Baromeŋ 7:7 - Mankanya

⁷ Kë we wi ŋwooŋ keeri kaji ? Bgah bi Moyiŧ ţi uleef wi ba bawo pekadu i ? Nin ! Mënţ hënk da. Kë uşë wo woli mënţ bgah ba lah, mënkme uko unwooŋ pekadu. Woli mënţ bgah bajakuŋ lah wutan kañeebar bka bi ñaaŋ, mënkme uko unwooŋ pñeebar uko wi ñaaŋ.

Baromeŋ 7:7 Iomraidhean Croise

Ujuni 3:6

Ñaaţ awin kë bko baka plil pde, anuura ţi këş, abot awo bko banjaaŋ bawul uşal unŧuŋa. Amar wal mënţ pko ploŋ ţi bko mënţ ade, akak awul ayinul, anwooŋ na a, kë adee.

Ppën 20:17

« Iinkñeebar bka bi aŧënţu : uwole katoh, aharul, nalemparul, uwit këme ubuuru, iinkñeebar nin uko uloŋ wi nul. »

Maci 5:28

Nji kë nşë ţupan : Ñaaŋ antenuŋ ahar ñaaŋ na uşal wi ppiinţ na a, adobi piinţ piinţ na a ţi uşalul.

Luk 12:15

Wi wi Yeŧu aşaaŋ aji na bañaaŋ bŧi banwooŋ da : « Naţaafaraan kaŋal bka, ubida wi ñaaŋ uunwoona ţi bka, ahille adoo yok maakan. »

Luk 20:16

Aluŋ kabi kafiŋ baka kawul uwoorta bañaaŋ baloŋ. » Wi bañaaŋ baŧiinkuŋ uko waŋ aşë ji : « Naşibaţi aankdinan nin uko waŋ uwo ! »

Ulemp 20:33

Wi nwooŋ ţi, mëññebar unŧaam wi ñaaŋ aloŋ, këme uwuuru, këme imişa.

Baromeŋ 13:9

Bgah baji : « Iinkpiinţ na ahar ñaaŋ », « Iinkfiŋ ñaaŋ », « Iinkkiij », « Iinkñeebar bka bi aŧënţu » na iko iloŋ kak. Kë uţup uloolan uşë ţonkrën iko mënţ bŧi yi bgah bajakuŋ, uwooŋ : « Ŋalan aŧënţu jibi iŋaluŋ uleefu. »

Baromeŋ 3:20

Ukaaŋ kë nin ñaaŋ aanhil kawo naŧool ţi kadun ki Naşibaţi ţi pţaş bgah ţañ : na manjoonan, bgah bado ţañ ñaaŋ ame kë aji juban.

Baromeŋ 3:5

Kë woli buţaan di ŋdoluŋ dayuuj bnuura kë Naşibaţi awo naŧool, we uwooŋ wi pţup ba ? Woli Naşibaţi adiiman nja udeebul, aankpën ţi pwo naŧool i ? Kë nşaaŋ aţiini jibi ñaaŋ najën ajaaŋ aşal.

Baromeŋ 4:1

Kë hënkuŋ, we wi ŋkjakuŋ keeri ţi Abraham i ŋwoonuŋ ţi kabuka ? We wi Naşibaţi ayuujuluŋ ţi pwo naŧool pi nul ?

Baromeŋ 4:15

Kë uşë wo uunwo haŋ, bgah baji bado Naşibaţi adeebaţër ñaaŋ jibi awooŋ aanţaş ba, kë bgah başale wo baanwoo, pjuban paankak aji pawo.

Baromeŋ 5:20

Bgah babii, hënk kë pekadu daşë ŧuma ŧum, kë dko di pekadu daŧumuŋ, bnuura babi aŧum apel.

Baromeŋ 6:15

Kë we wi ŋwooŋ kado ba ? Wi ŋwooŋ ŋënwo ţi mnhina mi bgah bi Moyiŧ awo ţi bnuura bi Naşibaţi, ŋwo kaduka ţi pekadu i ? Nin, mënţ hënk da.

Baromeŋ 7:11

Pekadu daţëpna ţi uko wi bgah baţuuŋ pdo aguurnën, kë uko mënţ ukaaŋ kë nkeţi.

Baromeŋ 7:13

Kë uko unnuuriiŋ mënţ, ukak hënkuŋ uko unjaaŋ ufiŋ pa nji i ? Nin ! Mënţ hënk da, pekadu daţëpnuŋ ţi uko unuura afiŋën kahilna kadiiman uko unwooŋ pekadu. Pekadu daţëpna ţi uko wi bgah baţuuŋ pdo adiiman pyiban pi da.

Baromeŋ 7:5

Wi ŋbiiŋ aţaş iko yi ŋleef ŋi nja ŋaŋaluŋ ţañ, pekadu daji daţëpna ţi bgah kado nja ŋŋal pdo iko iwuţaan iŧum injaaŋ iţij pkeţ.

Baromeŋ 7:8

Pekadu daţëpna ţi uko wi bgah baţuuŋ pdo adolën kë nji kañeebar iko iŧum impaţi. Woli bgah baanwoo, pekadu dakeţi.

1 Korinŧ 15:56

Uko wi pkeţ pajaaŋ pafiŋna uwo pekadu, kë uko unjaaŋ uwul pekadu mnhina uwo Bgah bi Moyiŧ.

Efeŧ 5:3

Hënkuŋ wi nawooŋ biki Naşibaţi, naankak awo biki kado kaţiiniyaan ţiiniyaan iko yi pjuban pi piinţ, ubida uţop, na pñeebar iko.

Koloŧ 3:5

Nafiŋan keeri ţi mnwo mi nan iko yi mboş yi uleef uŋaluŋ. Iko mënţ yii yi : pekadu di piinţ, ubida uţop, pŋal iko iwuţaan, pbi kaţu ţu uşal na uhaaş bŧi ţi uko, pñeebar iko, ţiki ankaaŋ ado haŋ aji dëman iko yuŋ ji Naşibaţi i i akdëmanuŋ.

1 Teŧalonika 4:5

Aankwut uŋal uwuţaan uyoha jibi banwooŋ baamme Naşibaţi bajaaŋ bado.

Bahebërë 7:19

Na manjoonan, Bgah bi Moyiŧ baando nin ñaaŋ kë ajinţ ţi këş ki Naşibaţi. Kë Naşibaţi aşë wul nja mnhaţ mannuurnaaniiŋ, ţi muŋ mënţ mi mi ŋkţëpnuŋ kañoga.