Ujuni 24:7 - Mankanya

⁷ Nawat Kabuka Naşibaţi ampënanaanuŋ du katoh ki paapa na du uŧaak wi bayiţ naan, anjaknuŋ abot amehna aji aluŋ kawul pntaali pi naan mboş mi, aluŋ kayil uwanjuŧ wi nul ţi kadunu, ijejna ñaaţ i uŧaak naan pa abuk naan.

Ujuni 24:7 Iomraidhean Croise

Ujuni 13:15

Uŧaak wi ikwinuŋ wuŋ bŧi dwulu wa, iwi na pntaali pankpënuŋ ţi iwi te mnţo.

Ujuni 15:18

Kë unuur mënţ, Nawat Kabuka ado bhoŋar na Abram, aji na a : « Dluŋ kawul mboş mi pntaali pampënuŋ ţi iwi, kapënna bdëk bi Ejiptu, te kaban bdëk bweek bi Ewufrat.

Ujuni 16:7

Uwanjuŧ wi Nawat Kabuka uyit na Hagar du kañog pliik ploŋ panwooŋ du pndiiş, pliik mënţ pawo ţi bgah bi Şur.

Ujuni 17:8

Mboş mi Kanaan bŧi mi iwooŋ nţa nayaanţ ţi ma, dluŋ kawulu ma ika te mnţo, iwi na pntaali pankmbiiŋ ţi kafeţu, dluŋ kawo Naşibaţi i baka. »

Ujuni 21:17

Naşibaţi aŧiink napoţ kë akwooni, kë uwanjuŧ wi nul uşë duuna Hagar du baţi aji na a : « Hagar, we wa ba ? Klënk, Naşibaţi aŧiink ŋwooni ŋi napoţ du dko di ibëkanuluŋ.

Ujuni 22:11

Kë uwanjuŧ wi Yawe Nawat Kabuka uşë duuna du baţi aji na a : « Abraham ! Abraham ! » Kë aŧeem aji : « Nji wi ! »

Ujuni 24:3

Mehniin ţi kadun ki Nawat Kabuka Naşibaţi anţakuŋ baţi na mboş, iji iinkluŋ kalaar abuk naan napoţ ñaaţ ţi biki Kanaan biki nfëţuŋ ţi pŧoof pi baka ţi.

Ujuni 24:40

« Kë aŧeem aji : “Nawat Kabuka i njaaŋ kaţaş aluŋ kayil uwanjuŧ wi nul, uţiju te du dko di njakuŋ işë idat wal mënţ ñaaţ pa abuk naan ţi bayiţ naan, du katoh ki paapa.

Ujuni 26:24

Kë Yawe Nawat Kabuka aşë pën awinana ţi uŧejan mënţ aji na a : « Nji dwooŋ Naşibaţi i Abraham şaaş ajaaŋ adëman, wutan kalënk, dwo na iwi. Dwulu bnuura kabot kado pntaali pankpënnuŋ ţi iwi paŧum, ţiki dleş Abraham nalempar naan. »

Kañaam 103:20

An ŋwanjuŧ ŋi nul ŋankaaŋ mnhina abot aji ŋado ţi dko mënţ uko wi ajakuŋ : nabeeban Nawat Kabuka !

Kañaam 136:26

Nabeeban Naşibaţi, uŋal wi nul uunji uba !

Kañaam 32:8

Ijakën aji : « Dluŋ kajukanu, kayuuju bgah bi iwooŋ kaţaş ; dluŋ kado kaţaŋu, kawuli'u.

Ppën 13:5

Wal wi Nawat Kabuka akluŋ kaneejanan du uŧaak wi amehniiŋ du bateeman aji awulan wa, nado kaţaş udolade wi ţi pli pi. Uŧaak mënţ unwooŋ wi biki Kanaan, wi bahitit, bahamorit, bahiwit na bayebuŧit bafëţuŋ, uŧaak unŧumi mntow na mnob. »

Ppën 32:13

Leşan Abraham, Iŧaak, na Iŧrayel balemparu biki imehniiŋ aji na baka : “Ddo bañaaŋ bankpënnuŋ ţi an baŧum ji ŋjah ŋi baţi. Dwul bañaaŋ bankpënnuŋ ţi an uŧaak bŧi wi nţiiniyaanuŋ na an, uwo wi baka te mnţo.” »

Ppën 33:2

Ddo uwanjuŧ ujotan kadun, kaşë kadook biki Kanaan, bahamorit, bahitit, baperiŧit, bahiwit na bayebuŧit.

Yonaŧ 1:9

Kë aŧeem aji : « Dwo nahebërë, dji kadëman Yawe Nawat Kabuka, Naşibaţi ampaşuŋ bdëk na mboş. »

Ulemp 7:5

Aanwula nin ufëţ, nin dko dpaf kahoţ du uŧaak mënţ, aşë hoŋa aji aluŋ kawo ajug uŧaak mënţ ul na pntaali pi nul. Wal wi Naşibaţi akdooŋ kahoŋ mënţ, Abraham ahum aandobi buk.

Bahebërë 1:14

Ŋwanjuŧ bŧi ŋawo wo ŋhaaş ŋanklemparuŋ Naşibaţi. Ayil yil ŋa ŋabi pţënk banwooŋ i kabuur te mnţo.

Bahebërë 11:9

Ţi pfiyaar mënţ aya awo ji nayaanţ du uŧaak wi Naşibaţi ahoŋuluŋ, afëţ ţi iloona. Iŧaak na Yakob bado haŋ kak, wi Naşibaţi ahoŋuŋ baka uŧaak mënţ ji a.

Uko wi ayuujuŋ Yowan 11:13

Wal mënţan wuŋ, mboş manşinţar maakan, kafah kaloŋ ţi iñeen yi ubeeka kaşë jot ; bañaaŋ iñeen-week ŋyaaş iñeen paaj na uloŋ (7000) bakeţ ţi kaţaafa mënţ. Bandukiiŋ balënk maakan aşë dëman Naşibaţi anwooŋ baţi.