Ujuni 26:3 - Mankanya

³ Ţoon ţi uŧaak wi, dwo na iwi kabot kawulu bnuura. Aa, dwulu mboş mi ŋŧaak ŋi bŧi iwi na pntaali pankpënnuŋ ţi iwi. [Hënk] ddo wal mënţ kahoŋ ki mbiiŋ ado Abraham şaaş.

Ujuni 26:3 Iomraidhean Croise

Ujuni 12:7

Kë Yawe Nawat Kabuka aşë pën awinana ţi kadun ki Abram aji : « Dluŋ kawul pntaali pi nu uŧaak wi. » Wi wi Abram aşaaŋ ado bliit bi mngur kado kaţeŋanaan Nawat Kabuka ampënuŋ awinana ţi kadunul.

Ujuni 13:15

Uŧaak wi ikwinuŋ wuŋ bŧi dwulu wa, iwi na pntaali pankpënuŋ ţi iwi te mnţo.

Ujuni 13:17

Naţiin iñaay na uŧaak bŧi ţiki dluŋ kawulu wa. »

Ujuni 15:18

Kë unuur mënţ, Nawat Kabuka ado bhoŋar na Abram, aji na a : « Dluŋ kawul mboş mi pntaali pampënuŋ ţi iwi, kapënna bdëk bi Ejiptu, te kaban bdëk bweek bi Ewufrat.

Ujuni 17:19

Kë Naşibaţi aşë ŧeema aji : « A-a, Ŧaara aharu abukaru napoţ ñiinţ, i ikluŋ kaţu katim ki Iŧaak. Dluŋ kado bhoŋar na a te mnţo, kado ba na pntaali pankpënnuŋ ţi a.

Ujuni 17:8

Mboş mi Kanaan bŧi mi iwooŋ nţa nayaanţ ţi ma, dluŋ kawulu ma ika te mnţo, iwi na pntaali pankmbiiŋ ţi kafeţu, dluŋ kawo Naşibaţi i baka. »

Ujuni 20:1

Abraham apënna du umbaŋ wi Mamre aya du uŧaak wi Negeb afëţ ţi pŧoof pi ŋbeeka ŋi Kadeş na Şur. Abi ya pyaanţ du Gerar.

Ujuni 25:11

Wi Abraham akeţuŋ, Naşibaţi awul Iŧaak anfëţuŋ du kañog pliik pi Lahay-Roy bnuura.

Ujuni 26:12

Iŧaak ajaar ţi uŧaak wuŋ aşë kit uşubal mënţ, ŋyaaş iñeen week uko wi aŧepiiŋ. Nawat Kabuka awula bnuura,

Ujuni 26:14

Aka itani yi ŋnŧaam ŋmpoţi na yi ŋnŧaam ŋweek, abot aka balemp baŧum. Kë bafiliŧteŋ başë kak akuja.

Ujuni 26:24

Kë Yawe Nawat Kabuka aşë pën awinana ţi uŧejan mënţ aji na a : « Nji dwooŋ Naşibaţi i Abraham şaaş ajaaŋ adëman, wutan kalënk, dwo na iwi. Dwulu bnuura kabot kado pntaali pankpënnuŋ ţi iwi paŧum, ţiki dleş Abraham nalempar naan. »

Ujuni 28:13

Kë Yawe Nawat Kabuka aşë pën awinana aji : « Nji dwooŋ Yawe Nawat Kabuka, Naşibaţi i Abraham ateemu na Iŧaak bajaaŋ badëman. Mboş mi ipiinţuŋ mi dwulu ma iwi na pntaali pankpënnuŋ ţi iwi.

