Maci 3:2 - Mankanya

² aji na bañaaŋ : « Nawutan pjuban, naţëlëş ŋbida, ţiki Pşih pi Baţi pañogi. »

Maci 3:2 Iomraidhean Croise

Maci 10:7

Nayaan naţup baka kë Pşih pi Baţi pañogi.

Maci 11:20

Wal mënţ kë Yeŧu aşë wo ţi pŋoman na biki ŋbeeka ŋi adoluŋ mlagre mnŧum ţiki baanţëlëş ŋbida ŋi baka awut pjuban.

Maci 12:41

Ţi unuur wi pwayëş bañaaŋ biki Niniwe baluŋ kanaţa na bañaaŋ biki kawuuŋ ki, kadiiman baka kë baduknaana, ţiki bawut pjuban wi baŧiinkuŋ uţup wi Yonaŧ ! Kë aloŋ aşë wo ţi ampeluŋ Yonaŧ !

Maci 13:11

Kë aşë ji na baka : « An, baţenan kë name iko injoonanuŋ yi Pşih pi Baţi inwooŋ iimmeeţanaa, kë bandukiiŋ, baanţen baka wa.

Maci 13:24

Yeŧu akak ahoñ na baka aji : « Natenan uko wi Pşih pi Baţi panaamuŋ : Pawo ji ñiinţ anŧepiiŋ ŋdeey ŋnuura du uţeehul.

Maci 13:31

Yeŧu akak ahoñ na baka aji : « Pşih pi Baţi panaam na pbuk pmpoţi pi ñaaŋ ajejuŋ aŧepi du uţeehul.

Maci 13:33

Yeŧu akak aţup na baka ţi uhoñ aji : « Pşih pi Baţi panaam na bko bntiinku bi ñaaţ ajejuŋ anaakrën na pşon pŧum, kë pataaj bŧi. »

Maci 13:47

Yeŧu aji na baka : « Pşih pi Baţi pakak anaam na bridiya bi bafëluŋ du bdëk kë baţij ŋţëb ŋŧum.

Maci 13:52

Kë aşë ji na baka : « Kë hënk najukan Bgah anjukuŋ uko wi Pşih pi Baţi abot aţaş uko wi ujakuŋ anaam na ajug katoh anjaaŋ ajejna ţi bka bi nul uko uhalu na ujon. »

Maci 18:23

« Hënk di Pşih pi Baţi pawooŋ : pawo ji uko wi naşih anŋaluŋ pten jibi balemparul badoluŋ na itaka yi nul.

Maci 20:1

Yeŧu akak aji ţi uko waŋ : « Pşih pi Naşibaţi pawo wo ji uko wi ajug uţeeh ampënuŋ na nfa kub ala balemp pa uţeeh wi nul.

Maci 22:2

Pşih pi Baţi panaam ji uko wi naşih anduuŋ bañaaŋ pyoban ţi bniim bi abukul.

Maci 23:13

Yeŧu akak aji : « Nawuţani an bajukan Bgah na an bafariŧay an nanwooŋ balagare, nanjaaŋ naneenan bañaaŋ pneej du Pşih pi Baţi. Naanji naneej da an ţi ŋleefan kë naanji nawut banŋaluŋ pneej baneej !

Maci 25:1

Yeŧu akak aji na banknŧiinkuluŋ : « Kë hënk, Pşih pi Baţi paluŋ kawo ji uko wi beegani iñeen banwooŋ na ŋkaniya pya kakit naniim.

Maci 25:14

Yeŧu akak ahoñ na baka aji : « Pşih pi Baţi paluŋ kawo ji uko wi ñiinţ ankyaaŋ bayaaş, aşë du balemparul adukar baka bka bi nul.

Maci 4:17

Wal mënţan waŋ kë Yeŧu aşë jun pjukan aji : « Nawutan pjuban, naţëlëş ŋbida, ţiki Pşih pi Naşibaţi pañog pii pi. »

Maci 4:23

Yeŧu aji ñaay na uŧaak wi Galilay bŧi kajukan ţi itoh iñehanaani, kabot kaţup Uţup Ulil Unuura wi Pşih pi Baţi, kajeban mmaak bŧi na pţakëm bŧi ţi bañaaŋ.

Maci 5:10

Bañaaŋ biki bakhajanuŋ aji baţaş Naşibaţi, banuurandëni, ţiki Pşih pi Baţi pawo pi baka.

Maci 5:3

« Bañaaŋ bannumiiŋ Naşibaţi ţi ŋhaaş ŋi baka banuurandëni ţiki Pşih pi Baţi pawo pi baka.

Maci 6:10

pşihu pabi, uko wi iŋaluŋ udolana ţi mboş ji du baţi.

Maci 6:33

Nawo i kaţëp ţëp duna kala pneej du Pşih pi nul na pdo uko wi ajakuŋ uwo uŧool, kaşë kayeenk kak iko mënţ bŧi.

Markuŧ 1:15

Aţiini aji : « Unuur ubani, Pşih pi Naşibaţi pañogi, nawutan pjuban, naţëlëş ŋbida, nakak nafiyaar Uţup Ulil Unuura. »

Markuŧ 1:4

Hënk di di Yowan nabatŧaar apënuŋ awinana du pndiiş aji : « Nawutan pjuban, naţëlëş ŋbida, nado batiŧmu, Naşibaţi aşë pënanan ipekadu. »

Markuŧ 6:12

Wi banjañan bayaaŋ, baţup bañaaŋ kë bawo i kawut pjuban kabot kaţëlëş ŋbida.

Luk 1:16

Aluŋ kakakan babuk Iŧrayel du Ajugun, Naşibaţi i baka.

