14 Ŋŋal keeri kaji Naşibaţi aanwo naŧool i ?
A-a, iinkdo uko uŧënţ waŋ, kado naŧool akeţ na nado buţaan. Naŧool awo wo ji nado buţaan. Iinkdo uko uŧënţ waŋ. Kë iwi nawayëş umundu bŧi ido uko unwooŋ uŧool di. »
Aluŋ kabi kafiŋ baka kawul uwoorta bañaaŋ baloŋ. » Wi bañaaŋ baŧiinkuŋ uko waŋ aşë ji : « Naşibaţi aankdinan nin uko waŋ uwo ! »
Na manjoonan, Naşibaţi aanji paţşër.
Kë işë wo iinji kŋal kate, iindi pwut pjuban ukaaŋ kë iji kla kakob kaweek wal wi Naşibaţi akdiimanuŋ udeeb uweek wi nul na pwayëş pŧool pi nul.
Kë ţuŋ keeri di di nayuday apelnuŋ bandukiiŋ ? Pwala kaŧëmp paka udooni i ?
Kë we wi ŋwooŋ kate ţi uko waŋ ? Wii wi : bañaaŋ banwooŋ baanwo bayuday banwooŋ baankla ţfa pwo baŧool ţi kadun ki Naşibaţi, bakak baŧool ţi kadunul ţiki bafiyaara.
Kë nşë ŧiink bliit bi mngur kë baji : « Aa, iwi Ajugun Naşibaţi Anhiniiŋ iko bŧi pwayëş pi nu bŧi pawo manjoonan abot awo pŧool. »
