Ujuni 4:2 - Mankanya

² Akak abuk napoţ ñiinţ, Abel. Abel awo nayafan, kë Kayin aşë wo najaar.

Ujuni 4:2 Iomraidhean Croise

Ujuni 3:23

Kë Naşibaţi Nawat Kabuka aşë dooka ţi uwoorta wi Eden ado kajaar mboş mi bapënanaanuluŋ.

Ujuni 37:13

Yakob aşin i bakakuŋ ado Iŧrayel aji na Yoŧef : « Babuk şaaş bawo du byafan du Ŧikem. Biin dyilu du baka. » Kë aŧeem aji : « Nji wi. »

Ujuni 4:1

Wi iko yaŋ iţëpuŋ, Adam ameer na Ewa aharul ; kë awo na kayiŋ, abuk Kayin aşë ji : « Yawe Nawat Kabuka ado kë mbuk ñiinţ »

Ujuni 4:3

Wi bayaaŋ aban ţuŋ, kë Kayin aşë ţij ŋdeey ŋi apënanaanuŋ ţi mboş aţeŋan Nawat Kabuka.

Ujuni 47:3

Kë uŋ ahepar baka : « We uwooŋ ulemp wi nan ? » Kë baŧeem aji : « Balemparu bawo bayafan ji başin baka. »

Ujuni 9:20

Nowe anwooŋ najaar, ado uţeeh aŧepi mnko manjaaŋ mandolna ubiñu.

Ppën 3:1

Moyiŧ akak hënkuŋ ayafan ŋkaneel na ŋpi ŋi Yetro ayootanul naţeŋan i uŧaak wi Madiyan. Unuur uloŋ wi añooţuŋ batani aţëp pndiiş, aşë ban du pnkuŋ pweek pi Naşibaţi, pi bajaaŋ badu Horeb.

Luk 11:50

Kawuuŋ ki keeri kaţop na pñaak pi baţupar Naşibaţi bŧi pi batuluŋ du wi umundu uwoonuŋ.

Luk 11:51

Baluŋ kahepna ţi pkeţ pi Abel te kaban du pkeţ pi Ŧakariya i bafiŋuŋ ţi dko danwooŋ ţi pŧoof pi umeeşa wi bţeŋan na dko dyimanaan di Katoh Kaweek ki Naşibaţi. Aa, dţupan, kawuuŋ ki kaluŋ kahepna ţi uko waŋ.

Yowan 8:44

Nawo babuk Unŧaayi Uweek kë iko yi aşinan aŋaluŋ yi yi najaaŋ naŋal kado kado. Du ujuni adobi woha wo nafiŋ bañaaŋ, nin aanji ţup manjoonan, ţiki manjoonan maanwo ţi a. Woli aţilan aji do uko wi awooŋ, ţiki awo naţilan abot awo aşin baţilan.

1 Yowan 3:10

Uko umpaţşuŋ babuk Naşibaţi na biki Unŧaayi Uweek wii wi : ñaaŋ anwooŋ aanwo naŧool këme awo aaŋŋal ayiţul ţi Kriŧtu aanwo i Naşibaţi.

1 Yowan 3:12

Ŋënwo kado ji Kayin anwooŋ i Unŧaayi Uweek, afiŋ aţa'ul. Kë we ukaaŋ kë afiŋ aţa'ul ? Aji do buţaan kë aţa'ul aşë ji do iko inwooŋ iŧool.

1 Yowan 3:15

Ñaaŋ anşooruŋ ayiţul ţi Kriŧtu awo nafiŋ bañaaŋ ; kë naşë me kë bafiŋ bañaaŋ baanji baka ubida wi mnţo.