Luk 11:20

Bë woli pkoñ pi Naşibaţi, pi pi nji kadooknuŋ ŋnŧaayi, Pşih pi Naşibaţi paban ţi an keeri.

Luk 13:3

Dţupan mënţ hënk da, nawutan pjuban, naţëlëş ŋbida këme nakeţ an bŧi ji baka.

Luk 13:5

Dţupan, mënţ hënk da, woli naanwut pjuban, aţëlëş ŋbida nakeţ an bŧi ji baka. »

Luk 15:10

Hënk di mnlilan manjaaŋ manwo ţi ŋwanjuŧ ŋi Naşibaţi pa nado buţaan aloolan anţëlşuŋ ubida. »

Luk 15:7

Kë hënk di uwohaŋ, mnlilan mnweek manwo du baţi pa nado buţaan aloolan anţëlşuŋ ubida kapel bañaaŋ baŧum banwooŋ baŧool, banwooŋ baannuma pţëlëş ŋbida. »

Luk 16:30

Kë ñiinţ nayok uŋ aji na a : “Uunkkëşa këş baka, bë woli ñaaŋ anwoonuŋ du mnkeţ aya ţup baka, bawut pjuban, kaţëlëş ŋbida.”

Luk 21:31

Kë hënk woli naluŋ awin iko yaŋ kë ibani, nameen kë Pşih pi Naşibaţi paban ţi pbi.

Luk 24:47

Bañaaŋ bawo kaţup ţi katim ki nul ţi bañaaŋ biki ŋŧaak bŧi, kajunna ţi Yeruŧalem, kaji na baka bawut pjuban, baţëlëş ŋbida, Naşibaţi ahilna amiir baka ipekadu.

Luk 6:20

Kë Yeŧu aşë kat këş aten baţaşarul aşë ji : « Nanuurandëni an nanwaaŋuŋ, ţiki Pşih pi Naşibaţi pawo pi nan.

Luk 9:2

Wi wi aşaaŋ ayil baka baya baţup uko wi Pşih pi Naşibaţi na pjeban bamaakal.

Ulemp 11:18

Wi baŧiinkuŋ haŋ aşë walan ŋhaaş, adëman Naşibaţi aji : « Manjoonan ma keeri, banwooŋ baanwo bayuday bahil kakak du Naşibaţi kakuţ kaka ubida wi manjoonan, Naşibaţi aţenuŋ baka wa. »

Ulemp 17:30

Naşibaţi aanţo aten iko yi badoluŋ ţfa ţi kapaam, aşë ji hënkuŋ, bañaaŋ bŧi, dko di bawohaŋ, bawut pjuban.

Ulemp 2:38

Ŧimoŋ Piyeer aŧeem baka aji « Nawutan pjuban, naţëlëş ŋbida, andoli ţi an aji yeenk batiŧmu ţi katim ki Yeŧu Kriŧtu, Naşibaţi ahilna amiiran ipekadu. Naşibaţi aluŋ kawulan Uhaaş wi nul.

Ulemp 20:21

Dţup bayuday na banwooŋ baanwo bayuday aji bawut pjuban, bakak ţi Naşibaţi, bafiyaar Yeŧu Ajugun.

Ulemp 26:20

Djunna Damaŧ na Yeruŧalem, abaañşaan ŋfëţ ŋi Yuda bŧi na ŋi banwooŋ baanwo bayuday. Aţup baka aji bawut pjuban bakak du Naşibaţi, bado kado iko inkyuujuŋ kë bawut pjuban.

Ulemp 3:19

Keeri nawutan pjuban, nakak du Naşibaţi ipekadu yi nan ihilna ipën.

2 Korinŧ 7:10

Na manjoonan, pjooţan pi Naşibaţi ajaaŋ aţu ñaaŋ paji pdola aţëlëş mnwo mi nul, kadola abuur, aanji dug umeli. Kë pjooţan pi uşal wi iko yi umundu paşë ji paţij pkeţ.

Koloŧ 1:13

Alëb nja ţi phina pi bdëm añooţ du pşih pi Abukul i aŋaluŋ.

2 Timote 2:25

Awo kaţiini na banklaţuluŋ na ŋţup ŋnuura kahaţ kë ulome Naşibaţi aţen baka baţëlëş ŋhaaş ŋi baka, ado baka bame manjoonan.

Bahebërë 6:1

Hënk keeri, nawulën ŋduk pjukan pŧeek ţi uko wi Kriŧtu, ŋya du pjukan panwooŋ pi banliinŧuŋ ţi pfiyaar. Ŋënkak akak ţi pjukan pŧeek mënţ, panwooŋ pi pwut pdo iko inkţijuŋ pkeţ, pi pfiyaar Naşibaţi,

2 Piyeer 3:9

Ajugun aanji jonan pdo uko wi ahoŋuŋ jibi bañaaŋ baloŋ başaluŋ. Aji miiran : aanji ŋal aloŋ ţi an aneem kaşë ŋal an bŧi naţañan pjuban, naţëlëş ŋhaaşan na manjoonan.

Uko wi ayuujuŋ Yowan 2:21

Dţena ŋnuur pa awugëş uşal kë aşë pok aduka ţi pdo iko iţop mënţ.

Uko wi ayuujuŋ Yowan 2:5

Naleşan jibi nabiiŋ awo ţfa, natenan jibi nakaki kafeţ, naţëlşan ŋhaaşan nabot nado kado jibi najaaŋ nado ţfa. Woli naando haŋ, kabi du an kapënan pfiiţi pi nan ţi dko di pawooŋ.