14 Yoŧef alut amook Benyamin, kë bakwooni bukal batëb bŧi.
Abi amook Rakel aşë jun ŋwooni.
Eŧawu aţi aya ayit na a, alut amooka, kë başë wo ţi ŋwooni.
Yoŧef aya alow aşë wooni. Wi akakuŋ, aţiini na baka aşë do kë bamob Ŧimeoŋ atan ţi kadun ki baka.
Aŧaran apën ţiki pñaak paţi na a, kë mnkuul mañogi. Aya aneej du meeţ di nul aşë jun ŋwooni.
Akak aya amook babuk aşin bŧi aşë wooni, wi ayompuŋ kë başë ţëlşër na a.
Awooni wal mënţ ado pdiim kë banwooŋ bdig badoo ŧiink. Uko unţëpuŋ wuŋ uya adoo ban du katoh ki Farawuna.
kë Yoŧef aşë tan ukaaru wi umpëlënŧ ujaaŋ upul, apaya ţi wa aşë ya pyit na Iŧrayel aşin. Wi awinaaruluŋ win, alut amooka aşë wooni ajon.
Kë hënk di aŧooluŋ pkak du aşin. « Ahum nlowi, kë aşin aşë wina, abot añagi'a ; aţiira, ajotna, amooka bnuura.
Baantiti, baanji bado uko wi bajakuŋ aji bado, bajën ŋhaaş abot awo baanji bañaga baŧënţ baka.
