Baromeŋ 8:16 - Mankanya

¹⁶ Uhaaş wi Naşibaţi uţup nja ţi ŋhaaş ŋi nja kë ŋwo babukul.

Baromeŋ 8:16 Iomraidhean Croise

Maci 5:9

Bañaaŋ bankţijuŋ bŧiinkar banuurandëni ţiki Naşibaţi aluŋ kaji bawo babukul.

Luk 20:36

Hënk di di bawooŋ kak baankak akeţ, banaam na ŋwanjuŧ abot awo babuk Naşibaţi, wi banaţiiŋ ţi pkeţ.

Yowan 1:12

Kë bañaaŋ bŧi banşaaŋ adi'a, afiyaara, aţen baka kë bahinan pwo babuk Naşibaţi.

Ulemp 5:32

Ŋwooŋ bankţupuŋ uko unţëpuŋ, un, na Uhaaş wi Naşibaţi, unwooŋ uko wi Naşibaţi awuluŋ banknţaşuluŋ. »

Baromeŋ 8:14

Bañaaŋ biki Uhaaş wi Naşibaţi ukţoŋuŋ ţañ bawooŋ babukul.

Baromeŋ 8:19

Iko yi Naşibaţi apaşuŋ iwo ţi pyoonk maakan wal wi Naşibaţi akdiimanuŋ banwooŋ babukul.

Baromeŋ 8:23

Mënţ umundu ţañ ukhajuŋ, nja kak ŋnwooŋ na Uhaaş wi Naşibaţi kë uwo uţen uŧeek wi nul, ŋwooni ţi ŋhaaş ŋi nja meeţ wi ŋwooŋ maakan ţi pyoonk Naşibaţi adiiman kë ŋwo babukul abot abuuran ŋleef ŋi nja.

Baromeŋ 8:26

Jibi ŋbiişniiŋ, Uhaaş wi Naşibaţi uji uţënk nja ; wi ŋwooŋ ŋëmme uko wi ŋkñehanuŋ Naşibaţi, Uhaaş uji uñehan pa nja kaşë wo uunji uţëpna ţi ŋţup.

Baromeŋ 9:26

Akak aji na a : « Dji na baka, naanwo biki pntaali pi naan kë başë luŋ kadu'an babuk Naşibaţi ajug ubida. »

Baromeŋ 9:8

Mënţ bampënnuŋ ţi Abraham bŧi keeri bawooŋ babuk Naşibaţi, biki Naşibaţi ahoŋuŋ aji bawo pntaali pi nul bawooŋ babukul.

2 Korinŧ 1:12

Hënkuŋ, uko wi uwooŋ mnlilan mi nun, uhaaş wi nun udiimanuŋ un kë mnwo mi nun ţi umundu wi na ţi kadun ki nan manwo mnwo mnŧool akuţ ajinţ ţi kadun ki Naşibaţi. Uko mënţ uwoona du Naşibaţi, mënţ uşal unŧuŋa wi bañaaŋ bajën ubiiŋ aţoŋun, bnuura bi nul babiiŋ aţoŋun.

2 Korinŧ 1:22

adiiman kë ŋwo biki nul wi aţuuŋ uhaaş wi nul ţi nja, wul uwooŋ uko ujuni ţi iko yi ahoŋuŋ aji aluŋ kawul nja.

2 Korinŧ 5:5

Naşibaţi ţi uleeful apaşuŋ nja pa uko mënţ, awul nja Uhaaş wi nul adiimanaanun kë aluŋ kawul nja ubida wi mnţo.

2 Korinŧ 6:18

Ajugun Anhiniiŋ iko bŧi akak aţiini aji : « Dwo ji aşinan, an naşë nawo ji babuk naan, biinţ na baaţ. »

Galaŧiya 3:26

An bŧi nawo babuk Naşibaţi ţiki nafiyaar Yeŧu Kriŧtu.

Galaŧiya 4:6

Pa pyuuj kë nawo babukul, Naşibaţi aţu ţi ŋhaaş ŋi nun Uhaaş wi Abukul unjaaŋ uhuuran kaji « Abba, Paap ! »

Efeŧ 1:13

An kak namëbandër na Kriŧtu wi naŧiinkuŋ uţup wi manjoonan, Uţup Ulil Unuura unkbuurananaŋ. Kë wi nafiyaaruŋ, Naşibaţi awulan Uhaaş wi nul wi ahoŋuŋ kadiiman kë nawo biki nul.

Efeŧ 4:30

Nawutan kaţu Uhaaş wi Naşibaţi ujooţan ; Uhaaş wi nul wi aţu'anaŋ wi wi akluŋ kayikrënaanan ţi unuur wi mbuur.

1 Yowan 3:1

Natenan jibi Naşibaţi Aşin nja aŋaluŋ nja. Aŋal nja adoo dinan kë ŋdoo du'ana babukul. Ŋwo babukul na manjoonan. Bañaaŋ biki umundu baamme Aşinun, ukaaŋ kë baanhinan pme nja.

1 Yowan 3:10

Uko umpaţşuŋ babuk Naşibaţi na biki Unŧaayi Uweek wii wi : ñaaŋ anwooŋ aanwo naŧool këme awo aaŋŋal ayiţul ţi Kriŧtu aanwo i Naşibaţi.

1 Yowan 3:2

An banohnaan, ŋwo hënkuŋ babuk Naşibaţi, kë uko wi ŋëkbiiŋ kawo uundo meeţana. Kë ŋşë me uko wi : woli Kriŧtu aluŋ apën awinana, ŋkak kanaam na a, ţiki ŋwina jibi awooŋ.

1 Yowan 4:13

Naşibaţi awul nja Uhaaş wi nul, ukaaŋ kë ŋji ŋme kë ŋmëbana, kë abot amëban nja.

1 Yowan 5:10

Ñaaŋ anfiyaaruŋ Abuk Naşibaţi amëban uţup mënţ ţi uhaaşul. Ñaaŋ anwooŋ aanfiyaar Naşibaţi aţu'a naţilan ţiki aanfiyaar uko wi Naşibaţi aţupuŋ ţi uko wi Abukul.

Uko wi ayuujuŋ Yowan 21:7

Ampokuŋ buţaan ayeenk uko mënţ. Nji dwo Naşibaţi i nul, ul aşë wo abuk naan.