Filemoŋ 1:22 - Mankanya

²² Kaan ido kabomanaan meeţ, dfiyaar kë pñehan pi nakñehanuŋ Naşibaţi paţu bakakanaan hënkuŋ ţi iñeen yi nan.

Filemoŋ 1:22 Iomraidhean Croise

Ulemp 27:24

ajakën : “Pawulu, klënk ! Iwo i kawayëşa ţi kadun ki naşih najeenkal, kë Naşibaţi ţi bnuura bi nul, akdo bañaaŋ bŧi bankyaanţuŋ na iwi babuur.”

Ulemp 28:23

Hënk, kë bamëban unuur na Pawulu, kë bañaaŋ baŧum ţi baka baluŋ abi du dko di Pawulu awaliiŋ. Aţiini na baka nfa te utaakal uţup wi Pşih pi Naşibaţi. Ado na pdo baka bayikrën uko wi Yeŧu, aţëpna ţi Bgah bi Moyiŧ, na uko wi baţupar Naşibaţi bapiiŧuŋ.

Baromeŋ 15:24

dŋal kanuhşar na an. Dşal woli dluŋ aya Eŧpaña kapant kawinan naşë naţënkën nhilna mban uŧaak mënţ.

2 Korinŧ 1:11

An naţok ţi ulemp mënţ wi najaaŋ nañehandërun ; hënk, Naşibaţi aŧiink pñehan pi bañaaŋ baŧum, kawulun bnuura, uko mënţ ukaaŋ kë bañaaŋ baŧum baji babeeba.

Filipiya 1:19

dme kë uţij mbuur mi naan, ţiki nañehandëraan, kë Uhaaş wi Yeŧu Kriŧtu ubot aţënkën.

Filipiya 2:24

Nji kak dhaţ ţi Ajugun aji dbi kak du an hënkuŋ uunkjon.

Bahebërë 13:19

Dñehanan na uhaaş naan bŧi nañehandëraan nhil nŧaran ŧaran nkak du an.

Bahebërë 13:23

Dŋal name kë bawutan Timote ayiţ nja. Woli aŧar aban, kabi na a pwinan.

Yakob 5:16

Andoli keeri adoon kaţup ipekadu yi nul baŧënţul, andoli adoon kañehandër baŧënţul Naşibaţi, hënk naşë najeb. Pñehan pi naŧool paji paŧum na uforŧa.

2 Yowan 1:12

Dka iko iŧum iloŋ kak yi nwooŋ i kaţupan, aşë hokan pwo mënkpiiŧan ya. Dŋal pbi du an kaţiini ţiini na an, mnlilan mi nja manhilna manwo mnweek maakan.

3 Yowan 1:14

Dŋal pwinu win ţi uleefu ŋnuur ŋi, ŋşë ŋţiini bnuura.