Baromeŋ 9:5 - Mankanya

⁵ Bawo biki pntaali pi bateem nja bammeeţaniiŋ. Kë ţi pntaali mënţ pi pi Yeŧu apënnuŋ, ul ampeluŋ iko bŧi, awo Naşibaţi, awo na bnuura te mnţo ! Uwo haŋ.

Baromeŋ 9:5 Iomraidhean Croise

Ujuni 12:3

Dluŋ kawul bnuura bankñehandëriiŋ bnuura, kafëp bankmbeehiiŋ ; kaţëpna ţi iwi kawul kntaali ki mboş bŧi bnuura. »

Ujuni 49:10

Pşih paankpën ţi iwi, kë pjuuţi pi pşih pakak aduka ţi pntaali pankpënnuŋ ţi iwi te wal wi ajug pa na manjoonan akbiiŋ, ñaaŋ i bañaaŋ biki ŋŧaak bŧi bakdooŋ kado uko wi ajakuŋ.

Kañaam 103:19

Nawat Kabuka abëkan pşih pi nul du baţi, aşih iko bŧi.

Kañaam 41:13

Nji nwooŋ naŧool, iţënkën, akakanaan uleef, adolën kë nwo ţi kadunu te mnţo.

Maci 28:20

najukan baka pdo kaţaş iko bŧi yi njakanaŋ nado kado. Natenan : dwo na an na ŋnuur bŧi te uba umundu. »

Maci 6:13

Kwutun ŋdo buţaan woli baguurun işë ibuuranun ţi Unŧaayi Uweek. [Iwooŋ ajug pşih, mnhina, na mndëm te mnţo. Uwo haŋ.]

Luk 20:44

Dayiţ aji du'a kaji “Ajugun” hum di di Kriŧtu ahinanuŋ keeri kawo abuk Dayiţ ? »

Yowan 10:30

Nji na Paapa ŋwo ñaaŋ aloolan. »

Ulemp 20:28

Nalipariin ŋleefan, na batani bŧi bi Uhaaş wi Naşibaţi uwulanaŋ, aji nado kayeŋ. Namëbaan banfiyaaruŋ Naşibaţi biki bnuura. Yeŧu atul pñaakul, pbuuranaan pnŧuk pi nul.

Ulemp 3:13

Yeŧu i nawuluŋ başih biki nan, i napokuŋ ţi kadun ki Pilat andooŋ abi şal pwutana, Naşibaţi i Abraham, i Iŧaak na i Yakob na i başinun adiiman pdëm pi Yeŧu nalemparul mënţ.

Baromeŋ 1:25

Bajej manjoonan mi Naşibaţi aţëţ na ŋţilan, apok pdëman napaş iko i bawooŋ i pdëman te mnţo, awo ţi pdëman uko umpaşaniiŋ. Uwo haŋ.

Baromeŋ 1:3

Uţup mënţ uţiiniyaan uko wi Abukul, ampënnuŋ ţi kabuka ki Dayiţ naşih.

Baromeŋ 10:12

Hënk, uunka nayuday këme anwooŋ aanwo nayuday : bukal bŧi baka Ajug baka aloolan, anjaaŋ atuum bnuura bañaaŋ bŧi banţuuŋ mnhaţ mi baka ţi a.

Baromeŋ 11:28

Woli ñaaŋ aten jibi bapokuŋ pţaş Uţup Ulil Unuura, bawo başoorad Naşibaţi, nahilna naŧiink wa. Kë başë woha biki Naşibaţi adatuŋ, aŋal baka ţiki aten ţi bhoŋar bi abiiŋ ado na bateem baka.

1 Korinŧ 14:16

Na manjoonan, wi ikdëmanuŋ Naşibaţi ţi ŋţup ŋi baţi, hum di ñaaŋ anwooŋ aante ŋţup mënţ ahiniiŋ kaŧeem kaji uwo haŋ bë aante uko wi iţupuŋ ?

2 Korinŧ 11:31

Naşibaţi, Aşin Yeŧu Ajugun i bajaaŋ badëman te mnţo ame kë mënţilani.

1 Timote 3:16

Nin ñaaŋ aanhil kapok kë uko wi Naşibaţi adiimanuŋ unwooŋ uko wi ŋfiyaaruŋ udëmi : uwinana ţi Kriŧtu ambiiŋ awo ñaaŋ najën, i Uhaaş wi Naşibaţi udiimanuŋ kë awo naŧool, ul ampënuŋ awinana ţi kadun ki ŋwanjuŧ, ul i baţupuŋ ţi uko wi nul ţi kadun ki bawooŋ baanwo bayuday, ul i bañaaŋ biki mboş bafiyaaruŋ, ul andeeŋaniiŋ ţi mndëm.

1 Timote 6:15

Naşibaţi akdoluŋ Kriŧtu awinana ţi wal wi adatuŋ ; ul annuurandënuŋ bnuura, anwooŋ naşih aloolan ţañ, anwooŋ Naşih Andëmuŋ Maakan.

2 Timote 2:8

Leşan Yeŧu Kriŧtu annaţiiŋ ţi pkeţ, ampënnuŋ ţi pntaali pi Dayiţ naşih ; Uţup Ulil Unuura mënţ wi wi nji kaţupuŋ bañaaŋ.

Bahebërë 7:24

Kë Yeŧu aşë wo na ubida wi mnţo ukaaŋ kë awo naţeŋan te mnţo.

1 Yowan 5:20

Ŋkak ame kë Abuk Naşibaţi abi abot awul nja mnhina mi pyikrën anwooŋ Naşibaţi na manjoonan. Ŋmëbandër na anwooŋ Naşibaţi na manjoonan ţi pmëbandër pi ŋmëbandëruŋ na Yeŧu Kriŧtu Abukul. Ul awooŋ Naşibaţi na manjoonan, ul anwooŋ anjaaŋ awul ubida wi mnţo.

Uko wi ayuujuŋ Yowan 1:18

Dwo anwooŋ najeb ; dbi keţ aşë wo hënkuŋ najeb te mnţo akuţ awo na inigşaani yi pkeţ na yi mnkeţ.

Uko wi ayuujuŋ Yowan 22:16

« Nji Yeŧu, dyil uwanjuŧ wi naan uţupan uko wi. Uwo pa banfiyaaruŋ bŧi. Dwo i pntaali pi Dayiţ, awo unfay, ujah unjaaŋ ujeehan na nfa. »

Uko wi ayuujuŋ Yowan 22:20

Anţupuŋ uko waŋ aji : « Aa, dbi hënkuŋ ! » Uwoon haŋ ! Iwi Yeŧu Ajugun, biini !

Uko wi ayuujuŋ Yowan 5:14

Kë ŋko ŋbaakër ŋuŋ ŋaşë ji : « Uwo haŋ » kë bantohi başë ŋup ţi kadun ki baka adëman baka.