Ujuni 22:11 - Mankanya

¹¹ Kë uwanjuŧ wi Yawe Nawat Kabuka uşë duuna du baţi aji na a : « Abraham ! Abraham ! » Kë aŧeem aji : « Nji wi ! »

Ujuni 22:11 Iomraidhean Croise

Ujuni 16:7

Uwanjuŧ wi Nawat Kabuka uyit na Hagar du kañog pliik ploŋ panwooŋ du pndiiş, pliik mënţ pawo ţi bgah bi Şur.

Ujuni 21:17

Naşibaţi aŧiink napoţ kë akwooni, kë uwanjuŧ wi nul uşë duuna Hagar du baţi aji na a : « Hagar, we wa ba ? Klënk, Naşibaţi aŧiink ŋwooni ŋi napoţ du dko di ibëkanuluŋ.

Ujuni 21:18

Jejana ibot imëbana bnuura ţiki ddo babukul baŧum, bawo pntaali pweek. »

Ujuni 22:1

Wi iko yaŋ iţëpuŋ, Naşibaţi aŋal pten me Abraham afiyaara kado uko wi akjakuluŋ aşë ji na a : « Abraham. » Kë aŧeem aji : « Nji wi. »

Ujuni 22:10

Aŧoolan kañen ajej umbañ kafiŋna abukul.

Ujuni 22:12

Kë uşë ji na a : « Kdeeŋ kañen ţi napoţ ! Kdola nin buţaan ! Dme hënkuŋ kë iji kŧiink Naşibaţi : Idinan pwulën abuku aloolan ţañ i ikaaŋ. »

Ujuni 22:16

aji na a : « Dmehna ţi bkow naan, nji Nawat Kabuka aji : jibi idoluŋ uko wi, adinan pwulën abuku aloolan ţañ i ikaaŋ,

Ujuni 24:7

Nawat Kabuka Naşibaţi ampënanaanuŋ du katoh ki paapa na du uŧaak wi bayiţ naan, anjaknuŋ abot amehna aji aluŋ kawul pntaali pi naan mboş mi, aluŋ kayil uwanjuŧ wi nul ţi kadunu, ijejna ñaaţ i uŧaak naan pa abuk naan.

Ujuni 31:11

Kë uwanjuŧ wi Naşibaţi udu'ën aji : “Yakob,” kë nŧeem aji : “Nji wi.”

Ujuni 37:13

Yakob aşin i bakakuŋ ado Iŧrayel aji na Yoŧef : « Babuk şaaş bawo du byafan du Ŧikem. Biin dyilu du baka. » Kë aŧeem aji : « Nji wi. »

Ujuni 46:2

Na uŧejan mënţ, Naşibaţi aţiini na Iŧrayel ţi ŋţaafi aji na a : « Yakob, Yakob » kë aŧeem aji : « Nji wi. »

Ppën 3:2

Ţi dko mënţan duŋ di di uwanjuŧ wi Yawe Nawat Kabuka upënuŋ awinana ţi kadunul ţi kandemënt ki bdoo awo ţi bgof bloŋ meeţ. Moyiŧ awin bgof banwooŋ na bdoo aşë wo baankyik,

Ppën 3:4

Nawat Kabuka awin kë akñog pya katen, aşë duuna du bgof meeţ aji : « Moyiŧ, Moyiŧ ! » Kë aŧeem aji : « Nji wi. »

Ulemp 26:14

Hënk, kë ŋpën bŧi ajot ţi mboş. Kë nşë ŧiink pdiim ploŋ kë pakţiini na nji na uţup uhebërë aji : “Ŧawul, Ŧawul, we ukaaŋ kë ikhajanaan ba ? Ibaa noor we atootar ji upatar wi ajug wa akwuukuŋ na pfeeru pjul.”

Ulemp 9:4

Kë aşë jot ţi mboş aşë ŧiink pdiim ploŋ kë pakjaka aji : « Ŧawul, Ŧawul, we ukaaŋ kë ikhajanaan ba ? »