Ulemp 15:2 - Mankanya

² Pawulu na Barnabaŧ balaţ baka, kë pŋom pweek paşë wo. Bañaaŋ kë başë ŧiinkar aji na Pawulu na Barnabaŧ, na bañaaŋ baloŋ biki Antiyoka, baya Yeruŧalem, baţiiniyaan uko mënţ na banjañan na bantohi.

Ulemp 15:2 Iomraidhean Croise

Ppën 18:23

Woli ido haŋ kë uwo uko wi Naşibaţi ajakiiŋ ido, khil kanoorfën, bañaaŋ bŧi kaŧiinkar kaţiiş itoh yi baka. »

Ulemp 10:23

Ŧimoŋ Piyeer aneejan baka ţi katohul, ado baka kë bawo bayaanţ biki nul. Wi nfa mambanuŋ, kë Ŧimoŋ Piyeer aşë gakandër na baka, ul na bañaaŋ baloŋ biki Yope banfiyaaruŋ Yeŧu.

Ulemp 11:12

Uhaaş wi Naşibaţi kë uşë jakën wutan kaţaaf nin ukoolan, yaan na baka. Bañaaŋ banfiyaaruŋ paaj kë bagakandër na nji kë ŋya du uko Korneliyuŧ.

Ulemp 11:30

Kë hënk di di badoluŋ, Barnabaŧ na Ŧawul kë baya wul baweek biki pnŧuk pi banfiyaaruŋ itaka yi bajuntuŋ.

Ulemp 15:25

Ukaaŋ kë ŋyitiir awat ţi ploolan, adat bañaaŋ baloŋ babi du an. Bañooţan Barnabaŧ na Pawulu banwooŋ bañaaŋ biki ŋmaganuŋ maakan,

Ulemp 15:27

Ukaaŋ kë ŋdo Yudaŧ na Ŧilaŧ, babi baţupan bdidi baka uko wi ŋpiiŧanaŋ wi.

Ulemp 15:4

Wi babanuŋ Yeruŧalem, banfiyaaruŋ, na banjañan na bantohi, babi akit baka, kë başë kakalëş baka jibi Naşibaţi aţëpnuŋ ţi baka, ado iko iŧum.

Ulemp 16:4

Wi bakyaaŋ, baţup na ŋbeeka abot aji na banfiyaaruŋ bado kado uko wi banjañan na bantohi du Yeruŧalem bajakuŋ.

Ulemp 21:18

Unuur utëbanţën, kë Pawulu aşë bi na un, kë ŋya uko Yakob. Dul di di bantohi biki pnŧuk pi banfiyaaruŋ bŧi bayituŋ.

1 Korinŧ 1:1

Nji Pawulu, i Naşibaţi aduuŋ pa nwo nanjañan i Yeŧu Kriŧtu, ţiki aŋaluŋ uko mënţ, na Ŧoŧen ayiţ nja, ŋpiiŧanaŋ.

2 Korinŧ 11:5

Kë nşë fiyaar kë mëmpoţëţ nin apel banjakuŋ haŋ aji bawo banjañan baweek maakan.

Galaŧiya 2:5

Ŋëndinan nin uyaaş uloolan uko wi bakţupuŋ, kahilna kamëban pa an manjoonan, manwooŋ Uţup Ulil Unuura.

Yud 1:3

An biki nŋaluŋ maakan, dbi ţu uşal maakan ţi ppiiŧan ţi uko wi mbuur mi ŋţokuŋ. Kë nşë win hënkuŋ kë dwo i kapiiŧan katëŋţënan nado kagutan, uko wi Naşibaţi aţenuŋ byaaş bloolan bañaaŋ banwooŋ biki nul bafiyaar uhilna uduka te mnţo.