13:43

Wi bañaaŋ bawayşëruŋ, baŧum ţi baka, bayuday na baloŋ bankakuŋ ţi Bgah bi Moyiŧ, baţaş Pawulu na Barnabaŧ. Kë bukal başë ţiini na baka atëŋţën pa bajuţa ţi bnuura bi Naşibaţi.

Ulemp 13:50

Bayuday kë başë wuuk wal mënţ baaţ bayok baloŋ bandëmanuŋ Naşibaţi, na bantohi biki ubeeka, kë baklaţ Pawulu na Barnabaŧ. Kë bawuuk bañaaŋ kë bakak ahajan baka, adoo dook baka ţi uŧaak.

Ulemp 14:1

Du ubeeka wi Ikoniyom kak bi Pawulu na Barnabaŧ baya, aneej du katoh kañehanaani ki bayuday aţiiniyaan uţup wi Naşibaţi bnuura, jibi babiiŋ ado ; kë bañaaŋ baŧum, bayuday na banwooŋ baanwo bayuday, bafiyaari.

Ulemp 14:4

Bañaaŋ biki ubeeka bŧi bakak apaţ, baloŋ bawo na bayuday kë baloŋ bawo na banjañan.

Ulemp 15:22

Ukaaŋ kë banjañan, na baweek na banfiyaaruŋ bŧi, başë wat ţi ploolan, adat baloŋ ţi baka, kë bagakandër na Pawulu na Barnabaŧ, aya kayili du Antiyoka. Badat Yudaŧ, andu'aniiŋ Barŧabaaŧ, na Ŧilaŧ, biinţ banŧiinkaniiŋ ţi banfiyaaruŋ.

Ulemp 15:27

Ukaaŋ kë ŋdo Yudaŧ na Ŧilaŧ, babi baţupan bdidi baka uko wi ŋpiiŧanaŋ wi.

Ulemp 15:32

Yuda na Ŧilaŧ, bankaaŋ awo baţupar Naşibaţi baţiini na banfiyaaruŋ ajon, ahoţan baka mntëŋ maakan.

Ulemp 15:40

kë Pawulu aşë dat Ŧilaŧ. Wi banfiyaaruŋ bawutanuŋ baka ţi bnuura bi Ajugun, kë başë ya.

Ulemp 16:3

Pawulu, kë aşë ŋal agakandër na a, aşë do kë bawalana kaŧëmp, ţiki bayuday banfëţuŋ da, bame kë aşin awo nagrek.

Ulemp 17:10

Wi uŧejan ubanaŋ ban, kë banfiyaaruŋ başë do bi Pawulu na Ŧilaŧ kë baya ubeeka wi Bereya. Wi babanuŋ da, aşë ya du katoh kañehanaani ki bayuday.

Ulemp 17:12

Baŧum ţi baka, na ţi bagrek, baaţ bammeeţaniiŋ na biinţ, bafiyaar hënkuŋ.

Ulemp 17:14

Ţi dko mënţ, banfiyaaruŋ bado Pawulu kë aya umbaŋ wi bdëk bweek, bi Ŧilaŧ na Timote kë başë duka Bereya.

Ulemp 17:17

Ukaaŋ kë aji ŧeŋ du katoh kañehanaani na bayuday biki kabuka, na bankakuŋ bayuday bandëmanuŋ Naşibaţi, akak aji ŧeŋ bţup na bañaaŋ bankţëpnuŋ du ufeeru ŋnuur bŧi.

Ulemp 17:34

Bañaaŋ baloŋ baţaşa, akak afiyaara. Diyoniŧiyuŧ, aloŋ ţi bawayëş bţup, awo ţi bakaŋ mënţan, na ñaaţ aloŋ kak i bajaaŋ bado Damariŧ, na bañaaŋ baloŋ kak.

Ulemp 18:4

Unuur wi pnoorfën bŧi, aji ţëlşër na bañaaŋ du katoh kañehanaani ki bayuday, kado na pdo bayuday na bagrek, bafiyaar Yeŧu.

Ulemp 19:10

Ado haŋ, ajukan ŋşubal ŋtëb, ukaaŋ kë bañaaŋ bŧi biki uŧaak wi Aŧiya, bayuday na bagrek, bahil aŧiink uţup wi Ajugun.

Ulemp 2:44

Banfiyaaruŋ Yeŧu bŧi bakak aţok iko yi bakaaŋ bŧi.

Ulemp 21:28

Wi bamobuluŋ aşë huuran aji : « An bañaaŋ biki Iŧrayel naţënkun ! Ñiinţ anjaaŋ aţup wi nja uwuţaan ţi bañaaŋ na dko, ţi Bgah bi Moyiŧ na ţi Katoh ki Naşibaţi ki, awi. Adoo beeh beeh aţij baloŋ banwooŋ baanwo bayuday ţi katoh ki, aţopan dko dyimanaan di. »

Ulemp 28:24

Baloŋ ţi baka bafiyaar uko wi aţupuŋ, kë baloŋ baanfiyaari.

Ulemp 4:23

Wi bawutanaaruŋ wutan Ŧimoŋ Piyeer na Yowan, kë başë wugşa, akak du baŧënţ baka aya kakalëş iko bŧi yi baţeŋan baweek na bantohi bajakuŋ na baka.

2 Korinŧ 8:5

Uko wi bawuluŋ udoo ţëp uko wi ŋhaţuŋ : badun awul Ajugun ŋhaaş ŋi baka akuţ awulun ŋa, ado wal mënţ uko wi Naşibaţi aŋaluŋ.