Ujuni 11:7 - Mankanya

⁷ Ŋwala hënkuŋ ŋhoŧan uţup wi baka bawut kado kaŧiinkar. »

Ujuni 11:7 Iomraidhean Croise

Ujuni 1:26

Naşibaţi aji : « Nawulan ŋdo ñaaŋ anaamun, awo ji un, aşih ŋţëb ŋi bdëk, ŋkaŧ ŋi baţi, ŋnŧaam ŋi katoh, na ŋko bŧi ŋanjaaŋ ŋapula ţi mboş. »

Ujuni 10:20

Bukuŋ bawooŋ babuk Ham, baji bawayşër kawo bandoli na pntaali pi baka na uŧaak wi baka na uţup wi baka.

Ujuni 10:32

Bukuŋ bawooŋ pntaali pi babuk Nowe, baji bawayşër kawo bandoli na pntaali pi baka na uŧaak wi baka. Du bukal di di bañaaŋ bajunnuŋ pwayşër aniink mboş wi uşubal uweek uţëpuŋ.

Ujuni 10:5

Du bukal di di bañaaŋ banwayşëruŋ afëţ añog idëk bawoonuŋ. Bukuŋ bawooŋ babuk Yafet, baji bawayşër kawo bandoli na pntaali pi baka na uŧaak wi baka na uţup wi baka.

Ujuni 11:5

Kë Yawe Nawat Kabuka aşë wala ţi mboş pten ubeeka na katoh kaweek ki ŋşoobra ki bañaaŋ bajën bawooŋ ţi pniw,

Ujuni 3:22

Wi wi aşaaŋ aji : « Hënkuŋ ñaaŋ akak ji nja, kame bnuura na buţaan ! Awutan hënkuŋ katar kañen, kamar kak ţi bko bi ubida kakaana ubida wi mnţo ! »

Ujuni 42:23

Baamme kë Yoŧef ate uko wi bajakuŋ, ţiki ado ñaaŋ aloŋ kë aji ţëlëş na uţup wi Ejiptu uko wi bajaaŋ baţup na uhebërë.

Kañaam 2:4

Kë Anţooŋ du baţi aşë ji baka, Ajugun abeŋ baka.

Kañaam 33:10

Nawat Kabuka aji naţan iko yi ŋŧaak ŋakdoluŋ ; aji neenan bañaaŋ biki ŋŧaak pdo iko yi başaluŋ pdo.

Ppën 4:11

Kë aŧeem aji : « In awuluŋ ñaaŋ mntum ba ? In ajaaŋ ado ñaaŋ abiiş bţup këme adënëm ba ? In ajaaŋ ado ñaaŋ awin këme akuulaţ ? Mënţ nji Nawat Kabuka a i ?

1 Korinŧ 14:23

Natenan ten, woli banfiyaaruŋ Kriŧtu bŧi bayit aşë ţiini bukal bŧi na ŋţup ŋi baţi, woli banwooŋ bayaanţ banwooŋ baando bi fiyaar Kriŧtu baneej ţi dko mënţ, naşal aji baankji nayilaa i ?