Ujuni 28:15

Tenan, dwo na iwi kayeŋu du dko bŧi di ikyaaŋ, dluŋ kakakanu kak ţi uŧaak wi. Mënkwutanu, ddo uko bŧi wi nhoŋiiŋ. »

Ujuni 31:3

Kë Yawe Nawat Kabuka aşë ji na a : « Kakan du uŧaak wi başinu, du bayiţu, nji dwo na iwi. »

Ujuni 35:12

Uŧaak wi nwuluŋ Abraham na Iŧaak dwulu wa, kabot kawul pntaali pankmbiiŋ ţi kafeţu apënna ţi iwi uŧaak wi. »

Ujuni 39:2

Kë Yawe Nawat Kabuka aşë wo na Yoŧef, kë iko bŧi yi ajaaŋ aţu kañeen iji iţëp bnuura. Afëţ du uko Potifar i uŧaak wi Ejiptu.

Ujuni 39:21

Kë Yawe Nawat Kabuka aşë wo na a, awula bnuura abot adola kë awinana bnuura ţi këş ki naweek i ukalabuş.

Ujuni 48:21

Iŧrayel akak aji na Yoŧef : « Nji wi, dban ţi pkeţ, kë Naşibaţi aşë wo na an, aluŋ kakakanan du uŧaak wi başinan.

Ujuni 50:24

Unuur uloŋ, Yoŧef aji na babuk aşin : « Dñogan pkeţ, kë Naşibaţi aşë bi ţi an kapënanan ţi uŧaak wi, kañooţan du uŧaak wi abiiŋ amehna ahoŋ bi Abraham, Iŧaak na Yakob. »

Kañaam 32:8

Ijakën aji : « Dluŋ kajukanu, kayuuju bgah bi iwooŋ kaţaş ; dluŋ kado kaţaŋu, kawuli'u.

Kañaam 39:12

Iji kjukan ñaaŋ wi ajubanuŋ kë ikoba. Iji kŧok uko wi aŋalnuŋ jibi ubob ujaaŋ uŧok imişa. Aa, ñaaŋ najën andoli awo wo ji uyook. Pnaţ ntiinku

Ppën 2:24

Naşibaţi aŧiink mnţëg mi baka aşë leş bhoŋar bi adoluŋ na Abraham, Iŧaak na Yakob.

Ppën 3:12

Kë aşë ŧeema aji : « Dwo na iwi. Dţupu uko wi kayuujnu kë nji ţi uleef naan dyiliiŋ : woli iluŋ apënan bañaaŋ biki Iŧrayel du Ejiptu, naluŋ kadëmanaanën ţi pnkuŋ pi. »

Ppën 6:4

Ddo bhoŋar na baka aji dwul baka uŧaak wi Kanaan, uŧaak wi babiiŋ awo ţfa bayaanţ.

Ppën 6:7

Ddolan nawo pntaali pi naan, nji nşë wo Naşibaţi i nan. Name wal mënţ kë nji dwooŋ Nawat Kabuka, Naşibaţi i nan ankpënananaŋ ţi ŋlemp ŋi biki Ejiptu baţu'anaŋ.

Ppën 6:8

Dñooţan du mboş mi mehniiŋ aji dwul ma Abraham, Iŧaak na Yakob, nji Nawat Kabuka, dwulan ma manwo mi nan.” »

Filipiya 4:9

Uko wi najukuŋ ţi nji, wi nayeenkuŋ abot aŧiink ţi nji, wi nawinnuŋ kë nji kado, iko mënţ bŧi nadooŋ kado ya. Hënk, Naşibaţi anjaaŋ ajoobţën ŋhaaş awo na an.

Bahebërë 11:9

Ţi pfiyaar mënţ aya awo ji nayaanţ du uŧaak wi Naşibaţi ahoŋuluŋ, afëţ ţi iloona. Iŧaak na Yakob bado haŋ kak, wi Naşibaţi ahoŋuŋ baka uŧaak mënţ ji a.

Bahebërë 6:17

Hënk di Naşibaţi, wi aŋaluŋ pdiiman banwooŋ i kayeenk iko yi ahoŋuŋ kë uko wi ajakuŋ aji ado wa, amehnaa.