Efeŧ 3:5 - Mankanya

⁵ Naşibaţi aando wa ţfa kë umeeţanaa ţi bañaaŋ jibi aţëpnuŋ ţi uhaaş wi nul ado wa kë umeeţana hënkuŋ ţi banjañan na baţuparul bayimanaan.

Efeŧ 3:5 Iomraidhean Croise

Maci 13:17

Dţupan, na manjoonan, baţupar Naşibaţi baŧum na baŧool baŧum babi ŋal pwin uko wi nakwinuŋ bë baanwin wa, akuţ aŋal pŧiink uko wi nakŧiinkuŋ bë baanŧiink wa ! »

Maci 20:7

Kë baŧeem aji nin aloŋ aanjej jej baka ulemp. « Kë aji na baka : “An kak, nayaan uţeeh.”

Maci 23:34

Waŋ ukaaŋ kë nji kayil baţupar Naşibaţi, bañaaŋ banwooŋ na uşal unŧuŋa, na bajukan : naluŋ kafiŋ baloŋ, kapaŋ ţi kruŧ, naluŋ kafud baloŋ itinŧël du itoh iñehanaani yi nan, kabot kadookar na baka na ŋbeeka.

Luk 10:24

Dţupan, baţupar Naşibaţi baŧum, na başih baŧum babi ŋal pwin uko wi nakwinuŋ bë baanwin wa, abot aŋal kaŧiink wi nakŧiinkuŋ bë baanŧiink wa. »

Luk 11:49

Ukaaŋ kë uşal unŧuŋa wi Naşibaţi uţup aji : “Dluŋ kayil baţupar naan na banjañan du baka ; baluŋ kafiŋ baloŋ ţi baka, kahajan baloŋ.”

Yowan 14:26

Kë Naţënkar, Uhaaş wi Naşibaţi wi akluŋ kayil ţi katim ki naan, uluŋ kajukanan iko bŧi kabot kaleşanan iko yi nţupanaŋ bŧi.

Yowan 16:13

Woli aluŋ abi, ul anwooŋ Uhaaş wi Manjoonan, aţoŋan kado name manjoonan bŧi. Aankluŋ kaţiiniyaan uleeful, uko wi aŧiinkuŋ ţañ wi wi akdooŋ kaţup kabot kapibanan iko inkluŋ kabi.

Ulemp 10:28

« Name kë pnaakiir na banwooŋ baanwo bayuday, këme pţo na baka paneenan ţi nja bayuday. » Kë Naşibaţi aşë dolën nji ţi uleef wi naan, kë nyikrën kë pnaakiir na ñaaŋ anwooŋ aanwo nayuday paanwuţi.

Baromeŋ 16:25

Nawulën ŋdëman Naşibaţi ! Aka mnhina mi pdolan naliinŧ ţi pfiyaar. Uko waŋ wi wi nji njakuŋ wi nji kaţupuŋ Uţup Ulil Unuura unkţiiniyaanuŋ uko wi Yeŧu Kriŧtu, kadiiman manjoonan mammenaniiŋ undiimaan.

1 Korinŧ 2:10

Nja biki Naşibaţi aţëpnuŋ ţi Uhaaşul adiiman uko mënţ. Uhaaşul ujaaŋ ujeehan iko bŧi kado ban du uşal wi nul unlownuŋ.

Efeŧ 2:20

Naşibaţi anaakrënan ţi pniw pi akniwuŋ, kë banjañan na baţupar Naşibaţi bawooŋ induba ijuni, Yeŧu Kriŧtu ul ţi uleeful kë aşë wo pkumel pankmëbanuŋ katoh bŧi.

Efeŧ 3:9

Dwo i kayuuj, kajinţan ţi uşal wi ñaaŋ andoli, uko umbiiŋ amena wi Naşibaţi anţakuŋ iko bŧi yi awooŋ aanyuuj nin aloŋ ţfa, dyuujan jibi akdoluŋ uko mënţ uhilna udolana.

2 Piyeer 3:2

Dŋal kaleşanan iko yi baţupar Naşibaţi bayimanaan babiiŋ aţup, kaleşanan kak uko wi banjañan biki nan bajakanaŋ aji Ajugun anwooŋ kak Nabuuran nja aŋal ŋdo kado.

Yud 1:17

Kë an biki nŋaluŋ maakan, naleşan uko wi banjañan biki Yeŧu Kriŧtu Ajugun babiiŋ aţupan aji ubi kawo.