Baromeŋ 9:32 - Mankanya

³² Kë we ukaaŋ ba ? Başal aji pţaş bgah pakţuuŋ bawo baŧool ţi këş ki Naşibaţi, baanyikrën kë bawo i kafiyaara. Bajot ţi plaak panjaaŋ pado bañaaŋ bahubta,

Baromeŋ 9:32 Iomraidhean Croise

Maci 13:57

Kë uko waŋ uneenan baka pfiyaara. Kë aşë ji na baka : « Naţupar Naşibaţi ţi uŧaakul, na ţi katohul meeţ ţañ di di bañaaŋ bawooŋ baanji bamëbana bnuura. »

Luk 2:34

Kë Ŧimeyoŋ aşë ñehan Naşibaţi bnuura pa baka, abaa ji na Mariya anin Yeŧu : « Tenan, Naşibaţi adatuŋ napoţ i, ul akţijuŋ pjot na pnaţa pi bañaaŋ baŧum ţi Iŧrayel. Aluŋ kado kadiiman mnhina mi Naşibaţi, bañaaŋ baluŋ kado kalaţa.

Luk 7:23

Anwooŋ aampok pfiyaarën anuurandëni. »

Baromeŋ 10:3

baanyikrën jibi ajaaŋ ado ñaaŋ awo naŧool ţi kadunul. Balaana pwo baŧool ţi kadunul na iko yi başaluŋ bukal ţi ŋleef ŋi baka. Hënk, bapok udolade wi nul wi ajaaŋ aţëpna kado bañaaŋ bawo baŧool ţi kadunul.

Baromeŋ 11:11

Kë nşë hepar keeri : biki Iŧrayel bajot pjot pi bawooŋ baanknaţa nin i ? Nin ! Pjot pi baka pado banwooŋ baanwo bayuday bahilan babuur, kadoona bayuday bakuj baka.

Baromeŋ 4:16

Hënk, ţi pfiyaar di di ñaaŋ ajaaŋ ayeenkna kahoŋ ki Naşibaţi. Kahoŋ mënţ kawo uţen unkwooŋ pa bampënnuŋ ţi Abraham bŧi, mënţ pa bankţaşuŋ bgah ţañ, uwo pa banfiyaaruŋ bŧi jibi Abraham afiyaaruŋ. Abraham awo aşin nja bŧi.

1 Korinŧ 1:23

kë un ŋşë ţup uko wi Kriŧtu ampaŋaniiŋ. Bayuday baji uko mënţ uwo pkar Naşibaţi, kë banwooŋ baanwo bayuday baji uwo ŋyila.

1 Piyeer 2:6

Kë hënk di Naşibaţi aţupuŋ ţi Ulibra wi nul aji : « Tenan ! Dţu pnduba ploŋ du Ŧiyoŋ pnduba pammëbanuŋ katoh pi Naşibaţi aŋaluŋ maakan abot adat ; kë banfiyaaruŋ pnduba mënţ başë wo baankkowa nin. »

1 Piyeer 2:8

« Pnduba mënţ paji pado bañaaŋ bahubta kabot kajot. » Baji bahubta ţi pa wal wi bajaaŋ bapok pfiyaar uţup wi Naşibaţi. Uko mënţ kë uwo uko wi Naşibaţi adooŋ abi jaka jak aji uwo.