Rut 4:11 - Mankanya

¹¹ Kë bantohi na bañaaŋ bŧi banwooŋ du plëman kë baŧeem aji : « Ŋwo bamaar », aşë ñehan aji : « Ŋñehan Yawe Nawat Kabuka ado ñaaţ ankneejuŋ du katohu anaam ji bi Rakel na Leya, banŧumanuŋ pntaali pi Iŧrayel bukal batëb ţañ. Nawat Kabuka aţenu inaţ iliinŧ ţi Efrata ibot imeeţana ţi Betleyem.

Rut 4:11 Iomraidhean Croise

Ujuni 23:10

Kë Efron aşë ţo ţi pŧoof pi bahitit baŧënţul wal mënţ. Aŧeem Abraham ţi kadun ki bahitit bŧi banwooŋ du bayiti aji na a :

Ujuni 24:60

Bañehandër Rebeka bnuura aji na a : « Iwi aţa'un, yaan ibuk bapoţ baŧum maakan babuku baji bawat başoorad baka kajej ŋbeeka ŋi baka. »

Ujuni 29:16

Kë Laban aşë ka bapoţ baaţ batëb : katim ki naŧeek kawo Leya kë ki nabaaşa kawo Rakel.

Ujuni 29:25

Wi nfa mambanuŋ kë Yakob aşë win kë Leya i i afëranaanuŋ aşë ya aji na Laban : « We wi idolnuŋ hënk ba ? Mënţ Rakel akaaŋ kë nleemparu i ? We ukaaŋ kë idaarën ba ? »

Ujuni 29:32

Leya amobana kayiŋ aşë buk napoţ ñiinţ i aţuuŋ katim ki Ruben, ţiki aji : « Nawat Kabuka awin pñagan pi naan, hënkuŋ ayin naan aŋalën. »

Ujuni 35:23

Biinţ biki abukuŋ na Leya bawo : Ruben bajeenul, Ŧimeyoŋ, Lewi, Yuda, Iŧaakar, na Ŧabulon.

Ujuni 35:24

Kë biki abukuŋ na Rakel bawo : Yoŧef na Benyamin.

Maci 2:6

“Iwi Betleyem, mboş mi uŧaak wi Yuda mënţ iwooŋ ufëţ umpoţëţaanuŋ ţi Yuda ; ţi iwi di naşih akpënnuŋ ul akwooŋ nayafan i Iŧrayel, pntaali pi naan.” »

Rut 1:2

Katim ki ñiinţ mënţ kawo Elimelek, ki aharul kë kawo Nowemi, yi babukul kë iwo Mahlon na Kiliyon. Bawo bañaaŋ biki Efrata banwoonuŋ Betleyem du uŧaak wi Yuda. Wi babanuŋ du uŧaak wi Mowab aşë fëţ da.